Twee keer lewenslank vir vrouemoordenaar

'Nikodemus toon geen berou'

22 August 2019 | Howe
Die man wat in Januarie 2016 twee vroue vermoor en hul liggame op die stortingsterrein wes van die westelike verbypad in die hoofstad verbrand het, is Dinsdag twee lewenslange tronkvonnise opgelê.

Hoërhofregter Christie Liebenberg het die moorde op mee. Johanie Naruses (29) en Clemensia de Wee (23) as wreed en grusaam beskryf en gesê Lukas Nepela Nikodemus (49) het geen berou getoon oor die slagoffers se onwaardige sterftes nie.

Nikodemus is ook tot agt jaar gevangenisstraf vir dwarsboming van die gereg gevonnis, omdat hy die moorde probeer verdoesel het deur die slagoffers se liggame tussen 6 en 7 Januarie 2016 te verbrand.

Die twee vroue se halfverbrande liggame is op 7 Januarie 2016 deur sekuriteitswagte op die stortingsterrein ontdek.

Die dubbele moordenaar sal die vonnisse gelyktydig uitdien, wat beteken Nikodemus sal ten minste 25 jaar agter tralies wees voor hy vir parool in aanmerking kan kom.

Nikodemus het deurentyd onskuldig op die dubbele moord gepleit, maar is twee weke gelede deur Liebenberg skuldig bevind.

Volgens die regter was die moordenaar met albei slagoffers in ’n verhouding, het jaloesie ’n rol gespeel en kon dit die motief vir die moorde wees.



Liebenberg het gesê volgens bewyse wat die staat aan die hof voorgelê het, is die twee slagoffers in Nikodemus se voertuig met sy pistool in die bors geskiet.

De Wee se dogtertjie was drie jaar oud toe sy vermoor is en Naruses word deur haar ma oorleef.

“Die grusame moorde het ’n ernstige impak op hul lewens gehad,” het die regter oor die agtergeblewenes se lot gesê.



Liebenberg het in sy vonnisoplegging gesê Namibiërs word ongelukkig op ’n daaglikse basis deur die media aan sinnelose moorde op onskuldige, weerlose mense blootgestel.

Hy het verwys na vroue, kinders en bejaardes wat dikwels die prooi van wrede moordenaars word.



“Hier is te veel voorvalle waar moorde uit huishoudelike geweld spruit, en ondanks voortdurende noodkrete teen dié onaanvaarbare optrede duur die afstootlike misdade onverpoos voort,” het die regter gesê.

Liebenberg meen daar is ongetwyfeld wydverspreide woede oor die misdade en dit duur voort ondanks die howe se waarskuwing dat swaarder vonnisse opgelê sal word.

“Die hof is verplig om wetsgehoorsame burgers en onskuldige slagoffers van misdaad te beskerm. In Nikodemus se geval moet hy uit die samelewing verwyder word sodat hy nie langer ’n gevaar is nie,” het Liebenberg gesê.

“Die enigste wapen beskikbaar is om ’n straf te vind om die oortreder en ander daarvan te weerhou om sulke misdade in die toekoms te pleeg.”

Nikodemus is sedert sy inhegtenisneming in Januarie 2016 in die Windhoekse Sentrale Gevangenis in aanhouding en het vyf verskillende regsverteenwoordigers gehad.

Die regshulpprokureur mnr. Kalundu Kamwi was Nikodemus se regsverteenwoordiger ná sy skuldigbevinding.

Advokaat Cliff Lutibezi het vir die staat verskyn.

Soortgelyk

 

Damme voller

9 ure gelede | Weer

Elvira Hattingh - Terwyl 99,671 Mm³ (miljoen kubieke meter) water altesaam 10 nasionale damme die afgelope week binnegevloei het, het die weerkantoor opnuut ’n waarskuwing...

Groot kommer oor sprinkaanplaag in Zambezi

9 ure gelede | Omgewing

Ronelle Rademeyer - ’n Plaag van bruin sprinkane uit vermoedelik Botswana teister kommunale boere by Muhundu en ander nedersettings in Katima Mulilo se landelike kiesafdeling...

Goliath, the giant

9 ure gelede | Mense

Elizabeth Joseph Born and raised in Windhoek, Romio Goliath started wrestling when he was 10. Being part of the After School Centre Wrestling...

Weerlig slaan meisie (11) dood

9 ure gelede | Misdaad

Weerlig het Saterdag die lewe van 'n elfjarige kind geëis. Volgens die Namibiese polisie se weeklikse misdaadverslag is Aini Shilongo Saterdag omstreeks 18:00 in 'n...

Weer vir 25 Februarie

9 ure gelede | Weer

WEERWAAK: Swaar storms word in die noordoostelike streke, Otjozondjupa-, Khomas- en suidelike streek verwag. Die nodige voorsorgmaatreëls moet getref word. BINNELAND: Gedeeltelik bewolk in die...

NamWater to fix Opuwo’s supply woes

9 ure gelede | Plaaslik

Uakutura Kambaekua – Since 2017, Opuwo town has been faced with diminished water supply, a predicament blamed on high water loss in distribution systems, which...

Havana, Otjomuise powered by June

9 ure gelede | Energie

The ministry of urban and rural development has committed a total of N$14 million for electrification for the 2019/20 financial year, an amount that is...

A significant contributor to Namibia's economic landscape

9 ure gelede | Byvoegsels

Hangana Seafood (Pty) Ltd is a 100% Namibian-owned company, passionate about “Creating a future, enhancing life” for its employees, country and the people of Namibia....

Corona: Afrika 66% gereed

9 ure gelede | Gesondheid

Henriette Lamprecht – Afrika se algehele gereedheidsvlak vir die coronavirussiekte (covid-19) staan op 66%. Volgens dr. Matshidiso Moeti, die Wêreldgesondheidsorganisasie (WHO) se streeksdirekteur vir Afrika,...