Tsjeggiese Republiek toets toeris wat Namibië besoek het vir Omicron

27 November 2021 | Gesondheid
‘n Tsjeggiese vrou wat in Namibië vakansie gehou het, word volgens die land se eerste minister, mnr. Andrej Babis, getoets om vas te stel of sy die Omicron-variant van Covid-19 onder lede het, berig AFP via Nampa.
Sy het via Suid-Afrika en Dubai na haar vaderland teruggevlieg.
Die vrou is volgens Babis volledig ingeënt en toon net ligte simptome. Die toetsuitslae word môre verwag.
Intussen, berig AFP, vergader lidlande van die Wêreldgesondheidsorganisasie (WGO) vanaf Maandag vir drie dae vir ‘n spesiale sitting in Genève, Switserland om oor ‘n internasionale verdrag oor die hantering van siektepandemies te besin.


DUITSLAND
Volgens AFP het Duitse owerhede ook vandag die eerste geval van Omicron in die land geïdentifiseer by ‘n burger wat uit Suid-Afrika teruggekeer en by die lughawe in Frankfurt geland het.
Die persoon is in selfisolasie geplaas, terwyl verdere toetse gedoen word.
Mnr. Olaf Scholz, wat volgende maand as kanselier ingesweer sal word, het gesê sy koalisie sal “alles wat nodig is” doen om die virus en variante te bestry.
Duitsland is besig om ‘n krisiseenheid saam te stel om die situasie te bestuur.
België het gister die eerste voorval in Europa bevestig.
Die toetsmonster waaruit Omicron geïdentifiseer is, is reeds op 9 November geneem.


‘PERFEKTE STORM’?
The Washington Post beskryf die wêreldreaksie as ‘n “perfect storm”, terwyl daar geen klinkklare bewyse bestaan dat die variant meer aansteeklik of gevaarliker is nie. Omdat dit kom uit ‘n gebied met lae inentingskoerse, is kommer egter groot.
Die lys van lande wat reisbeperkings teen Suid-Afrika, Namibië en ander Suider-Afrikaanse lande ingestel het, dikwels gekombineer met vereistes vir toetsing en kwarantyn, hou aan groei.
Reeds op dié lys is onder meer die Verenigde Koninkryk, VSA, Kanada, verskeie lidlande van die Europese Unie (EU), waaronder Duitsland, Frankryk, Italië en Ierland, Brasilië, Australië, Thailand, Oman, Sri Lanka en Japan.

Soortgelyk

 

Boggelrug rus teen die rotse

1 uur gelede | Omgewing

'n Boggelrugwalvis het gister laatmiddag by Langstrand Uitbreiding 1 tussen Swakopmund en Walvisbaai uitgespoel. Volgens 'n inwoner het die dooie walvis met laegety teen 'n...

Geen toetse vir ingeëntes

1 uur gelede | Gesondheid

Henriette Lamprecht – Namibië het gister ’n reusetree gegee om in pas te kom met die nuwe wêreldneiging waar reise deur inentingstatus eerder as ’n...

Families getraumatiseer ná verkeerde liggaam begrawe word

1 uur gelede | Mense

Adam Hartman op Swakopmund – Twee families in rou is verder getraumatiseer nadat hul geliefdes se liggame per ongeluk omgeruil is – klaarblyklik by die...

Risikoskaal vir boere swaar gelaai

1 uur gelede | Landbou

Ronelle Rademeyer - Skerp stygings in insetkoste, ’n “ontploffing” in veediefstalle en onsekerheid oor of die reënval vanjaar voldoende sal wees vir goeie weiding, is...

Weer vir 14 Januarie

1 uur gelede | Weer

BINNELAND: Gedeeltelik bewolk en baie tot bloedig warm in die noordweste en die verre Weste, andersins gedeeltelik bewolk en warm tot baie warm met 'n...

NaTIS: Agterstand in leerlinglisensies

1 uur gelede | Vervoer

Kristien Kruger – Nuwe besprekings vir leerlinglisensies by NaTIS is tydelik opgeskort sodat die geweldige agterstand ingehaal kan word.Volgens die woordvoerder van die Paaieowerheid (RA),...

22 sterftes, 346 nuwe gevalle

11 ure gelede | Gesondheid

Die Covid-sterftes het met 22 tot 3 783 gestyg. Vyf hiervan was tuissterftes in die Oshikoto-streek. Nie een van die sterfgevalle was ingeënt nie. Gister...

Trusted Travel System geld vanaf Saterdag

14 ure gelede | Toerisme

Die Trusted Travel System vir die koördinering en verifiëring van Covid-19-uitslae in lande deel van die Afrika Unie (AU) geld vanaf Saterdag (15 Januarie) in...

Huidige Covid-19-regulasies bly in plek

15 ure gelede | Gesondheid

President Hage Geingob sê die huidige Covid-19-regulasies wat die afgelope maand in plek was, geld steeds tot 15 Februarie. Dit is die volgende: 'n maksimum...