Teiken vir Covid-19-toetse in Walvisbaai-distrik nie bereik

Net 1 200 van die 2 000 mense wat vir aktiewe gevalle identifikasie in die Walvisbaai-distrik geteiken is, is in die tydperk toegeken hiervoor getoets.

Volgens die goewerneur vir die Erongostreek mnr. Neville Andre-Itope is dit op ys geplaas weens ‘n agterstand wat die Nasionale Instituut vir Patologie (NIP) ervaar weens die voortgesette toetsing van moontlike kontakgevalle.

Die doel van die oefening wat gemik was op inwoners wat in die distrik identifiseer is, het ten doel gehad om die omvang van die verspreiding van Covid-19 in die Walvisbaaise distrik te bepaal en ook om ingesamelde data vir optrede teen die pandemie in te samel.

Volgens Andre-Itope is te veel weefselmonsters per dag na die NIP gestuur. Die NIP ondersoek volgens hom die moontlikheid om hul geriewe na Walvisbaai uit te brei sodat inwoners hul uitslae vinniger kan ontvang.

Andre-Itope sê die ministerie van gesondheid en maatskaplike dienste (MoHSS) in die streek gaan met die voortgesette soektog en toetsing van mense voort wat in kontak met positiewe gevalle was, sowel as dié met Covid-19-verwante simptome. - Nampa