'Toerisme is enjin vir ekonomiese groei'

31 May 2018 | Gebeure
Francoise Steynberg - Die Namibiese toerisme­sektor is die enigste sektor wat tydens die ekonomiese onrus groei getoon het, terwyl ander sektore ingekrimp het.

Die minister van die omgewing en toerisme, mnr. Pohamba Shifeta, het gisteraand tydens die amptelike opening van die 20ste Namibië Toerisme Ekspo (NTE) by die Windhoekse skouterrein gesê toerisme is vandag die mees mededingende bedryf wêreldwyd.

“Vanjaar het ons voorwaar gesien toerisme is 'n enjin vir ekonomiese groei.”

Ondanks die realiteit, sê Shifeta, word toerisme onderskat en nie as ekonomiese dryfveer in Namibië erken nie. Hy sê dit word in die begrotingstoekenning vir die ministerie van die omgewing en toerisme weer­spieël, asook in die uitdagings wat toerisme in die gesig staar.

“Toerisme dra N$5,2 miljard tot die bruto binnelandse produk (BBP) by en die indirekte bydrae is N$15,1 miljard. Die toerisme­bedryf het 44 700 direkte en 100 720 indirekte werksgeleent­hede geskep.”

Oor vanjaar se tema van die NTE, “Conservation - Small things matter”, het die minister gesê vir Namibiërs maak die wild, mense, landskappe en kulture - groot en klein - saak.

“Die suksesverhaal en grond­beginsel van die Gemeenskapsgebaseerde Natuurlike Hulpbronbestuur-program (CBNRM) is dat mense voordeel uit bewaring trek. Dit het gelei tot 'n ontploffing van bewaring. Namibië het bewaring na die hoogste vlak geneem waar gemeenskappe en wild bevoordeel word.”

Dit het egter uitdagings meegebring: “Die verhoging van die bevolkingsgetalle van wild én mense het tot ernstige mens-dier-konflik gelei.”

Shifeta sê die landelike gemeen­skappe dra die koste om saam met wild te leef.

'Almal se besigheid'

“Die goeie sakevertoning in die toerismesektor word waardeer, maar ek sal graag meer beleggings in maatskaplike verantwoordelikheid wil sien. Die ministerie word oorval deur klagtes van sommige gemeenskappe dat hulle onregverdig deur lodge- en toeroperateurs behandel word, veral diegene wat in die bewaringsgebiede werk.”

Die minister doen 'n beroep op alle besighede in die toerismesektor om meer maatskaplike verantwoordelikheid aan die dag te lê deur diegene te ondersteun wat hulle gehelp het om hul besighede te help groei. “Die uitdagings wat die toerismesektor in die gesig gestaar, kan nie alleen deur die ministerie getakel word nie. Die regering is oor die afgelope vyf jaar besig met kritieke heroorweging van sy benadering tot toerisme en die uitdagings, hindernisse en ander kwessies moet geïdentifiseer en getakel word.” Shifeta herinner almal aan “toerisme is almal se besigheid”.



'Local is lekker'

“Local is lekker en dié week kom die wêreld en Namibië in Windhoek byeen,” het die burgemeester van die hoofstad, mnr. Muesee Kazapua, gesê. “Toerisme moet egter in Afrika bevorder word.

Die uitvoerende hoof van die Namibië Toerismeraad (NTB), mnr. Digu //Naobeb, het bevestig dat Air Namibia se eerste vlug van die direkte roete na Lagos en Accra reeds volbespreek is.

Volgens die uitvoerende hoof van die FNB-groep, mnr. Sarel van der Walt, reis meer reisigers tans na ontwikkelende lande as ontwikkelde lande, “maar groei in toerisme is nie genoeg nie, daar moet ook voortdurende beplanning gedoen word”.

Die uitvoerende hoof van Old Mutual Namibia, mnr. Kosmas Negumbo, sê daar is geen twyfel Namibië is 'n uitstekende bestemming in 'n hoogs mededingende wêreld nie. “Ons moet onsself voortdurend afvra: Wat kan ons beter doen?”

FNB Namibia en Old Mutual Namibia is die hoofborge van die NTE.

WENNERS VAN RTA 2018

Die Verantwoordelike Toerisme-­toekenning (RTA) 2018 is ook gister­aand aangewys. In die akkommodasie-kategorie het Gondwana Namib Desert Lodge met die louere weggestap, met Wilderness Safaris Damaraland Camp en Grootberg Lodge as die naaswenners. In die kategorie vir toeroperateurs het Ultimate Safaris gewen, gevolg deur Wild Dog Safaris en Abenteuer Afrika Safari .

Soortgelyk

 

Hardap-sluise nóg groter getrek

2 dae gelede | Omgewing

Elvira Hattingh - Die Hardapdam se sluise is om 10:30 nóg groter oopgetrek sodat dit nou 300 m³ water per sekonde uitlaat – ‘n aanpassing...

La Niña skop dalk nóú in

2 dae gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

2 dae gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

2 dae gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

2 dae gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

2 dae gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

2 dae gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

2 dae gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

2 dae gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...