‘Tree gekoördineerd, datagedrewe op’

Iata se hoof pleit vir ander alternatief tot toe grense

29 November 2021 | Toerisme
Ronelle Rademeyer

Die uitvoerende hoof van die Internasionale Lugvervoervereniging (Iata), mnr. Willie Walsh, sê regerings moet nie in “noodmodus” optree nie, maar die ondervinding en kennis van die afgelope twee jaar op ’n “gekoördineerde, data-gedrewe grondslag” vir besluitneming inspan.

Hy het die naweek skerp reageer op die Verenigde Koninkryk (VK) en ander lande se besluit om vlugte vanaf en na Suid- en Suider-Afrika in te perk.

Teen Saterdag het Brittanje, Amerika, feitlik alle Europese lande, Japan, Israel en nog ander lande aangekondig mense uit Suid-Afrika en sy buurlandse soos Namibië en Botswana mag nie daarheen reis nie.

Lande het die reisbesperkings afgekondig selfs al is die Omicron- of B.1.1.529-variant van SARS-CoV-2 reeds ook in ander dele van die wêreld by mense met Covid-19 geïdentifiseer.

“Regerings reageer op die risiko’s van die nuwe coronavirusvariant in noodmodus wat vrees onder die reisende publiek veroorsaak.

“Ons moet so vinnig as moontlik die ervaring van die afgelope twee jaar gebruik om na ’n gekoördineerde, data-gedrewe benadering te beweeg en veilige alternatiewe vir die sluitings van grense en kwarantyn vind. Reisbeperkings is nie ’n langtermynoplossing om Covid-variante te beheer nie,” het Walsh in ’n verklaring gesê.

Die Lugrederyevereniging van Suider-Afrika (Aasa) het ewe skerp op die streng reisbeperkings reageer.

“Terwyl ons elke nasie se soewereine reg respekteer om enige maatreëls te implementeer wat hy goeddink om die verspreiding van Covid-19-variante te bekamp, doen ons ’n beroep op Whitehall (Britse regering) om wat blyk ’n haastige besluit was, te heroorweeg,” het Aasa se uitvoerende hoof, mnr. Aaron Munetsi, Vrydag versoek.

Hy het gewys op die gebrek aan gedetailleerde kennis en inligting oor die nuut-geïdentifiseerde variant, die verspreiding daarvan en die doeltreffendheid van entstowwe om ernstige siekte by mense te voorkom.

“Met sy aankondiging dien Brittanje ons streek se reis- en toerismesektor ’n lyfskoot toe. Dit plaas besighede sowel as tienduisende werksgeleenthede en baie meer mense se lewensbestaan in gevaar,” het hy gesê.

Volgens hom het vlugte vir sake- en ontspanningsreise in Suider-Afrika nou eers tekens van herstel begin sien, aangesien regerings toenemend begin ontspan het en probeer om hul reisvereistes en -maatreëls te vereenvoudig.

Munetsi sê dit is ’n groot terugslag vir rederye en sulke eensydige besluite skep ’n kommerwekkende presedent.

Statistieke van die impak van die pandemie op rederye in Suider-Afrika toon die streek se verbinding met die res van die wêreld het met 80% gedaal as gevolg van reisbeperkings. Die totale binnelandse, streek- en interkontinentale vraag na vlugte het teen die begin van November 2021 tot ongeveer 40% van die reisverkeersvlakke vóór Covid herstel, met binnelandse en streekvlugte wat die herstel gelei het.

Aasa sê in sy verklaring voor die naweek se gebeure is voorspel dat internasionale vlugte na en vanaf Suider-Afrika eers teen 2025 na die 2019-vlakke sou terugkeer.

PLAASLIK

Mnr. Dan Kamati, woordvoerder van die Namibiese Lughawensmaatskappy (NAC), het intussen gister by navraag gesê Eurowings Discover se vlug Saterdag vanaf die Internasionale Lughawe Hosea Kutako kon nog sonder enige beperkende maatreëls vertrek.

Vanaf gisteraand kon net Duitse burgers en mense met permanente verblyf in Duitsland egter ingevolge dié land se nuwe maatreëls met Eurowings na Duitsland vlieg.

Volgens Kamati het die ander rederye wat na Namibië vlieg, Airlink, Ethiopian Airlines en TAAG Angola Airlines asook die Namibiese redery, FlyNamibia, teen gister nog geen wysigings aan vlugskedules aangekondig nie.

Die Angolese regering het gister aangekondig sy grense sluit op 1 Desember vir mense uit Namibië, Botswana, Zimbabwe, Malawi, Suid-Afrika en eSwatini. – [email protected]

Soortgelyk

 

Trusted Travel System geld vanaf Saterdag

1 uur gelede | Toerisme

Die Trusted Travel System vir die koördinering en verifiëring van Covid-19-uitslae in lande deel van die Afrika Unie (AU) geld vanaf Saterdag (15 Januarie) in...

Huidige Covid-19-regulasies bly in plek

2 ure gelede | Gesondheid

President Hage Geingob sê die huidige Covid-19-regulasies wat die afgelope maand in plek was, geld steeds tot 15 Februarie. Dit is die volgende: 'n maksimum...

Byna 20 000 nuwe gevalle die afgelope maand

2 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê 19 846 nuwe Covid-19-gevalle is die afgelope maand in die land aangeteken. Hiervan was...

Inentingskoers bly laag

2 ure gelede | Gesondheid

President Hage Geingob sê huiwering om teen Covid-19 ingeënt te word, duur voort. Volgens die staatshoof het Zambezi die laagste koers en wel 6%, terwyl...

‘Reëngolwe wink’

12 ure gelede | Weer

Henriette Lamprecht – Baie swaar reën, met etlike reëngolwe wat in die tweede helfte van vandeesweek en tot volgende week uitgebreid na Namibië op pad...

Lisensie of nie, staatsvoertuie ry

12 ure gelede | Polisie

Adam Hartman op Swakopmund – Verkeersbeamptes in alle streke voer steeds ’n vroeër opdrag vanuit hul hoogste gesag uit om nie verkeerskaartjies aan regeringsvoertuie met...

FNB deel van geding om Fishrot-geld

12 ure gelede | Howe

Ogone Tlhage – First National Bank Namibia het bykomende dokumente by die hoërhof in Windhoek ingedien en hom daardeur by die grootste korrupsiesaak in die...

Weer vir 13 Januarie

12 ure gelede | Weer

BINNELAND: Gedeeltelik bewolk en baie tot bloedig warm oor die westelike helfte van die binneland, andersins gedeeltelik bewolk en warm tot baie warm met 'n...

Lande omseil Interpol as Namibië uitlewerings soek

12 ure gelede | Polisie

Kenya Kambowe op Rundu – Terwyl die Namibiese polisiehoof, lt.genl. Sebastian Ndeitunga, die Internasionale Kriminele Polisie-organisasie (Interpol) as behulpsaam beskou, vertel ’n plaaslike polisieondersoekbeampte ’n...