Tsumeb Gim laat Goliat val

17 June 2019 | Sport
Andrew Poolman - Rubicon Tsumeb Gimnasium het Saterdag ondubbelsinnig gewys hoekom hy die voorloper in die Momentum o.19 premierliga is, toe hy die Schoemans-groep Windhoek Gimnasium 'n oortuigende pak slae op Tsumeb gegee.

Die noordeskool, met skaars twee dosyn senior spelers, het sy vasberadenheid en dissipline bewys toe hy die Windhoekers se onoorwonne seisoen met 'n wentelling van 43-25 bederf het. Dit is Tsumeb se eerste oorwinning in die geskiedenis teen die Windhoekse spogskool se eerste span.

Die Leeus het hul rieme styf vasgeloop en het vergeefs gesoek na teenvoeters vir Tsumeb Gimnasium se voorspeler-aanvalle en giftige agterlyn. Rustyd wwas hulle met 18-24 agter.

Windhoek Gimnasium se afrigter, Jaco Engels, sê dit het maar moeilik gegaan.

“Ons seuns het 'n lang tyd geneem om in die wedstryd te kom. Balbesit was baie skaars, maar alle krediet aan Tsumeb wat hul balbesit baie goed beskerm het.

“Tsumeb het gedissiplineerd by hul wedstrydplan en taktiek gehou. Hulle het bitter min foute begaan en het hul swaar agttal doeltreffend gebruik.

“Ons het 'n moeilike week van wegwedstryde agter die blad (hulle was vier dae tevore op Stampriet om teen Elnatan te speel) en sal maar seer lywe hê vir die komende dae. Maar ons kultuur is sterk en die Leeus sal opstaan.”

Sy eweknie by Tsumeb, Wouter Niehaus, sê: “Dit was 'n harde wipplankwedstryd tot so tien minute ná rustyd. Toe het ons voorspelers fisiek die oorhand begin kry.

“Toe ons agterlyn die bal op die voorvoet kry, het hulle 'n paar baie aan­skoulike agterlyndrieë gaan druk.

“Windhoek Gimnasium bly egter 'n gevaarlike span wat enduit hard bly speel het. Hulle het ook die laaste drie van die wedstryd gedruk.”

Tsumeb Gimnasium het sewe drieë ingeryg – deur die sesflank Frikkie Engelbrecht, haker Frederich Grobbelaar, stut Berndt Beddies, slot IJ Grobbelaar, losskakel Bothma Keyser en linkervleuel Zander du Plessis (2). Keyser het vier keer verdoel.

Windhoek Gimnasium het drie drieë gedruk, naamlik deur agtsteman André van der Merwe, heelagter Aiden Louw en senter Kieron Diergaardt. Losskakel Cornez Liebenberg het twee verdoel en ook twee strafdoele oorgeklits.

Soortgelyk

 

Covid-19: 5de nuwe geval binne 4 dae

15 ure gelede | Gesondheid

‘n Vragmotorbestuurder in Walvisbaai het gister positief vir Covid-19 getoets.Dit is die vyfde positiewe geval sedert Woensdag. Al die persone was in kwarantyn.Persone waarmee die...

‘80% van skole gereed’

3 dae gelede | Onderwys

Henriette Lamprecht – Sowat 80% van die 1 920 staatskole oraloor in die land is gereed om leerlinge volgens verpligte gesondheidsregulasies te ontvang wanneer hulle...

Nog leerlingdokters wag om uitgeplaas te word

3 dae gelede | Gesondheid

Henriette Lamprecht – Meer as 100 leerlingdokters wag glo reeds maande om vir internskappe by staatshospitale oraloor in die land uitgeplaas word. Die 166 leerlingdokters...

Stadspolisie van hardhandigheid beskuldig

3 dae gelede | Misdaad

Denver Kisting – ’n Inwoner van Groot Aub, mnr. Richard Davids, voer aan ’n beampte van die stadspolisie, waarnemende sersant Erwen Katiti, het hom Dinsdaglaatmiddag...

Weer vir 22 Mei 2020

3 dae gelede | Weer

BINNELAND: Gedeeltleik bewolk en warm in die streke van ||Kharas en Hardap. Elders sal dit sonnig en warm tot baie warm wees.KUS: Gedeeltelik bewolk en...

‘Vervoer van drank nie ’n misdaad’

3 dae gelede | Misdaad

Francoise SteynbergDie blote vervoer van drank is nie ’n misdaad nie en kan nie as redelike gronde gebruik word vir agterdog van die koop of...

Vroue in kwarantyn toets positief vir Covid-19

3 dae gelede | Gesondheid

Henriette Lamprecht – Twee vroue het in kwarantyn positief vir Covid-19 getoets. Dit bring Namibië se totaal bevestigde Covid-19-gevalle op 18 te staan. Volgens die...

Ebikes: vinnig, goedkoop en groen

3 dae gelede | Mense

Tanja Bause Nie te veel besighede kan sê dat hulle in die Covid-19-tyd so goed aangepas het dat hulle nuwe werknemers moes aanstel nie. Ebikes4Africa...

Market Watch Covid page - snippets

3 dae gelede | Gesondheid

The Namibia Football Association (NFA) executive committee has yet to decide what to do with funds it expects to receive from the Federation of International...