Twee lodges brand af

Geen toeriste, personeel beseer

16 August 2019 | Ongelukke
Ronelle Rademeyer en Francoise Steynberg

Die lodge op die jagplaas ­Portsmut Game sowat 100 km buite Windhoek in die Khomas Hochland, is Dinsdagnag binne 20 minute in puin gelê terwyl ’n gemeenskapslodge by Ngoma suidoos van Katima Mulilo ook afgebrand het.
Portsmut Game behoort aan mnr. Quinton van Rooyen, besturende direkteur van Trustco Holdings. Hy was nie op die plaas toe dit gebeur het nie, maar het die voorval bevestig.
Volgens me. Rozanne Janse van Rensburg het die lodge binne 20 minute afgebrand. Sy en haar man, mnr. Janse Janse van Rensburg, bestuur die jagplaas en lodge vir Van Rooyen.
Sy sê daar was vyf jagters uit Amerika en Duitsland, asook twee Namibiese beroepsjagters die nag in die lodge tuis.
“Een van die gaste (’n vrou) het kort voor halfeen wakker geskrik toe sy rook ruik. Hulle het in ’n kamer by die stoep geslaap en toe sy by die venster uitkyk, het sy net vlamme gesien.
“Sy het dadelik die ander mense in die lodge gaan wakker maak,” vertel Janse van Rensburg.
Sy sê net die gaste was in daardie stadium in die lodge, want die personeel woon elders.
Volgens haar het die gaste gelukkig genoeg tyd gehad om hul paspoorte en waardevolle items soos jaggewere uit hul kamers te verwyder.
Intussen is die Itenge-gemeen­skapslodge by die Ngoma-grenspos in die Zambezistreek gistermidddag ook deur vlamme verswelg.
Een van die onderwysers by die Primêre Skool Ngoma se huis is ook tot as verbrand, het die woordvoerder van die ministerie van die omgewing en toerisme, mnr. Romeo Muyunda, gesê.
Die brand het na bewering kort voor etenstyd oos van die Ngoma-brug langs die polisiekantoor en landdroshof ontstaan.
“Weens ’n sterk wind het die vlamme oor die brug versprei en die lodge verswelg,” het Muyunda gesê.
“Dit is ’n ramp vir toerisme in hierdie gebied.”
Dit is nog nie bekend wat tot die brand gelei het en wat die skade beloop nie. Niemand is beseer nie.
Janse van Rensburg vertel hulle het Dinsdagnag die drie brandblussers wat vir veldbrandbestryding gebruik word, ingespan om die vlamme by die brandende lodge te probeer blus.
“Die tuinslange in die tuin by die lodge was gesmelt en ons het die fire fighters gebruik, maar die brand het te vinnig versprei.”
’n Voertuig wat naby die lodge geparkeer was, het ook uitgebrand.
Volgens Van Rooyen word die skade op sowat N$10 miljoen geraam.
Hy sê twee moontlikhede word as oorsaak vir die brand ondersoek. Die een is dat ’n kortsluiting plaasgevind het. Die ander een is die gras in die grasdakke van die kompleks het só droog geword dat dit spontaan aan die brand geraak het.
Van Rooyen sê hy weet laasgenoemde teorie klink bisar, maar ’n vermoede is dat sanddeeltjies wat tussen die droë dekriete vasgesit het, die wrywing veroorsaak het. Volgens hom het die wind die dag sterk gewaai.


Soortgelyk

 

KOLLIG Voorblad

1 dag gelede | Byvoegsels

Swakop hou Makietie bl. 4

ECN gaan Itula se aansoek teenstaan

1 dag gelede | Politiek

Denver Kisting – Vanweë die beweerde negatiewe uitwerking van elektroniese stemtoestelle (EVM’s) in die afgelope presidensiële verkiesing moet die proses tersyde gestel word.Dr. Panduleni Itula,...

Ekonomie bloei lánkal

1 dag gelede | Plaaslik

Jo-Maré Duddy – Ekonomiese groei het reeds in 2015 skerp begin tuimel sonder dat dit deur amptelike syfers weerspieël is, toon nuwe data wat gister...

NOU AAN DIE GANG

1 dag gelede | Byvoegsels

» Die Swakopmund Wetenskaplike Vereniging bied tans ‘n Kersfees-skattejag by die Swakopmund Museum aan. Dit bestaan uit twee afdelings, een vir kinders en een vir...

Geskorste raadslede van Rehoboth herkies

1 dag gelede | Regering

Denver Kisting op Rehoboth – Dieselfde span raadslede wat verlede jaar deur dr. Peya Mushelenga, die minister van stedelike en landelike ontwikkeling, in die pad...

Weer vir 13 Desember 2019

1 dag gelede | Weer

BINNELAND: Mooi weer en baie tot bloedig warm in die Suide. Elders sal dit gedeeltelik bewolk en baie tot bloedig warm wees. Winderige weer sal...

STEMFEITE: NAM & SA 2019

1 dag gelede | Politiek

In Namibië het Swapo persentasiegewys meer steun ingeboet as die ANC in Suid-Afrika.

NamibRe: Versekeraars moet 12,5% sedeer

1 dag gelede | Howe

Elvira Hattingh Plaaslike versekeringsmaatskappye móét voorts vir herverseke­ring by NamibRe opdok - tot tyd en wyl daar in 'n hangende hofsaak oor die wettigheid van...

CoW baklei teen beslaglegging

1 dag gelede | Regering

Denver Kisting – Die Windhoekse munisipaliteit (CoW) baklei tans verbete teen ’n beweerde beslagleggingsbevel wat poog om van hul vaste bates te konfiskeer.Veertien superintendente verbonde...