Swanu se binnegevegte raak warmer

Kongres kom in September

25 August 2021 | Politiek
Augetto Graig – Swanu, die oudste politieke party in die land, sal volgens sy president, mnr. Tangeni Iijambo, op 25 September 'n kongres op Okahandja hou.

Die aankondiging is Maandag gemaak in dieselfde asem wat Iijambo die afgelope “buitengewone kongres” die naweek by die Tabitha-sentrum in die hoofstad as onwettig en ongrondwetlik beskryf het.

Swanu se oudpresident, mnr. Rihupisa Kandando, het die buitengewone kongres gelei, waar mnre. Alpha Kangueehi, Benjamin Limbo, Sam Tjikuzu en me. Kairaa Katjari in ­topposisies, naamlik hoof van politieke sake, hoof van administratiewe sake, sekretaris-generaal, en sekretaris van finansies onderskeidelik verkies is.

Die tema van die buitengewone kongres was “Ter verdediging van ons erfenis.” Iijambo is tydens dié vergadering glo ook as president geskors en die party het hom uit die parlement herroep.

Kandando was die sameroeper van die buitengewone kongres ná 'n takvergadering op 22 Mei op Epukiro waar 'n mosie van wantroue in die Swanu-leierskap ingestel is.

Iijambo en Swanu se sekretaris-generaal, mnr. Evilastus Kaaronda, het voorheen gesê die takvergadering was onwettig, en hul prokureurs Tjitemisa & Associates het verlede week aan Kandando geskryf en aangedring dat die buitengewone kongres nie voortgaan nie.

Iijambo het Maandag die redes vir die buitengewone kongres as ongegrond beskryf. In teenstelling met Kandando se uitlatings, sê Iijambo dat Swanu nou beter as tevore saamgestel is.

Hy sê Swanu het tans 28 takke landswyd en die party is in die proses om uitvoerende komitees in die streke op die been te bring.

Hy sê 'n sindikaat, waarvan sekere lede nou bekend is, saboteer die party sedert sy verkiesing as president in 2018.

“Volgens ons ondersoek, navrae en ontleding, wat voortspruit uit die voortgesette sabotasie, was dit die negende keer dat hulle in hul pogings misluk het om die leierskap te onttroon,” sê Iijambo.

[email protected]

Soortgelyk

 

Uitstel van eksamens: Integriteit van eksamen, kwalifikasie moet beskerm...

1 uur gelede | Onderwys

Die ministerie van onderwys, kuns en kultuur sê dit het 'n wettige kontrak met Cambridge International om te verseker dat kredietwaardige eksamens geskryf word wat...

Styging van 56% in nuwe gevalle, 184 gister aangemeld

7 ure gelede | Gesondheid

Gister is 184 nuwe gevalle aangemeld, 'n positiewe koers van 3,9% en 56% meer as die vorige dag. Die meeste gevalle is in Windhoek en...

Veldbrande woed al tien dae

20 ure gelede | Ongelukke

Tanja Bause’n Groot aantal beeste loop langs distrikspaaie noordoos van Windhoek waar verwoestende veldbrande boere tussen Steinhausen en Omitara genoop het om grensdrade te knip...

‘Voltooi vanjaar se eksamen’

20 ure gelede | Ministeries

Henriette LamprechtSkryf die vraestelle wat moontlik is vóór die einde van die jaar met nuwe vraestelle in die plek van dié wat uitgelek het, identifiseer...

Oscar-benoeming dalk in ‘The White Line’ se visier

20 ure gelede | Byvoegsels

Die plaaslike rolprent The White Line is amptelik in die wedloop om oorweeg te word vir ’n moontlike Oscar-benoeming. Dit is die eerste Namibiese rolprent...

Voortrekkers trap vir renosters

20 ure gelede | Byvoegsels

Karli RudolphDie Voortrekkers vier vanjaar hul 90ste bestaansjaar met die tema “Voortrekkers gaan groot”. Die Namibiese Voortrekkers het daarom besluit om hul eie span vir...

V5 Digital a forerunner in digital solutions

20 ure gelede | Tegnologie

Iréne-Mari van der WaltMore than three years ago, Armin Wieland founded his business, V5 Digital, after noticing that there was a lack of companies in...

Do it with passion or not at all

20 ure gelede | Howe

Desiree Gases Ngeendina Angula, born and raised in Greenwell, Windhoek, moved to Cape Town, South Africa, when she was 13 years old and lived there...

A love for engineering and airplanes

20 ure gelede | Vervoer

Wetumwene Shikage Describing her journey at Fly Namibia, Gabriela Kamaahene says the experience has been surreal. She says the company continuously grows and she...