Swapo verloor twee setels
Die LPM het op Keetmanshoop koning gekraai in Woensdag se tussenverkiesing, terwyl Walvisbaai onafhanklik gestem het.
Augetto Graig
Die Verkiesingskommissie van Namibië (ECN) het gister die amptelike uitslae van Woensdag se vier tussenverkiesings vir Khomasdal, Gobabis, Walvisbaai-stedelik en Keetmanshoop-stedelik se streekraadsetels uitgereik.
In die hoofstad en op Gobabis het Swapo-kandidate gewen.
Op Keetmanshoop gaan die Landless People's Movement (LPM) se kandidaat streekraad toe, terwyl Erongo se raad 'n onafhanklike raadslid in die Walvisbaai- stedelike kiesafdeling kry.
Mnr. Angolo Samuel van Swapo sal die Khomasdal-kiesafdeling op die Khomasstreekraad verteenwoordig ná hy 1 227 stemme verwerf het.
LPM se me. Mara Baumgartner was tweede met 349 stemme, gevolg deur die Popular Democratic Movement (PDM) se mnr. Reggie Diergaardt met 326 stemme, en Swanu se mnr. Kauahuma Tjiunomuinjo met 202 stemme.
Op Gobabis het Swapo se mnr. Augustinus Tebele geseëvier met 1 409 stemme teenoor die LPM se mnr. Daniel Binga met 571 stemme, mnr. Braynie Modise van die PDM met 277 stemme en die onafhanklike kandidaat, mnr. Elvis Kauesa, met 82 stemme.
Tebele sê hy sal op jeugontwikkeling en deelname fokus, asook op armoedebekamping, die bespoediging van dienslewering, en die instel van gereelde gemeenskapsvergaderings.
Op Keetmanshoop het die LPM gewen ná hul kandidaat, me. Maxie Minnaar, 1 958 stemme verwerf het, gevolg deur Swapo se mnr. Festus Shilimela met 1 306 stemme, en die PDM se mnr. Abraham /Goagoseb met 292 stemme.
Minnaar sê: “Ons is die Landless People's Movement en ons sal eerste kyk na die grondlose mense – veral in nedersettings soos Ileni, om grondaktes wettig op hul name te help kry.”
Sy wil ook meer betaalpunte vir pensioenuitbetalings vestig en opnuut lewe in die ontwikkelingskomitee vir haar kiesafdeling blaas.
Minnaar waarsku nuwe raadslede sal slegs agt maande kry om 'n impak te maak, derhalwe moet op bereikbare doelwitte gefokus word.
Op Walvisbaai het die onafhanklike kandidaat mnr. Knowledge Ipinge geseëvier met 1 636 stemme, of 45,5% van alle geldige stemme, gevolg deur Swapo se me. Sirie Topulathana met 1 313 stemme.
Mnr. Kenneth Iilonga, ook 'n onafhanklike kandidaat, het 436 stemme gekry, en die PDM se mnr. Richard Hoaeb het 208 stemme op hom beteken.
Iipinge en sy ondersteuners het Walvisbaai se strate Woensdagaand net ná die aankondiging van die uitslae ingevaar.
Hy het glo besoek aan sy ouma afgelê om “seëninge te ontvang” ná sy vroeër die dag glo saam met hom gaan stem het.
Volgens die ECN is 3 593 wettige stemme op Walvisbaai getel, terwyl 23 169 kiesers geregistreer het om hul keuse daar te maak.
Sowat 15,5% van geregistreerde kiesers het hier aan die tussenverkiesing deelgeneem.
Dit is steeds heelwat meer as die 8,2% van geregistreerde kiesers wat in die hoofstad aan die Khomasdal-kiesafdeling se tussenverkiesing deelgeneem het.
Net 2 104 inwoners van Khomasdal, Otjomuise, 7de en 8ste Laan het hul stemme laat tel.
Keetmanshoop het die beste gevaar met 30,8%, of 3 556 uit 11 534 kiesers wat suksesvol gestem het.
Op Gobabis het 2 339 mense uit 13 457 gestem, wat gelykstaande aan 17,3% is.
Mnr. Theo Mujoro, die ECN se hoofkiesbeampte, het die tussenverkiesing as suksesvol beskryf.
Die politieke ontleder mnr. Graham Hopwood het gister gesê die nuwe raadslede wat nie aan Swapo behoort nie, kan dit moeilik vind om hul sin te kry in streekrade wat deur die regerende party oorheers word.
Hy sê hulle sal met Swapo-lede moet saamwerk om 'n impak te maak.
Volgens Hopwood moet Swapo van die geleentheid gebruik maak om uit dié uitslae te leer.
Indien nie, kan hulle moontlik hul houvas op die Erongo-, ||Kharas- en selfs die Khomasstreekraad verloor.
Hy sê die LPM het bewys hulle het groot potensieaal in die Suide, maar die toekoms vir onafhanklike kandidate bly onduidelik.
Dit weens onsekerheid oor die rol wat die Regstellende Herposisioneringsbeweging (AR) en dr. Panduleni Itula in toekomstige veldtogte kan speel.
– [email protected]
Die Verkiesingskommissie van Namibië (ECN) het gister die amptelike uitslae van Woensdag se vier tussenverkiesings vir Khomasdal, Gobabis, Walvisbaai-stedelik en Keetmanshoop-stedelik se streekraadsetels uitgereik.
In die hoofstad en op Gobabis het Swapo-kandidate gewen.
Op Keetmanshoop gaan die Landless People's Movement (LPM) se kandidaat streekraad toe, terwyl Erongo se raad 'n onafhanklike raadslid in die Walvisbaai- stedelike kiesafdeling kry.
Mnr. Angolo Samuel van Swapo sal die Khomasdal-kiesafdeling op die Khomasstreekraad verteenwoordig ná hy 1 227 stemme verwerf het.
LPM se me. Mara Baumgartner was tweede met 349 stemme, gevolg deur die Popular Democratic Movement (PDM) se mnr. Reggie Diergaardt met 326 stemme, en Swanu se mnr. Kauahuma Tjiunomuinjo met 202 stemme.
Op Gobabis het Swapo se mnr. Augustinus Tebele geseëvier met 1 409 stemme teenoor die LPM se mnr. Daniel Binga met 571 stemme, mnr. Braynie Modise van die PDM met 277 stemme en die onafhanklike kandidaat, mnr. Elvis Kauesa, met 82 stemme.
Tebele sê hy sal op jeugontwikkeling en deelname fokus, asook op armoedebekamping, die bespoediging van dienslewering, en die instel van gereelde gemeenskapsvergaderings.
Op Keetmanshoop het die LPM gewen ná hul kandidaat, me. Maxie Minnaar, 1 958 stemme verwerf het, gevolg deur Swapo se mnr. Festus Shilimela met 1 306 stemme, en die PDM se mnr. Abraham /Goagoseb met 292 stemme.
Minnaar sê: “Ons is die Landless People's Movement en ons sal eerste kyk na die grondlose mense – veral in nedersettings soos Ileni, om grondaktes wettig op hul name te help kry.”
Sy wil ook meer betaalpunte vir pensioenuitbetalings vestig en opnuut lewe in die ontwikkelingskomitee vir haar kiesafdeling blaas.
Minnaar waarsku nuwe raadslede sal slegs agt maande kry om 'n impak te maak, derhalwe moet op bereikbare doelwitte gefokus word.
Op Walvisbaai het die onafhanklike kandidaat mnr. Knowledge Ipinge geseëvier met 1 636 stemme, of 45,5% van alle geldige stemme, gevolg deur Swapo se me. Sirie Topulathana met 1 313 stemme.
Mnr. Kenneth Iilonga, ook 'n onafhanklike kandidaat, het 436 stemme gekry, en die PDM se mnr. Richard Hoaeb het 208 stemme op hom beteken.
Iipinge en sy ondersteuners het Walvisbaai se strate Woensdagaand net ná die aankondiging van die uitslae ingevaar.
Hy het glo besoek aan sy ouma afgelê om “seëninge te ontvang” ná sy vroeër die dag glo saam met hom gaan stem het.
Volgens die ECN is 3 593 wettige stemme op Walvisbaai getel, terwyl 23 169 kiesers geregistreer het om hul keuse daar te maak.
Sowat 15,5% van geregistreerde kiesers het hier aan die tussenverkiesing deelgeneem.
Dit is steeds heelwat meer as die 8,2% van geregistreerde kiesers wat in die hoofstad aan die Khomasdal-kiesafdeling se tussenverkiesing deelgeneem het.
Net 2 104 inwoners van Khomasdal, Otjomuise, 7de en 8ste Laan het hul stemme laat tel.
Keetmanshoop het die beste gevaar met 30,8%, of 3 556 uit 11 534 kiesers wat suksesvol gestem het.
Op Gobabis het 2 339 mense uit 13 457 gestem, wat gelykstaande aan 17,3% is.
Mnr. Theo Mujoro, die ECN se hoofkiesbeampte, het die tussenverkiesing as suksesvol beskryf.
Die politieke ontleder mnr. Graham Hopwood het gister gesê die nuwe raadslede wat nie aan Swapo behoort nie, kan dit moeilik vind om hul sin te kry in streekrade wat deur die regerende party oorheers word.
Hy sê hulle sal met Swapo-lede moet saamwerk om 'n impak te maak.
Volgens Hopwood moet Swapo van die geleentheid gebruik maak om uit dié uitslae te leer.
Indien nie, kan hulle moontlik hul houvas op die Erongo-, ||Kharas- en selfs die Khomasstreekraad verloor.
Hy sê die LPM het bewys hulle het groot potensieaal in die Suide, maar die toekoms vir onafhanklike kandidate bly onduidelik.
Dit weens onsekerheid oor die rol wat die Regstellende Herposisioneringsbeweging (AR) en dr. Panduleni Itula in toekomstige veldtogte kan speel.
– [email protected]
Kommentaar
Republikein
Geen kommentaar is op hierdie artikel gelaat nie