'Te min om toerisme te bemark'
HAN meen dit is nou die tyd om die groot momentum te gebruik wat die toerismebedryf oor die afgelope paar jare opgebou het, veral met 'n rekord akkommodasiebesetting wat in 2016 bereik is om Namibië as die gesogste reisbestemming in Afrika te versterk.
Francoise Steynberg - Te min geld word in die nasionale begroting vir 'n effektiewe bemarkingsveldtog as toeristebestemming vir die toerismesektor aangewend om in die streek en internasionaal mededingend te wees.
Dit is die mening van die Gasvryheidsvereniging van Namibië (HAN) wat die toerismebedryf in die land verteenwoordig.
“Toerisme het in onlangse jare bewys dat dit 'n sleutel ekonomiese pilaar vir Namibië is en het stadige, maar aansienlike groei getoon. Multi-miljoen beleggings is deur die private sektor in konstruksie, ontwikkeling en 'n verskeidenheid van produkte oor die afgelope paar jare gedoen,” het die uitvoerende hoof van HAN, me. Gitta Paetzold gesê.
Voorbeelde is die nuwe Strand Hotel, Hilton Hotel, The Delight, Swakopmund Plaza en die uitbreiding van lodges en kampeerterreine.
“Dit is 'n duidelike teken van die vertroue en toewyding van die private sektor en rolspelers in die toerismebedryf,” sê Paetzold.
BEGROTINGStoekennings
“Wat die begrotingstoekennings vir die ministerie van die omgewing en toerisme behels, is dit die private sektor se mening dat dit hopeloos te min vir die toerismebedryf is, rakende maatskaplike opheffing, veral in landelike gebiede, werkskepping en die ontwikkeling van vaardighede,” meen Paetzold.
“Voorts word die begroting in verskeie gedeeltes van die sektor verdeel, onder meer wildbestuur, bewaring, infrastruktuur en bestemmingsbemarking. Te min word aangewend om Namibië as 'n toeristebestemming te bemark.”
Paetzold sê Suid-Afrika het pas byna R500 miljoen oor drie jaar as bykomende fondse aan die toerismeportefeulje vrygestel vir bestemmingontwikkeling, die verspreiding van toerisme na afgeleë streke, uitbreiding van konferensiegeriewe en die ontwikkeling van nuwe bronmarkte.
“Namibië se bemarkingsbegroting kan nie eens vergelyk word met Suid-Afrika se begroting van die kleinste provinsie nie. Ons kan ons ook nie met ons oostelike buurland Botswana vergelyk wat groot in toerismebemarking belê nie.”
Sy sê Botswana is 'n vennoot by vanjaar se internasionale toerismeskou ITB Berlyn in Berlyn, Duitsland, waaraan hulle miljoene bykomend tot hul bemarkingsbegroting bestee het.
SAMEWERKING
“Maar in die afwesigheid van beskikbare fondse oor die ekonomiese spektrum, moet Namibië nou strategies en ekonomies in samewerking optree. Samewerking en kommunikasie is nou belangriker as ooit,” meen Paetzold.
“Ongelukkig is die aanduidinge dat daar begrotingsbesnydings oral in ministeries gaan wees en dit ook die toerismebedryf in ons land gaan raak. Daar is gerugte dat ons nasionale bemarkingsliggaam, die Namibië Toerismeraad (NTB), die helfte van hul reeds klein begroting van die afgelope twee jaar gaan ontvang,” sê Paetzold.
“Dit is tot groot kommer vir toerisme, want nou is die tyd om die groot momentum te gebruik wat toerisme oor die afgelope paar jare opgebou het, veral met 'n rekord akkommodasiebesetting wat in 2016 bereik is om Namibië as die gesogste reisbestemming in Afrika te versterk.”
Volgens Paetzold moet bestemmingsbemarking deur die NTB gelei word maar oor 'n breër spektrum met ondersteuning en fondse van die ministeries van internasionale betrekkinge en samewerking en handel en nywerheidsontwikkeling as een sterk, doelgerigte poging vir bestemmingsbemarking.
Sy sê die NTB se begroting moet dringend hersien word: “Die NTB het 'n goeie bestemmingbemarkingskonsep vir Namibië wat NTB Frankfurt in die afgelope jare bewys het. Dit sal ideaal wees as dié konsep onder die leierskap van NTB uitgebrei word.”
Paetzold sê die toerismesektor besef dat daar tans nie voldoende fondse is om alle gewenste projekte te ondersteun nie, daarom moet strategiese en effektiewe middele toegepas word om saam met ander partye en vennote 'n verenigde, nasionale bemarkingsveldtog te ondersteun.
“Toerisme is almal se besigheid.”
Dit is die mening van die Gasvryheidsvereniging van Namibië (HAN) wat die toerismebedryf in die land verteenwoordig.
“Toerisme het in onlangse jare bewys dat dit 'n sleutel ekonomiese pilaar vir Namibië is en het stadige, maar aansienlike groei getoon. Multi-miljoen beleggings is deur die private sektor in konstruksie, ontwikkeling en 'n verskeidenheid van produkte oor die afgelope paar jare gedoen,” het die uitvoerende hoof van HAN, me. Gitta Paetzold gesê.
Voorbeelde is die nuwe Strand Hotel, Hilton Hotel, The Delight, Swakopmund Plaza en die uitbreiding van lodges en kampeerterreine.
“Dit is 'n duidelike teken van die vertroue en toewyding van die private sektor en rolspelers in die toerismebedryf,” sê Paetzold.
BEGROTINGStoekennings
“Wat die begrotingstoekennings vir die ministerie van die omgewing en toerisme behels, is dit die private sektor se mening dat dit hopeloos te min vir die toerismebedryf is, rakende maatskaplike opheffing, veral in landelike gebiede, werkskepping en die ontwikkeling van vaardighede,” meen Paetzold.
“Voorts word die begroting in verskeie gedeeltes van die sektor verdeel, onder meer wildbestuur, bewaring, infrastruktuur en bestemmingsbemarking. Te min word aangewend om Namibië as 'n toeristebestemming te bemark.”
Paetzold sê Suid-Afrika het pas byna R500 miljoen oor drie jaar as bykomende fondse aan die toerismeportefeulje vrygestel vir bestemmingontwikkeling, die verspreiding van toerisme na afgeleë streke, uitbreiding van konferensiegeriewe en die ontwikkeling van nuwe bronmarkte.
“Namibië se bemarkingsbegroting kan nie eens vergelyk word met Suid-Afrika se begroting van die kleinste provinsie nie. Ons kan ons ook nie met ons oostelike buurland Botswana vergelyk wat groot in toerismebemarking belê nie.”
Sy sê Botswana is 'n vennoot by vanjaar se internasionale toerismeskou ITB Berlyn in Berlyn, Duitsland, waaraan hulle miljoene bykomend tot hul bemarkingsbegroting bestee het.
SAMEWERKING
“Maar in die afwesigheid van beskikbare fondse oor die ekonomiese spektrum, moet Namibië nou strategies en ekonomies in samewerking optree. Samewerking en kommunikasie is nou belangriker as ooit,” meen Paetzold.
“Ongelukkig is die aanduidinge dat daar begrotingsbesnydings oral in ministeries gaan wees en dit ook die toerismebedryf in ons land gaan raak. Daar is gerugte dat ons nasionale bemarkingsliggaam, die Namibië Toerismeraad (NTB), die helfte van hul reeds klein begroting van die afgelope twee jaar gaan ontvang,” sê Paetzold.
“Dit is tot groot kommer vir toerisme, want nou is die tyd om die groot momentum te gebruik wat toerisme oor die afgelope paar jare opgebou het, veral met 'n rekord akkommodasiebesetting wat in 2016 bereik is om Namibië as die gesogste reisbestemming in Afrika te versterk.”
Volgens Paetzold moet bestemmingsbemarking deur die NTB gelei word maar oor 'n breër spektrum met ondersteuning en fondse van die ministeries van internasionale betrekkinge en samewerking en handel en nywerheidsontwikkeling as een sterk, doelgerigte poging vir bestemmingsbemarking.
Sy sê die NTB se begroting moet dringend hersien word: “Die NTB het 'n goeie bestemmingbemarkingskonsep vir Namibië wat NTB Frankfurt in die afgelope jare bewys het. Dit sal ideaal wees as dié konsep onder die leierskap van NTB uitgebrei word.”
Paetzold sê die toerismesektor besef dat daar tans nie voldoende fondse is om alle gewenste projekte te ondersteun nie, daarom moet strategiese en effektiewe middele toegepas word om saam met ander partye en vennote 'n verenigde, nasionale bemarkingsveldtog te ondersteun.
“Toerisme is almal se besigheid.”
Kommentaar
Republikein
Geen kommentaar is op hierdie artikel gelaat nie