TransNamib op soek na nuwe direksie
'n Tydelike ampstermyn vir die ou direksie verstryk in November.
Catherine Sasman
Die ministerie van werke en vervoer het in 'n openbare kennisgewing aangekondig dat nuwe direksielede vir TransNamib gesoek word.
Die huidige direksie se termyn sal op 3 November verstryk. Die sperdatum vir voorleggings vir nuwe kandidate is 24 September, waarná kandidate op die kortlys onderworpe sal wees aan skriftelike en mondelinge ondervraging.
Alle kandidate moet professionele gekwalifiseerde Namibiërs wees en geslagsgelykheid sal 'n oorweging in die nuwe direksie se grondwet wees, het die ministerie aangekondig.
Die huidige direksie se termyn, onder voorsitterskap van mnr. Paul Smit en ondervoorsitterskap van me. Elize Angula, 'n prokureur, het in 2015 begin.
Een van die eerste voorskrifte van die ministerie van werke en vervoer, asook die ministerie van staatsondernemings, was dat die nuwe direksie die kwessie van die skorsing van die destydse uitvoerende hoof van TransNamib, me. Sara Naanda, moet oplos.
Hoe hulle Naanda se vertrek en meegaande pakket moet hanteer, was egter 'n dilemma. Die kwessie is uiteindelik vreedsaam opgelos.
Nóg 'n tameletjie was die bewering dat die voorsitter, Smit, die semistaatsonderneming op mikrovlak bestuur en by die daaglikse bestuur daarvan ingemeng het.
Smit het toe sy betrokkenheid as noodsaaklik geregverdig weens die krisis waarin die maatskappy tydens Naanda se skorsing en vertrek gedompel was.
Tydens sy termyn het die huidige direksie ook die waarnemende uitvoerende hoof, mnr. Hippy Tjivikua, en die eiendomsbestuurder, mnr. Struggle Ihuhua, geskors.
Ihuhua se kontrak met TransNamib het verstryk, maar Tjivikua se saak, waarin hy van bedrog en sameswering aangekla is, wat TransNamib glo minstens N$20 miljoen gekos het, moet nog opgelos word.
beweerde onderonsie
Die direksievoorsitter en sy adjunk het glo ook 'n onderonsie met die pas aangestelde uitvoerende hoof van TransNamib, mnr. Johny Smith, oor die hantering van die Tjivikua-saak gehad ná die direksie beide die aanvoorder en voorsitter van Tjivikua se dissiplinêre proses aangestel het.
Dít het na 'n meningsverskil met die nuwe minister van werke en vervoer, mnr. John Mutorwa, gelei, wat die raad daarvan beskuldig het dat hy as die “de facto-direksie” optree.
Mutorwa het glo bevoegdhede uitgeoefen wat binne die direksie se gesag val, omdat hy glo Smith se weiering ondersteun het om instruksies van die direksie te aanvaar.
Nóg 'n meningsverskil tussen die uitvoerende hoof en die direksie het ontstaan oor die kansellering van 'n kontrak wat die direksie met AIJ Property Management gesluit het.
Die ministerie van werke en vervoer het in 'n openbare kennisgewing aangekondig dat nuwe direksielede vir TransNamib gesoek word.
Die huidige direksie se termyn sal op 3 November verstryk. Die sperdatum vir voorleggings vir nuwe kandidate is 24 September, waarná kandidate op die kortlys onderworpe sal wees aan skriftelike en mondelinge ondervraging.
Alle kandidate moet professionele gekwalifiseerde Namibiërs wees en geslagsgelykheid sal 'n oorweging in die nuwe direksie se grondwet wees, het die ministerie aangekondig.
Die huidige direksie se termyn, onder voorsitterskap van mnr. Paul Smit en ondervoorsitterskap van me. Elize Angula, 'n prokureur, het in 2015 begin.
Een van die eerste voorskrifte van die ministerie van werke en vervoer, asook die ministerie van staatsondernemings, was dat die nuwe direksie die kwessie van die skorsing van die destydse uitvoerende hoof van TransNamib, me. Sara Naanda, moet oplos.
Hoe hulle Naanda se vertrek en meegaande pakket moet hanteer, was egter 'n dilemma. Die kwessie is uiteindelik vreedsaam opgelos.
Nóg 'n tameletjie was die bewering dat die voorsitter, Smit, die semistaatsonderneming op mikrovlak bestuur en by die daaglikse bestuur daarvan ingemeng het.
Smit het toe sy betrokkenheid as noodsaaklik geregverdig weens die krisis waarin die maatskappy tydens Naanda se skorsing en vertrek gedompel was.
Tydens sy termyn het die huidige direksie ook die waarnemende uitvoerende hoof, mnr. Hippy Tjivikua, en die eiendomsbestuurder, mnr. Struggle Ihuhua, geskors.
Ihuhua se kontrak met TransNamib het verstryk, maar Tjivikua se saak, waarin hy van bedrog en sameswering aangekla is, wat TransNamib glo minstens N$20 miljoen gekos het, moet nog opgelos word.
beweerde onderonsie
Die direksievoorsitter en sy adjunk het glo ook 'n onderonsie met die pas aangestelde uitvoerende hoof van TransNamib, mnr. Johny Smith, oor die hantering van die Tjivikua-saak gehad ná die direksie beide die aanvoorder en voorsitter van Tjivikua se dissiplinêre proses aangestel het.
Dít het na 'n meningsverskil met die nuwe minister van werke en vervoer, mnr. John Mutorwa, gelei, wat die raad daarvan beskuldig het dat hy as die “de facto-direksie” optree.
Mutorwa het glo bevoegdhede uitgeoefen wat binne die direksie se gesag val, omdat hy glo Smith se weiering ondersteun het om instruksies van die direksie te aanvaar.
Nóg 'n meningsverskil tussen die uitvoerende hoof en die direksie het ontstaan oor die kansellering van 'n kontrak wat die direksie met AIJ Property Management gesluit het.
Kommentaar
Republikein
Geen kommentaar is op hierdie artikel gelaat nie