Teenstropery: 280 polisielede veg saam

Twee karkasse van renosters op plaas ontdek

18 September 2019 | Misdaad
Francoise Steynberg



Altesaam 280 polisielede van oraloor die land word in teenstropingseenhede op 'n driemaandelikse roteringsbasis in die Palmwagkonsessie en die Etosha en Bwabwata Nasionale Parke ontplooi.

Só het die polisiehoof, lt.genl. Sebastian Ndeitunga, verlede week by 'n slypskool vir wildmisdaadwetgewing aan ondersoekbeamptes en aanklaers in die hoofstad gesê.

“Die doel hiervan is om die teenstropingseenheid en patrollies van natuurbewaarders van die ministerie van die omgewing en toerisme te versterk,” het Ndeitunga gesê.

Hy het gesê voortdurende renoster- en olifantstropery en die onwettige handel in horings en ivoor in Namibië noop die polisie om nou saam met die ministerie te werk, veral betreffende wetgewing wat spesiaal beskermde wild moet bewaar.

“Die Namibiese polisie is toegewy aan samewerking in die stryd teen wildmisdaad. Die samespanning van Nampol, die ministerie van die omgewing en toerisme en die Blue Rhino-taakspan is aanduidend van die uitdagings van stropery,” het die polisiehoof gesê.

Hy het gesê hoewel borgtog enige beskuldigde se grondwetlike reg is, “is dit ons plig om alle wetlike maatreëls in ag te neem om te verseker dit is in die belang van die publiek, daar word nie met getuies of die polisieondersoek ingemeng nie en feitelike bewyse word aan die hof voorgelê om dit te ondersteun”.

Intussen is twee renosters verlede week op 'n private plaas in die Dordabis-distrik gestroop en hul horings verwyder.

Volgens die misdaadverslag is die karkasse verlede Donderdag deur die plaaseienaar ontdek.

Niemand is tot dusver in hegtenis geneem nie en die polisieondersoek duur voort.



13 VERDAGTES VAS

Van 9 tot 15 September is altesaam 13 verdagtes in verband met wildmisdaad in hegtenis geneem.

Vyf uit die 13 verdagtes is vas in verband met renosterstropery of die handel in horings, en een oor olifant­stropery of ivoorhandel.

Volgens Nampol se eenheid vir be­skermde hulpbronne (PRU) en die ministerie se intelligensie- en ondersoekeenheid se weeklike wildmisdaadstatisieke is sewe nuwe sake verlede week aanhangig gemaak.

Beslag is op twee renosterhorings, twee olifanttande, twee lewende ietermagôs, twee ietermagôvelle, twee leeuvelle en vuurwapens gelê, en sewe patrone is gekonfiskeer.

Tien van die verdagtes is Namibiese mans en drie is Zambiërs. Die Zambiese burger mnr. Kopela Simata is verlede Woensdag glo in besit van twee olifanttande op Katima Mulilo in hegtenis geneem en mnre. Fula Pumulo en Siyayo Kinamo is op dieselfde dag en dorp glo met een lewende ietermagô vasgetrek.



HOFVERSKYNINGS

Verskeie Namibiese beskuldigdes het verlede week in howe landswyd vir wildmisdaad verskyn.

Mnre. Uatenguainja Ngumbi, Vetumunaije Pekaha, Zakonekwa Ndiaombe en Raimo Kakongo is verlede Maandag in die landdroshof op Oshivelo op borgtog van N$8 000 vrygelaat ná hulle op klagte van die onwettige besit van vuurwapens en ammunisie verskyn het.

Mnre. Daniel Shilongo, Efraim Ashimbanga en Valentine Kandongo het verlede Maandag in die landdroshof op Otavi in verband met die stroop van 'n renosterkalf verskyn. Al drie beskuldigdes bly in aanhouding.

Mnre. Hamutenya Penty, Petrus Kanyata en Andreas Gabriel het verlede Vrydag in die Windhoekse landdroshof in Katutura in verband met die besit van 'n lewende ietermagô verskyn en is op borgtog van N$2 500 elk vrygelaat.

Mnr. Hendrik Dumeni het op dieselfde datum en hof in verband met die besit van twee ietermagô­velle verskyn.

Soortgelyk

 

B-dag: Maak of breek

8 ure gelede | Regering

Jo-Maré Duddy – Dolleë staatskoffers eerder as hemelhoë besteding is waarskynlik finansminister Iipumbu Shiimi se grootste uitdaging wanneer hy vanmiddag Namibië se moeilikste begroting sedert...

Stigma jeens lorriedrywers kwel

8 ure gelede | Vervoer

Ronelle Rademeyer en Francoise Steynberg – Lorriedrywers wat Namibië van noodsaaklike lewensmiddele voorsien en seker maak produkte bly op winkelrakke, bevind hulle terselfdertyd aan die...

‘Hongerpandemie’ lê vir wêreld op loer

8 ure gelede | Byvoegsels

Ronelle RademeyerDie wêreld se ekonome en beleidmakers twyfel nie meer daaraan dat die wêreldekonomie weens die Covid-19-krisis in ’n resessie gedompel gaan word nie. Trouens,...

Weer vir 27 Mei 2020

8 ure gelede | Weer

BINNELAND: Koud aanvanklik, maar andersins gedeeltelik bewolk en matig in die Suide. Elders sal dit gedeeltelik bewolk en matig tot warm wees.KUS: Gedeeltelik bewolk en...

Polisie lê beslag op sestig bokse vol drank

8 ure gelede | Misdaad

Francoise Steynberg – Die Namibiese polisie het Maandag knap ná middernag in Pionierspark op 60 bokse drank beslag gelê.Drie verdagtes is in hegtenis geneem, het...

Chaos toe jonges op vulstasie afpyl

8 ure gelede | Ongelukke

Drie jong mans wie se name in dié stadium onbekend is, het op 23 Mei om 01:00 'n ongeluk by die Total-vulstasie in Outjo veroorsaak...

Stappe by Covid-drywer se stoppe

8 ure gelede | Gesondheid

Leandrea Louw en Denver Kisting – 'n Handelsbank op Walvisbaai wat 'n Covid-19-geval onlangs besoek het, sê hulle het die personeel van daardie dag vervang...

Etosha Sondagmiddag deur aardbewing geskud

8 ure gelede | Ongelukke

Ronelle Rademeyer - ’n Aardbewing van 4,7 op die Richterskaal het Sondag om 16:42 in die Etosha nasionale park voorgekom.Me. Gloria Simubali, adjunk uitvoerende direkteur...

Medelye stroom in vir man wat aan Covid-19 sterf

8 ure gelede | Gesondheid

Ronelle Rademeyer – Medelye stroom glo in vir die familie van die Namibiër wat Saterdag in Nottingham, ­Engeland, aan die coronavirussiekte (Covid-19) dood is.Die minister...