Trump gaan nie by groot dinee gesig wys

“Ek gaan nie die White House Correspondents’ Association Dinner vanjaar bywoon nie. Wens almal asseblief voorspoed toe en geniet die aand!” het Amerika se president, Donald Trump, Saterdag getwiet.Dié formele ete, wat ten doel het om geld vir studiebeurse in die joernalistiek in te samel, vind elke jaar in die lente plaas en gewoonlik woon die president, joernaliste, glanspersoonlikhede en Washington-ingeligtes dit by.Die laaste president wat die ete misgeloop het, was Ronald Reagan wat herstel het ná ’n sluipmoordaanval in 1981.Hy het wel telefonies ’n paar woorde gespreek.Verskeie nuusorganisasies het reeds aan die geleentheid, wat op 29 April plaasvind, onttrek uit protes teen hoe Trump die media behandel.Vanity Fair en Bloomberg, wat gewoonlik saam die eksklusiewe partytjie ná die ete aanbied, het dit gekanselleer en The New Yorker het ook sy partytjie voor die ete op 28 April gekanselleer.Die meeste ander nuusorganisasies moet nog hul amptelike planne vir daardie naweek aankondig, maar van hulle het reeds aangedui hulle gaan hul bywoning heroorweeg nadat die Withuis besluit het om onder meer die CNN en The New York Times te verbied om Vrydag ’n mediakonferensie by te woon.Jeff Mason, die president van die White House Correspondents' Association, het Saterdag aan CNN gesê Trump se besluit om nie die geleentheid by te woon nie, is nie ’n verrassing in die lig van die negatiewe dinge wat hy oor die media sê nie.“Dit is sy besluit of hy dit wil bywoon of nie,” het Mason gesê. “Maar die White House Correspondents' Association en sy lede wat elke dag daar werk, gaan aanhou om hul werk te doen en die nuus te skryf en die waarheid te vertel oor die administrasie soos wat ons voorheen met elke ander administrasie gedoen het.” -Netwerk24/CNN

Trump gaan nie by groot dinee gesig wys

Kommentaar

Republikein 2022-05-24

Meld asseblief aan om kommentaar te lewer

Trump gaan nie by groot dinee gesig wys

Kommentaar

Republikein 2022-05-24

Meld asseblief aan om kommentaar te lewer

MELD AAN