Toe skole raak armes die ergste

Kinders aan ‘verskriklike risiko’s’ blootgestel

15 July 2021 | Onderwys
Henriette Lamprecht – Altesaam 804 791 primêre en sekondêre leerlinge, wat een derde van die bevolking verteenwoordig, was nie in die skool toe Namibië in Maart verlede jaar sy grendeltydperk binnegegaan het nie.

’n Jaar later het ses uit tien leerlinge wêreldwyd met die heropening van skole nie weer na die skoolbanke teruggekeer nie. Plaaslik was dit veral leerlinge uit arm en kwesbare gemeenskappe wat deur die krake geval het. Tans is skole weens Covid-19-regulasies vir ’n vroeë wintervakansie gesluit, met die opening wat van 26 Julie na 4 Augustus en moontlik langer uitgestel is.

Volgens ’n gesamentlike verslag deur Unicef Namibië en die Europese Unie (EU) se afvaardiging in die land, is dit dikwels die armste en die mees kwesbare wat moontlik nooit weer terugkeer nie, iets wat hulle aan “verskriklike risiko’s” blootstel.

Dit sluit in gedwonge kinderarbeid, kinderhandel, seksuele mishandeling of kinderhuwelike.

Die verslag beklemtoon met noodsaaklike gesondheid, voeding, immunisering en kinderbeskermingsdienste (ECD) wat onderbreek, is kinders meer blootgestel aan wanvoeding, siekte, geestessiektes en mishandeling. Veral meisies het ‘n groter risiko om vroeg in ‘n huwelik gedwing te word en om swanger te raak.

Kinders wat ook vroeë kinderontwikkelingsdienste misloop, is nie in staat om ‘n sterk grondslag vir onderrig en leer te ontwikkel en hul volle potensiaal te bereik nie en het sodoende reeds ‘n agterstand voordat hulle nog die stadium van formele onderrig bereik.

Dié wat wel terugkeer skool toe, het weer volgens die verslag nuwe uitdagings soos om verlore tyd in te haal, maskers, sosiale afstand, gebrek aan geriewe vir handewas en hul ouers se vrees vir die pandemie.

Die grendeltydperk het ook daartoe gelei dat kinders ‘n gemiddeld van 76 skooldae in die primêre fases en 67 skooldae in die sekondêre fase verloor het.

Die digitale gaping is deur Covid-19 net nog verder verbreed met veral die gapings in internettoegang wat toenemend groter raak. Volgens die verslag word dit op beide makrovlakke gesien waar skoolstelsels sukkel om te verseker alle studente het gelyke digitale toegang en geleenthede vir virtuele onderrig en op mikrovlak waar kleinkinders hul grootouers leer hoe om Zoom en Facetime te gebruik om veral tydens kwarantyn in kontak te bly.

Volgens ‘n verslag van die ministerie van onderwys, kuns en kultuur sal die meeste kinders die kans misloop om tydens die grendeltydperk en skole wat gesluit bly weens die pandemie, soos die digitale gaping verdiep, tuis te kan leer.

Dit beteken hulle raak al hoe meer agter met hul werk wat die vooruitsig om weer na die skoolbanke terug te keer “meer skrikwekkend” vir hulle en hul onderwysers maak.

Kinders met visuele, gehoor- en leergestremdhede verbeur ook hul kans weens die gebrek aan ondersteuning van hul ouers om hul spesifieke behoeftes te bowe te kom.

“In baie opsigte is die kinders wat met gestremdhede leef, die mees ongelukkiges,” lui die verslag.

Vir die pad vorentoe beklemtoon die verslag alternatiewe om gelyke toegang en kwaliteit in die huidige omstandighede te verbeter, is egter wel moontlik.

Unicef en die EU maan egter dit beteken versterkte vennootskappe.

“Onlangs het ons indrukwekkende verandering gesien met die aanbied van onderrig aanlyn, op televisie, die radio en via selfone. In Namibië het ons gesien leerlinge in verafgeleë, kwesbare en gemarginaliseerde gemeenskappe wat toegang tot voortgesette onderrig het deur die ontwikkeling, druk en verspreiding van 3,4 miljoen boekies vir graad 7-leerlinge asook die druk van onderrigmateriaal in braille vir leerlinge wat met gesiggestremdhede leef.”

‘n Openbare-private-vennootskap met ‘n private televisiestasie het aan Namibiese leerlinge en volwassenes ook toegang tot onderrigmateriaal en ekstra lesse deur middel van die LearnOnOne-televisieprogram gebied.

Met verwysing na die finansieringsbegrotings van onderwys, maan die agentskappe dié begrotings moet teen besnoeiings midde die globale ekonomiese krisis beskerm word en moet onderwys gesien word as deel van die Covid-19-herstelplan.” - [email protected]

Soortgelyk

 

Forklifting failure

10 ure gelede |

Natasja ByleveldAre you OK thinking about unconventional ideas that could uplift society and norms to a higher standard? Do you like a challenge, or do...

Big thinker who is not afraid of taking risks

10 ure gelede | Mense

Contrasting with his considered, analytical, and steady approach to life, Rolf Mendelsohn is an undisputed adventurer. Together with the other founders of Paratus, Rolf...

'Polisiebeampte' pers dokter glo af

10 ure gelede | Howe

Henriette Lamprecht – ’n Windhoekse dokter is glo afgedreig totdat hy N$30 000 opgedok het nadat hy na bewering deur ’n klaarblyklike polisiebeampte van die...

Miss Aston dra die kroon

10 ure gelede | In beeld

Cobus van der Merwe van St. Blaize Brahman & Sussex Studs gister by die Gobabis Skou saam met sy “Kampioen van kampioene”, Miss Aston 134-12....

Plaaslike skatte nou aanlyn ­beskikbaar

10 ure gelede | Kuns en vermaak

Kuns- en kunsvlytliefhebbers kan nou handgemaakte Namibiese produkte aanlyn via die nuwe Namibia Craft Shop-webwerf aanskaf. Dié platform sal as die aanlyn katalogus van die...

An easy ride-hailing platform

10 ure gelede |

Wetumwene Shikage The everyday experience for many Namibians of getting a taxi to from different locations has been made more convenient. TaxiConnect provides an easy...

A knack for things that are pleasing to the...

10 ure gelede | Mense

Wetumwene Shikage Madeline Heyman, who trained as a fashion designer, has turned her many years of experience to interior design. She says...

Sacrifices worth making

10 ure gelede | Mense

Tunohole MungobaBorn in Windhoek, Leokadia Jacob is a finance administrative officer of Dolomite Camp, which is part of Namibia Wildlife Resorts (NWR).After completing her studies...

Verkiesingskommissie tel weer: Swapo wen steeds

10 ure gelede | Politiek

Augetto Graig – Die Verkiesingskommissie van Namibië (ECN) het gister die stembriewe van die streekraadsverkiesing vir die Ndonga Linena-kiesafdeling – wat op 25 November 2020...