Swendelaar na RSA gedeporteer

Pienaar verloor N$5 miljoen se regseis

14 October 2021 | Howe
Kristien Kruger

Die Suid-Afrikaanse burger wat in Namibië op verskeie klagte van bedrog skuldig bevind is en wat daarna die staat vir kwaadwillige en onregmatige vervolging gedagvaar het, sal nou gedeporteer word en nie na Namibië kan terugkeer nie.

Regter Nate Ndauendapo het die swendelaar Adriaan Pienaar (60) se regseis vir N$5 miljoen van die hand gewys en van die rol geskrap.

Die aanklaer-generaal het aangedui dat die immigrasietribunaal beplan om Pienaar as ’n onwettige immigrant te lys, wat beteken dat hy nooit weer die landsgrense sal kan binnekom nie.

SKULDIG AAN BEDROG

Pienaar is in 2019 skuldig bevind aan bedrog wat hy in Mei tot November 2009 gepleeg het. Die streekhof het hom tot ses jaar tronkstraf gevonnis, waarvan drie jaar opgeskort is vir ’n tydperk van vyf jaar indien hy nie soortgelyke oortredings pleeg nie. Hy was ses jaar in aanhouding voordat sy hofsaak afgehandel is.

Voor sy skuldigbevinding was hy reeds besig om ’n tweejaarvonnis vir soortgelyke oortredings uit te dien.

Hy het kredietaankope by ondernemings oraloor die land gemaak wat hy nooit betaal het nie. In Windhoek het hy onder meer sigarette ter waarde van sowat N$200 000, ’n televisiestel van sowat N$124 000 en vleisprodukte gekoop sonder om ooit daarvoor te betaal.

N$5 MILJOEN REGSGEDING

Pienaar het beweer dat hy in 2013, toe hy reeds agter tralies was, onwettiglik in hegtenis geneem is met betrekking tot sy immigrasiestatus.

Hy het ook aangevoer hy was vir meer as drie jaar sonder rede in aanhouding.

Die staat het aan die hof verduidelik dat Pienaar nie opnuut gearresteer was nie, maar slegs van verskeie oortredings aangekla was. Dié klagte is later by die bedrogklagte gevoeg waarop hy ten einde skuldig bevind is.

Die staat het geargumenteer dat hoewel Pienaar tevore gewaarsku is om nie na Namibië te reis nie, het hy nogtans teruggekeer en sonder ’n geldige werkspermit hier besigheid gedoen. – [email protected]

Soortgelyk

 

Creativity and mental health: Where do we overstep

10 ure gelede | Gesondheid

Kalistu R Mukoroli, PR and brand strategistWe tend to preach about being creative, but isn’t this contributing to mental health issues? Creative people always push...

Tourism mogul driven by passion

10 ure gelede | Toerisme

Iréne-Mari van der Walt Part-owner of Swakop Cycle Tours Paul Ndjambula says despite his business being conceptualised during his time as an intern, it took...

Kalahari se water in die gedrang

10 ure gelede | Omgewing

Frank Steffen en Brigitte Weidlich – “Dit mag eenvoudig nie gebeur nie! Maak nie saak hoe jy uitloogproses benader nie, hierdie unieke kom sal onvermydelik...

Etosha se brand geblus

10 ure gelede |

Tanja Bause – Die veldbrand wat sedert Maandag in Etosha gewoed het, is eindelik gister onder beheer gekry. Volgens die woordvoerder van die ministerie van...

Professionele jagters se bewaringswerk

10 ure gelede | Toerisme

Emmanuel Koro, Johannesburg – Ná die verwoestende uitwerking van die Covid-19-pandemie op die Namibiese jag- en fotosafari-bedryf, het jagsyfers vanjaar ietwat verbeter. Terwyl sowat 5...

Jessica Ashley stel vandag enkelsnit vry

10 ure gelede | Byvoegsels

Die jong sangeres Jessica Ashley (Strydom) van Swakopmund stel vandag haar eerste enkelsnit – wat sy self geskryf het – vry. Die lied “Only 9”...

'n Liefdesgedig aan bedreigde spesies

10 ure gelede | Byvoegsels

Yandi du Plessis Wilde Kind se vollengte studio-album Omhanda is gister op alle stromingsplatforms uitgereik.“Omhanda” is die Oshiwambo-woord vir renoster. “Renosters is spesiaal vir Namibië...

Voortrekkers ná 90 jaar nog op koers

10 ure gelede | Byvoegsels

Die Windhoek-Schlengemann-kommando van die Namibiese Voortrekkers bied vanaand, in samewerking met Netwerk Namibië en Windhoek Afrikaanse Privaatskool, 'n plaaslike vertoning van die aanlyn konsert, Hou...

Learning through play

10 ure gelede | Gemeenskap

Mariselle StofbergStimuBox is an online store that produces and sells personalised sensory boxes. These boxes contain fun and simple, age-appropriate activities that help with the...