Tornado's, swaar donderstorms in VSA lei tot sterftes

2 000 vlugte is gekanselleer, vertraag

18 April 2019 | Internasionaal
Tornado's en slegte weer in die suidelike en oostelike dele van Amerika het gelei tot die dood van nege mense, onder wie drie kinders.

Baie mense is beseer en daar is wydverspreide verwoesting.

Waarskuwings vir tornado's en swaar donderstorms is Maandagoggend uitgereik. Altesaam 41 tornado's is waargeneem en bevestig deur die nasionale weerdiens in agt deelstate van Texas tot Pennsilvanië, berig accuweather.com.

Die boeties Jace (3) en Dilynn (8) Creel is in Pollock, Texas, dood toe 'n boom beland het op die motor waarin hulle en hul ouers was.

Kapt. Alton Lenderman van die polisie daar het gesê die boom het die agterkant van die motor “so plat soos 'n pannekoek” geval. Die ouers voor in die motor is nie beseer nie, berig die BBC.



VERKEERSPROBLEME VEROORSAAK

'n 78-jarige vrou is dood toe 'n boom op haar huis in Stafford, Virginia, geval het. 'n Man van 82 jaar wat in die huis geslaap het, is beseer.

In Monroe County Road is 'n 95-jarige man dood toe 'n boom ook op sy huis geval het.

Verskeie mense, onder wie 'n 13-jarige seun, het verdrink.

In Birmingham, Alabama, is 'n werker doodgery terwyl hy gehelp het om bome te verwyder wat oor die pad geval het.

Die slegte weer het later in die rigting van New York, New Jersey en Pennsilvanië beweeg waar dit ­verkeersprobleme veroorsaak het.

Meer as 100 miljoen mense van die sentrale deel van Amerika tot die Ooskus was in gevaar weens die stormweer.

Byna 2 000 vlugte is gekanselleer of vertraag op meestal die lughawens van Dallas, Charlotte en Chicago, het Fligh­Aware.com volgens Reuters berig.

– Netwerk24/Reuters

Soortgelyk

 

Twee 'renosterstropers' verskyn in Gobabis-hof

46 minute gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

4 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

6 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

16 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

16 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

16 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

16 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

16 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

16 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....