Toerisme in Kaapstad skep werk vir 50 000 mense

27 March 2020 | Afrika
Marelize Barnard



Werksverliese in die toerismebedryf is onafwendbaar met hotelle en ander toerismeverblyfplekke wat hul deure tydelik sluit.

Kaapstad-toerisme het by navraag gesê die toerismebedryf bied aan 50 000 mense werksgeleenthede.

Nog voordat pres. Cyril Ramaphosa die aankondiging oor die 21 dae lang staat van inperking gemaak het, is die grootskaalse uitwerking van Covid-19 op werksgeleenthede reeds bespreek. Met die jongste verwikkeling gaan die invloed vererger.

“Dit is moeilik en pynlik vir die toerismebedryf, maar ons verstaan dat die regering se besluite noodsaaklik is,” sê Kaapstad-toerisme.

Groot hotelgroepe soos onder meer Tsogo Sun het reeds hotelle tydelik gesluit en daar kan verwag word dat al hoe meer hotelle dit gaan doen, volgens Kaapstad-toerisme.

Tsogo Sun het aangekondig dat al hul hotelle teen Donderdag gesluit sal wees. Dit sal ná die 21 dae weer heropen, sou die regering se regulasies nie intussen verander nie.

Volgens Tsogo Sun kan hotelle kort vooraf oopgestel word indien die vraag na hotelverblyf weer begin toeneem. Die hotelgroep se besprekingsgeriewe bly oop.

Die groep is deur die regering en die privaat gesondheidsektor genader om te help met die voorsiening van kwarantyngeriewe indien nodig, en die moontlikheid word oorweeg.

Intussen het Sun International gesê dié hotelgroep ondersteun die 21 dae van inperking en hul hotelle en oorde sal vanaf Woensdag tot 17 April gesluit wees.

Ook die City Lodge-hotelgroep het gesê voordat die staat van inperking afgekondig is, het hulle reeds besluit om 24 van die groep se 62 hotelle se deure tydelik te sluit. Nou sal verdere tydelike sluitings volg.

Die sluitings hang af van die moontlikheid of hotelle deur die regering gevra gaan word om dienste te lewer, soos die verskaffing van verblyf aan personeel asook geriewe waar pasiënte onder kwarantyn geplaas kan word.

City Lodge het gesê hotelle kan kort vooraf heropen word. – Netwerk24

Soortgelyk

 

Etosha Sondagmiddag deur aardbewing geskud

10 ure gelede | Omgewing

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Is groot Beethoven-feesjaar van die baan?

10 ure gelede | Kuns en vermaak

Groot feesvierings is wêreldwyd en veral in Duitsland en Oostenryk beplan ter herdenking van die komponis Ludwig van Beethoven se 250ste geboortejaar. Elretha Britz van...

Naam bekend van Namibiër wat in Engeland aan Covid-19...

11 ure gelede | Gesondheid

Ronelle Rademeyer - Die Namibiër wat Saterdag in Nottingham, Engeland, aan die coronavirussiekte (Covid-19) dood is, se naam is bekend gemaak.Hy is die 56-jarige mnr....

Paspoorte: Lorriedrywers kry voorkeur

11 ure gelede | Regering

Denver Kisting – Die ministerie van binnelandse sake, immigrasie, veiligheid en sekuriteit het by monde van sy woordvoerder, mnr. Sakeus Kadhikwa, ontken hulle reik tans...

Meer as 3 000 vir Covid-19 getoets

12 ure gelede | Gesondheid

Die adjunkminister van gesondheid en maatskaplike dienste me. Esther Muinjangue sê 3 186 weefselmonsters is tot op hede vir Covid-19 getoets. Namibië het tans 21...

Moody's-klap voor begroting

23 ure gelede | Regering

Jo-Maré Duddy – Op die vooraand van finansminister Iipumbu Shiimi se debuutbegroting sit die regering nie net kniediep in die rommel nie, maar verskraal sy...

Kwarantyn-drama ry lorriedrywers

23 ure gelede | Gesondheid

Leandrea Louw op Walvisbaai – Die vragmotorbestuurder wat die afgelope naweek positief vir Covid-19 getoets het, sê sy voormalige werkgewer het hom en sy kollega...

Man voor hof ná 'hardhandigheid'

23 ure gelede | Misdaad

Denver Kisting – 'n Inwoner van Groot Aub, mnr. Richard Davids, wat aanvoer 'n beampte van die stadspolisie het hom verlede week aangerand, is Vrydag...

Weer, Dinsdag 26 Mei 2020

23 ure gelede | Weer

WEERWAAK: Koue tot baie koue toestande word in die Suide, die Weste en oor die Khomas- en Omahekestreek verwag. Tref voorsorg.BINNELAND: Gedeeltelik bewolk en koud...