Swapo swig voor ECN-druk

PDM onversetlik

18 October 2019 | Politiek
Denver Kisting – Sestien uit die 17 van Swapo-lede wat volgens ’n interpretasie van die kieswet – en die Grondwet – verbied word om as Nasionale Vergadering (NV)-kandidate te staan, het gister bedank.

Dit sluit die voorsitter van die Nasionale Raad (NR), me. Margaret Mensah Williams, in.

Mnr. Austin Samupwa, die uitvoerende direkteur verbonde aan die kantoor van Swapo se sekretaris-generaal, het gister die bedankings bevestig.

Volgens hom het die kandidaat wat nie bedank het nie, me. Francina Kahungu, ’n lid van die Windhoekse stadsraad, haar benoeming op die lys onttrek. Sy is intussen vervang.

Mensah-Williams, wat na verneem word uitstedig is, was gister steeds nie vir kommentaar bereikbaar nie.

Die Popular Democratic Movement (PDM), die amptelike opposisie wat 40 mense op hul lys het wat deur die aankondiging geraak word, is onversetlik.

Mnr. McHenry Venaani, die PDM se president, het gistermiddag voet by stuk gehou hulle sal hul kandidatelys onveranderd aan die Verkiesingskommissie van Namibië (ECN) voorlê.

Die ECN stel na verwagting vandag die finale lys van kandidate beskikbaar.

Die verkiesingsliggaam het die afgelope week ’n storm ontketen toe hy aangekondig het hy het ’n regsmening ingewin oor NV-hoopvolles wat tans in die NR, streekrade en plaaslike owerhede dien of ’n regeringsamptenaar is.

Volgens dié mening moet die kandidate onder die kategorie uit hul poste bedank indien hulle op hul partye se lyste wil verskyn.

Die hoofverkiesingbeampte, mnr. Theo Mujoro, het Woensdag gesê die ECN word gepenaliseer omdat hy die wet toepas.

Volgens hom sou dit onregverdig wees.

Mnr. Norman Tjombe, ’n Windhoekse prokureur, het gemeen die regsmening is verkeerd.

Op sy beurt het die politieke ontleder mnr. Graham Hopwood gemeen: “Streng gesproke is die ECN reg in sy regsinterpretasie.”

Maar, sê hy, die verkiesingsliggaam moes politieke partye vroeër oor die standpunt ingelig het “en vir seker voor hulle hul kieskolleges gehou het. Die ECN het vyf jaar gehad om deur die Verkiesingswet van 2014 te werk en te verseker dit het ’n duidelike regsbegrip van al die afdelings.

Dinsdagaand is parlementslede (LP’s) en die media via SMS namens eerste minister Saara Kuugongelwa-Amadhila na ’n dringende sessie in die NV ontbied.

Dié boodskap is gister herhaal.

Daar is wyd bespiegel dat LP’s sou poog om die kieswet ter elfder ure te probeer wysig om die ECN-aankondiging te probeer omseil. Dit was toe nie die geval nie.

Met die aanvang van gister se sitting het mnr. Ignatius Shixwameni van die All People’s Party (APP) en Venaani kapsie gemaak.

Venaani het gesê net die land se president of die speaker mag ’n buitengewone sessie belê.

Volgens die adjunkspeaker, me. Loide Kasingo, geld dit net wanneer die NV in reses is.

Gister se sessie is genoodsaak sodat die minister van finansies, mnr. Calle Schlettwein, kan kennis gee dat hy aanstaande week die halfjaarbegroting ter tafel wil lê.

Woensdag is die NV-sittings aanvanklik tot Dinsdag uitgestel.

Volgens Schlettwein is dit deur ’n misverstand teweeg gebring.

Hy het toe die eerste minister versoek om die NV-sekretariaat te nader om gister se buitengewone sitting byeen te roep.

Venaani en Kasingo het op mekaar geskreeu voor ’n aantal opposisie-LP’s uit die Huis gestorm het.

- [email protected]

Soortgelyk

 

Twee 'renosterstropers' verskyn in Gobabis-hof

12 minute gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

3 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

5 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

16 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

16 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

16 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

16 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

16 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...

Weer, Maandag 1 Junie 2020

16 ure gelede | Weer

BINNELAND: Gedeeltelik bewolk en baie warm in die Zambezi- en Kavangostreek. Elders sonnig en warm tot baie warm. Winderige weer sal oor die binneland heers....