Trustco voeg skade by skande
Ontstoke Namibiërs versprei 'n petisie teen 'n omstrede advertensie wat Trustco op sosiale media gedeel het en wat deur Facebook verwyder is.
'n Petisie, @TrustcoHellNo, word in Namibië versprei waarin 'n verskoning van Trustco geëis word vir 'n “onsensitiewe en seksistiese” advertensie. Afgesien hiervan word geslagsopleiding vir die maatskappy geëis.
“Slagoffers van geslagsgebaseerde geweld verdien om van hul leiers te hoor en om die versekering te kry dat daar gevolge vir blatante seksisme sal wees, omdat dié tyd verby is,” skryf me. Ethne Mudge, 'n vroueregte-aktivis, in 'n ope brief aan die media.
Verbasing word uitgespreek oor die ministerie van geslagsgelykheid en kinderwelsyn se stilswye.
Volgens die ope brief is Namibië 14de op die indeks vir geslagsongelykhede.
ONGELYKHEDE
Dié indeks word deur die Wêreld Ekonomiese Forum (WEF) opgestel en boekstaaf geslagsongelykhede op ekonomiese, politieke, opvoedkundige en gesondheidsvlak in lande.
Mudge sê die advertensie vir 'n vakature op Trustco se direksie wat op sy Facebook-blad geadverteer is, verklaar hoekom skadelike en diskriminerende stereotipes in Namibië voortduur.
“Trustco se uitvoerende hoof dink dit was 'briljant' en dat die 'res waarskynlik in trane sal uitbars met die eerste teken van omstredenheid'.
“Dít in 'n land waar verkragting, volgens 'n polisieverslag, meer as enige ander misdaad voorkom, is gevaarlik en aanstootlik - veral komende van 'n maatskappy wat op die Johannesburgse aandelebeurs genoteer is,” sê Mudge.
In die advertensie word Caitlyn Jenner se geslagsverandering gebruik om aansoekers se desperaatheid aan te dui om 'n posisie op die maatskappy se direksie te kry.
Mudge wys daarop dat die Namibiese grondwet op drie plekke geslagsgelykheid beskerm en dat verskeie bestaande wette in Namibië op die bemagtiging van vroue en beskerming teen seksuele teistering gemik is.
Die media-ombudsman, mnr. John Nakuta, het by navraag gesê hy kan nie kommentaar op die advertensie lewer nie omdat klagtes by sy kantoor daarteen aanhangig gemaak is en hy onpartydig moet bly.
Hy het egter daarop gewys dat die etiese kode vir die media aangepas moet word om ook adverteerders aanspreeklik te hou.
“Slagoffers van geslagsgebaseerde geweld verdien om van hul leiers te hoor en om die versekering te kry dat daar gevolge vir blatante seksisme sal wees, omdat dié tyd verby is,” skryf me. Ethne Mudge, 'n vroueregte-aktivis, in 'n ope brief aan die media.
Verbasing word uitgespreek oor die ministerie van geslagsgelykheid en kinderwelsyn se stilswye.
Volgens die ope brief is Namibië 14de op die indeks vir geslagsongelykhede.
ONGELYKHEDE
Dié indeks word deur die Wêreld Ekonomiese Forum (WEF) opgestel en boekstaaf geslagsongelykhede op ekonomiese, politieke, opvoedkundige en gesondheidsvlak in lande.
Mudge sê die advertensie vir 'n vakature op Trustco se direksie wat op sy Facebook-blad geadverteer is, verklaar hoekom skadelike en diskriminerende stereotipes in Namibië voortduur.
“Trustco se uitvoerende hoof dink dit was 'briljant' en dat die 'res waarskynlik in trane sal uitbars met die eerste teken van omstredenheid'.
“Dít in 'n land waar verkragting, volgens 'n polisieverslag, meer as enige ander misdaad voorkom, is gevaarlik en aanstootlik - veral komende van 'n maatskappy wat op die Johannesburgse aandelebeurs genoteer is,” sê Mudge.
In die advertensie word Caitlyn Jenner se geslagsverandering gebruik om aansoekers se desperaatheid aan te dui om 'n posisie op die maatskappy se direksie te kry.
Mudge wys daarop dat die Namibiese grondwet op drie plekke geslagsgelykheid beskerm en dat verskeie bestaande wette in Namibië op die bemagtiging van vroue en beskerming teen seksuele teistering gemik is.
Die media-ombudsman, mnr. John Nakuta, het by navraag gesê hy kan nie kommentaar op die advertensie lewer nie omdat klagtes by sy kantoor daarteen aanhangig gemaak is en hy onpartydig moet bly.
Hy het egter daarop gewys dat die etiese kode vir die media aangepas moet word om ook adverteerders aanspreeklik te hou.
Kommentaar
Republikein
Geen kommentaar is op hierdie artikel gelaat nie