Toerisme: 5 000 werksgeleenthede verlore
Ellanie Smit – Byna 5 000 werksgeleenthede is reeds weens die impak van die Covid-19-pandemie in die reis-, toerisme-, gasvryheid- en spysenieringsbedryf verlore.
“Dit kan net die oortjies van die seekoei wees. Dié syfers kan hoër wees as ons die indirekte sektore insluit wat ondersteun word of voordeel trek uit die waarde van die reis- en toerismewaardeketting,” sê die adjunkminister van die omgewing, bosbou en toerisme, me. Heather Sibungo.
Sibungo was aan die woord tydens konsultasies met rolspelers in reis en toerisme wat in die Khomasstreek gehou is oor die beraamde N$500 miljoen-herstelplan vir toerisme.
Die beraamde begroting van die konsepplan vir "Herstel in Toerisme: 2022 tot 2024" is N$520,5 miljoen vir die vyf strategiese ingrypings en 14 planne wat ten doel het om Namibië se toerismebedryf weer op koers te kry.
Deel van die ingrypings is om internasionale toerismevertroue te herstel, finansiële ondersteuning aan besighede in die sektor te bied, ’n sterk Namibiese handelsmerk met die hulp van verskeie advertensieplatforms te bou, samewerking met sleutelrolspelers in die bedryf te skep en beleggingsgeleenthede in die bedryf te bevorder en te digitaliseer.
Die direkteur van toerisme in die ministerie, mnr. Sebulon Chicalu, het die strategiese ingrypings in besonderhede verduidelik en gesê die herstelplan is noodsaaklik om die ekonomie en lewensbestaan te balanseer.
Chicalu sê die ingrypings sal gelyktydig geïmplementeer word en met die uitwerking van die staak- en hervatsiklusse in gedagte. Dit is omdat die bedryf ten minste in die kort- en mediumtermyn soos wat die virus ontwikkel, rekening moet hou met die uitwerking van moontlik nuwe variante en Covid-golwe.
“Beleidsmakers en alle rolspelers moet vinnig en kreatief optree om die onmiddellike toekoms van die toerismebedryf te beskerm.”
Chicalu sê die konsultasie met die bedryf is om ’n dokument saam te stel vir die bestuur en toerismeministerie se insae voordat dit in die kabinet ter tafel gelê word. Konsultasies het in al die streke buiten Otjozondjupa plaasgevind.
Hy het beklemtoon Namibië se toerismebedryf en sy sakemodel is baie afhanklik daarvan om besoekers en toeriste te lok.
“Die beperkte beweging en sluiting van grense weens Covid-19 het die land se toerismebedryf en ekonomie negatief geraak. As ’n bedryf wat om mense wentel, is toerisme een van die ekonomiese sektore wat die swaarste getref is.”
Chicalu sê die impak van Covid-19 op die bedryf het gelei tot ’n afname van 89,4% in die aankoms van toeriste vanaf 2019 tot 2020. Die bedryf het tot stilstand gekom en net ’n geringe herstel in Julie verlede jaar getoon.
Tydens 2020 was daar ’n afname van meer as 80% in die besettingsyfers van hotelle en ander korttermyn verblyfplekke.
“Meer as ’n 1 000 maatskappye het vir finansiële ondersteuning aansoek gedoen. Toerismemaatskappye het ook die salarisse van werknemers verminder, werknemers afgedank en uiteindelik as ’n laaste uitweg hul maatskappye laat likwideer.”
Volgens hom het meer as ’n 100 toerismebesighede tydelik of permanent hul deure gesluit.
Chicalu sê na raming kon meer as ’n 1 000 direkte werksgeleenthede in 2021 in die bedryf verlore wees. Dit kan self meer wees wanneer indirekte werksgeleenthede in ag geneem word. Mikro-, klein- en mediumsakeondernemings is ook negatief geraak.
Chicalu sê die krisis in die bedryf skep ook geleenthede om te herrangskik, herbou en te herlaai vir ’n meer suksesvolle en volhoubare toekoms gegrond op geteikende ingrypings.
Volgens hom is die beraamde syfer ten opsgte van aankoms van toeriste vir 2021 gegrond op die Elektroniese Grensbestuurstelsel. Dit dui op ’n 37,8%-styging tot 233 692 vergeleke die 169 565 in 2020.
“Die bedryf moet veerkragtig wees. Ons stel voor drie segmente, naamlik regerings, rolspelers in markte en plaaslike gemeenskappe moet hul sake in orde kry om tot die bedryf se veerkragtigheid by te dra.”
Sibungo sê toerisme en sy verwante bedrywe moet met nuwe inisiatiewe, produkte, maatreëls en veldtogte vorendag kom om die herstelproses te ondersteun.
’n Voorbeeld is plaaslike toerisme wat help om die impak van die pandemie op werksgeleenthede en besighede by sommige bestemmings in die land, beter te bestuur.
“Die land het egter die intra-Afrika en internasionale toerismemarkte nodig om terug te keer na die winste van die bedryf in 2019, en dit te verbeter.” [email protected]
“Dit kan net die oortjies van die seekoei wees. Dié syfers kan hoër wees as ons die indirekte sektore insluit wat ondersteun word of voordeel trek uit die waarde van die reis- en toerismewaardeketting,” sê die adjunkminister van die omgewing, bosbou en toerisme, me. Heather Sibungo.
Sibungo was aan die woord tydens konsultasies met rolspelers in reis en toerisme wat in die Khomasstreek gehou is oor die beraamde N$500 miljoen-herstelplan vir toerisme.
Die beraamde begroting van die konsepplan vir "Herstel in Toerisme: 2022 tot 2024" is N$520,5 miljoen vir die vyf strategiese ingrypings en 14 planne wat ten doel het om Namibië se toerismebedryf weer op koers te kry.
Deel van die ingrypings is om internasionale toerismevertroue te herstel, finansiële ondersteuning aan besighede in die sektor te bied, ’n sterk Namibiese handelsmerk met die hulp van verskeie advertensieplatforms te bou, samewerking met sleutelrolspelers in die bedryf te skep en beleggingsgeleenthede in die bedryf te bevorder en te digitaliseer.
Die direkteur van toerisme in die ministerie, mnr. Sebulon Chicalu, het die strategiese ingrypings in besonderhede verduidelik en gesê die herstelplan is noodsaaklik om die ekonomie en lewensbestaan te balanseer.
Chicalu sê die ingrypings sal gelyktydig geïmplementeer word en met die uitwerking van die staak- en hervatsiklusse in gedagte. Dit is omdat die bedryf ten minste in die kort- en mediumtermyn soos wat die virus ontwikkel, rekening moet hou met die uitwerking van moontlik nuwe variante en Covid-golwe.
“Beleidsmakers en alle rolspelers moet vinnig en kreatief optree om die onmiddellike toekoms van die toerismebedryf te beskerm.”
Chicalu sê die konsultasie met die bedryf is om ’n dokument saam te stel vir die bestuur en toerismeministerie se insae voordat dit in die kabinet ter tafel gelê word. Konsultasies het in al die streke buiten Otjozondjupa plaasgevind.
Hy het beklemtoon Namibië se toerismebedryf en sy sakemodel is baie afhanklik daarvan om besoekers en toeriste te lok.
“Die beperkte beweging en sluiting van grense weens Covid-19 het die land se toerismebedryf en ekonomie negatief geraak. As ’n bedryf wat om mense wentel, is toerisme een van die ekonomiese sektore wat die swaarste getref is.”
Chicalu sê die impak van Covid-19 op die bedryf het gelei tot ’n afname van 89,4% in die aankoms van toeriste vanaf 2019 tot 2020. Die bedryf het tot stilstand gekom en net ’n geringe herstel in Julie verlede jaar getoon.
Tydens 2020 was daar ’n afname van meer as 80% in die besettingsyfers van hotelle en ander korttermyn verblyfplekke.
“Meer as ’n 1 000 maatskappye het vir finansiële ondersteuning aansoek gedoen. Toerismemaatskappye het ook die salarisse van werknemers verminder, werknemers afgedank en uiteindelik as ’n laaste uitweg hul maatskappye laat likwideer.”
Volgens hom het meer as ’n 100 toerismebesighede tydelik of permanent hul deure gesluit.
Chicalu sê na raming kon meer as ’n 1 000 direkte werksgeleenthede in 2021 in die bedryf verlore wees. Dit kan self meer wees wanneer indirekte werksgeleenthede in ag geneem word. Mikro-, klein- en mediumsakeondernemings is ook negatief geraak.
Chicalu sê die krisis in die bedryf skep ook geleenthede om te herrangskik, herbou en te herlaai vir ’n meer suksesvolle en volhoubare toekoms gegrond op geteikende ingrypings.
Volgens hom is die beraamde syfer ten opsgte van aankoms van toeriste vir 2021 gegrond op die Elektroniese Grensbestuurstelsel. Dit dui op ’n 37,8%-styging tot 233 692 vergeleke die 169 565 in 2020.
“Die bedryf moet veerkragtig wees. Ons stel voor drie segmente, naamlik regerings, rolspelers in markte en plaaslike gemeenskappe moet hul sake in orde kry om tot die bedryf se veerkragtigheid by te dra.”
Sibungo sê toerisme en sy verwante bedrywe moet met nuwe inisiatiewe, produkte, maatreëls en veldtogte vorendag kom om die herstelproses te ondersteun.
’n Voorbeeld is plaaslike toerisme wat help om die impak van die pandemie op werksgeleenthede en besighede by sommige bestemmings in die land, beter te bestuur.
“Die land het egter die intra-Afrika en internasionale toerismemarkte nodig om terug te keer na die winste van die bedryf in 2019, en dit te verbeter.” [email protected]
Kommentaar
Republikein
Geen kommentaar is op hierdie artikel gelaat nie