Tolpaaie dalk op pad

Armes betaal tans meer

09 August 2019 | Vervoer
font face="Verdana" >

Catherine Sasman - Die Padfondsadministrasie (RFA) beoog om die lewensvatbaarheid van tolpaaie in Namibië te ondersoek.

Dít as ’n moontlike bykomende bron van inkomste vir die Padgebruikersheffingstelsel (Rucs), wat fondse vir die instandhouding en opknapping van nasionale paaie in stedelike en landelike gebiede insamel.

Aan die begin van die maand het die RFA ’n tender uitgereik om te bepaal op watter paaie of dele van paaie tolgeld van toepassing moet wees, en om ’n tol-infrastruktuur te verskaf.

Die voorgestelde studie sal onderneem word om inkomste deur tolgeld oor 5, 10, 20 en 30 jaar vooruit te skat, om insamelingsmeganismes te bepaal en ’n wetsraamwerk hiervoor te skep.

Mnr. Ali Ipinge, die RFA se uitvoerende hoof, het gesê die fonds oorweeg tans slegs die uitvoerbaarheid van ’n tolstelsel vir Namibië.

Die jongste studie is in 2008 gedoen en het bevind dat ’n tolstelsel is nei uitvoerbaar nie, omdat die land nie die verkeersvolumes het om dit te regverdig nie.

Sedertdien het Namibië se getal voertuie van 196 000 wat geregistreer is tot 370 000 gestyg, wat volgens Ipinge “voldoende kan wees om ’n saak ten gunste van ’n tolstelsel te bou”.

“In die stadium weet ons egter nie, en daarom ondersoek ons die uitvoerbaarheid daarvan,” het Ipinge gesê.

Hy het gesê die huidige heffingstelsel vir padgebruikers is nie billik nie.

“Namate voertuie meer brandstofdoeltreffend word, betaal padgebruikers minder per kilometer wat hulle aflê.

“Laerinkomstegroepe het egter steeds brandstof-ondoeltreffende voertuie, wat beteken hulle betaal meer per kilometer. Hierdie ongelykheid het eenvoudig te groot geword om te ignoreer, en uiteindelik subsidieer die laerinkomstepadgebruiker instandhouding vir die meer welaf padgebruiker,” het Ipinge gesê.

Daarom is die RFA op soek na ’n metode vir die heffing van padgebruik wat billik en deursigtig vir alle padgebruikers is en “maatskaplik regverdig teenoor minderbevoorregtes is”.

Die regering finansier die ontwikkeling van nuwe paaie, terwyl die RFA geld deur Rucs vir die instandhouding van nasionale paaie insamel.

Ipinge sê deur na ’n “gebruik-betaal-stelsel” oor te skakel, ’n metode wat wêreldwyd al gewilder raak, sal padgebruikers nie vir die instandhouding van paaie betaal wat hulle nie gebruik nie.

“Die RFA beoog om ’n balans tussen padheffings en voertuigonkostes te vind,” het hy gesê.

Ipinge sê soos padgebruikheffings styg, sal die gehalte van paaie verbeter en voertuigonkostes verminder.

“By hierdie kruispad sal padgebruikheffings, die koste van voertuiginstandhouding en algehele vervoerkostes vir die padgebruiker verminder,” het hy gesê.

“Ons glo nie Namibië is tans in dié goeie posisie nie en daarom is ons besig om vernuwende maniere te vind om daar te kom. Sodoende word die padgebruiker van waarde vir sy geld verseker en word ’n bevorderlike omgewing geskep vir die regering se ontwikkelingsagenda van ’n logistieke kern,” het Ipinge gesê.

[email protected]

Soortgelyk

 

Teko-trio vrygespreek

8 ure gelede | Howe

Ronelle Rademeyer - Die sakevrou, me. Teckla Lameck, en haar twee vennote, mnre. Yang Fan en Jeroboam (Kongo) Mokaxwa, is vanoggend in die hoërhof in...

Moenie polisie-, weermaglede verfilm nie

18 ure gelede | Regering

Die ministerie van verdediging het lede van die publiek gewaarsku om nie foto’s of video's van lede van die Namibiese polisie of die weermag (NDF)...

Dokters wis nie van voorskrifte

18 ure gelede | Ministeries

Henriette Lamprecht Geen amptelike kennisgewing is aan lede van die twee grootste verenigings vir dokters in die land uitgestuur oor die herske­dulering van medikasie, insluitende...

Regering kry skuld vir SOE-gemors

18 ure gelede | Regering

Denver Kisting Die regering is 'n swak aandeelhouer.Só het die adjunk- uitvoerende direkteur van staatsdiensondernemings, me. Louise Shixwameni, gister op die ontbytprogram Good Morning Namibia...

Teenstropery: 280 polisielede veg saam

18 ure gelede | Misdaad

Francoise Steynberg Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale...

Meer as N$350 000 se goedere kry voete

18 ure gelede | Misdaad

Volgens die Namibiese polisie se misdaadverslag het skelms Woensdag om 14:00 die venster van 'n voertuig in Windhoek se noordelike nywerheidsgebied stukkend geslaan. Die insittende...

Weer vir 18 September

18 ure gelede | Weer

WEERWAAK: Baie warm toestande sal oor die binneland voortduur.BINNELAND: Gedeeltelik bewolk en bloedig warm in die Suide, andersins sonnig en baie tot bloedig warm.KUS: Bewolk...

Konferensie fokus op gehalte-onderrig

18 ure gelede | Onderwys

Die Nasionale Raad vir Hoër Onderrig het, in vennootskap met die Namibiese Kwalifikasie-owerheid en die Universiteit van Namibië (Unam), die Universiteit van Wetenskap en Tegnologie...

'n Kolwyntjie vir Nadine

18 ure gelede | Plaaslik

Tanja Bause'n Elfjarige meisie van Windhoek het verlede jaar tydens die Internasionale Dansfees in Suid-Afrika stof in ander deelnemers sê oë geskop, en is hard...