Titaniese stryd wag teen Titans
Beide Albie Morkel en Pierre de Bruyn wat hierdie seisoen aan die Eagles se vermoëns skaaf, het in hul jonger dae groot krieket vir die Titans gespeel.
Tielman van Lill
Die Eagles, Namibië se nasionale krieketspan, gaan vanaf aanstaande naweek op tuisgrond swaarde met die Multiply Titans op Walvisbaai en Windhoek kruis.
Die Gauteng-span wat met 18 trofees in sy vertoonkas spog, is sedert die instelling van franchisekrieket in Suid-Afrika die mees suksesvolle eenheid suid van die Oranjerivier.
Die Titans, tans onder die mentorskap van hoofafrigter Mark Boucher, speel tans hul tuiswedstryde op SuperSportpark in Centurion, asook op Willowmoorpark in Benoni.
Twee vriendskaplike kragmetings gaan die Eagles help om hul onlangs verworwe internasionale eendagstatus (ODI) vir 50-beurtwedstryde te vier en gaan hul vernuf deeglik op die proef stel.
Die Namibiërs het onder afrigter Pierre de Bruyn die afgelope tyd nuwe woema gevind en sal hul beste beenskut teen die besoekers wil voor sit.
Die eerste botsing is op Vrydag 28 Junie vanaf 13:30 by die Sparta-krieketveld op Walvisbaai. Die volgende ontmoeting is twee dae later by Trustco United se Gemsbokpark in Olympia, wat beloof om ’n heerlike Sondaguitstappie vir die hele gesin te wees. Dié wedstryd begin om 13:00 en toeskouers se verwagtinge van sesse en flambojante kolfwerk behoort nie teleurgestel te word nie.
Soos die Eagles sedert April hulself met die kolf en bal laat geld het, beloof die wedstryde in samewerking met Africa Personnel Services (APS) om vir opwindende spel te sorg. Dit is die eerste keer dat ’n RSA franchisespan van hierdie kaliber op plaaslike bodem in aksie te siene sal wees.
Die Titans land komende Woensdag by Internasionale Lughawe Hosea Kutako waarna hulle na Walvisbaai vertrek. Albie Morkel, wat die Eagles vroeër vanjaar as konsultant begin bystaan het, sal vir die laaste keer in die blou van die Titans uitstap.
De Bruyn, ’n oudspeler van onder meer die Titans, maak bogemiddelde vordering met die Eagles en sê Krieket Namibië kyk na ’n lang en positiewe vennootskap met ’n besondere unie.
“Ons is ongelooflik trots om die Titans in Namibië welkom te heet, want hul standaarde op en van die veld af is iets om na te streef. Ons sien uit daarna om ’n lang en vrugtevolle vennootskap met hulle te smee,” het De Bruyn gesê.
As voorgereg sal Namibië se vroue by United om 09:00 in ’n voorwedstryd op die veld stap. Die twee spanne sal uit o.16- en o.19-meisies volgens vernuf en krag saamgestel word om op gelyke voet te kompeteer.
Toegang tot beide wedstryde is gratis. Toeskouers sal 45 minute kry om die spelers te ontmoet en ander vermaaklikhede en familiepret sal aan die orde van die dag wees.
Namibië se spelersgroep van 16 is Stephen Baard, JP Kotze, Lo-han Louwrens, Gerhard Erasmus (kaptein), Bernard Scholtz , Zane Green, Karl Birkenstock, Pikky Ya France, Jan Frylinck (onderkaptein), JJ Smit, Mauritius Ngupita, Ben Shikongo, Matthew Stander, Zhivago Groenewald, Danie van Schoor en Tangeni Lungameni.
- [email protected]
Die Eagles, Namibië se nasionale krieketspan, gaan vanaf aanstaande naweek op tuisgrond swaarde met die Multiply Titans op Walvisbaai en Windhoek kruis.
Die Gauteng-span wat met 18 trofees in sy vertoonkas spog, is sedert die instelling van franchisekrieket in Suid-Afrika die mees suksesvolle eenheid suid van die Oranjerivier.
Die Titans, tans onder die mentorskap van hoofafrigter Mark Boucher, speel tans hul tuiswedstryde op SuperSportpark in Centurion, asook op Willowmoorpark in Benoni.
Twee vriendskaplike kragmetings gaan die Eagles help om hul onlangs verworwe internasionale eendagstatus (ODI) vir 50-beurtwedstryde te vier en gaan hul vernuf deeglik op die proef stel.
Die Namibiërs het onder afrigter Pierre de Bruyn die afgelope tyd nuwe woema gevind en sal hul beste beenskut teen die besoekers wil voor sit.
Die eerste botsing is op Vrydag 28 Junie vanaf 13:30 by die Sparta-krieketveld op Walvisbaai. Die volgende ontmoeting is twee dae later by Trustco United se Gemsbokpark in Olympia, wat beloof om ’n heerlike Sondaguitstappie vir die hele gesin te wees. Dié wedstryd begin om 13:00 en toeskouers se verwagtinge van sesse en flambojante kolfwerk behoort nie teleurgestel te word nie.
Soos die Eagles sedert April hulself met die kolf en bal laat geld het, beloof die wedstryde in samewerking met Africa Personnel Services (APS) om vir opwindende spel te sorg. Dit is die eerste keer dat ’n RSA franchisespan van hierdie kaliber op plaaslike bodem in aksie te siene sal wees.
Die Titans land komende Woensdag by Internasionale Lughawe Hosea Kutako waarna hulle na Walvisbaai vertrek. Albie Morkel, wat die Eagles vroeër vanjaar as konsultant begin bystaan het, sal vir die laaste keer in die blou van die Titans uitstap.
De Bruyn, ’n oudspeler van onder meer die Titans, maak bogemiddelde vordering met die Eagles en sê Krieket Namibië kyk na ’n lang en positiewe vennootskap met ’n besondere unie.
“Ons is ongelooflik trots om die Titans in Namibië welkom te heet, want hul standaarde op en van die veld af is iets om na te streef. Ons sien uit daarna om ’n lang en vrugtevolle vennootskap met hulle te smee,” het De Bruyn gesê.
As voorgereg sal Namibië se vroue by United om 09:00 in ’n voorwedstryd op die veld stap. Die twee spanne sal uit o.16- en o.19-meisies volgens vernuf en krag saamgestel word om op gelyke voet te kompeteer.
Toegang tot beide wedstryde is gratis. Toeskouers sal 45 minute kry om die spelers te ontmoet en ander vermaaklikhede en familiepret sal aan die orde van die dag wees.
Namibië se spelersgroep van 16 is Stephen Baard, JP Kotze, Lo-han Louwrens, Gerhard Erasmus (kaptein), Bernard Scholtz , Zane Green, Karl Birkenstock, Pikky Ya France, Jan Frylinck (onderkaptein), JJ Smit, Mauritius Ngupita, Ben Shikongo, Matthew Stander, Zhivago Groenewald, Danie van Schoor en Tangeni Lungameni.
- [email protected]
Kommentaar
Republikein
Geen kommentaar is op hierdie artikel gelaat nie