Swakopmund vier steeds Erfenisweek

16 September 2020 | Kuns en vermaak
Die Swakopmund Wetenskaplike Vereniging, die COSDEF Arts and Craft Centre, die mini­steries van onderskeidelik onderwys, kuns en kultuur asook van inligting en kommunikasietegnologie het vanjaar weer hande gevat om die Swakopmund Erfenisweek aan te bied.

Die Wetenskaplike Vereniging nooi die publiek uit om tussen 21 en 27 September die vieringe van Erfenisweek 2020 mee te maak. Dit word by die Swakopmund Museum en die COSDEF Arts and Crafts Centre aangebied.

Die tema van vanjaar se vieringe is die ontwikkeling van kulturele veerkragtigheid in omstandighede wat as die “nuwe normaal” beskou word. Met dié tema in gedagte, word van die geleenthede vanjaar ook aanlyn aangebied.

Die amptelike opening vind op 21 September om 10:00 plaas. Tydens die geleentheid sal almal herinner word hoekom 'n erfeniskultuur belangrik is.

Die Swakopmund Wetenskaplike Vereniging sal 'n nuwe uitstalling genaamd Beacon of Hope bekendstel, wat die huidige coronaviruspandemie en die destydse Spaanse grieppandemie met mekaar vergelyk. Dit sluit ook verhale van hoop vanuit die Swakopmund-gemeenskap in.

Om 12:00 sal 'n virtuele klaskamer-werkskool vir onderwysers aangebied word deur die ministerie van inligting en kommunikasietegnologie. Dié werkskool is spesifiek ontwerp vir onderwysers wat van die Zoom-platform gebruik maak om aanlyn klasse aan te bied. Dit bied 'n omvattende handleiding om 'n virtuele klaskamer te skep. Dit is 'n aanlyn-geleentheid wat op Facebook vertoon word.

Op 22 September word 'n werk­skool deur die talentvolle kleremaker Tilla Smit aangebied wat deelnemers sal leer hoe om hul eie maskers te ontwerp.



INSIG OP 1918-PANDEMIE

Op 23 September word 'n toer van die Beacon of Hope-uitstalling aangebied. Die assistent-kurator van die Swakopmund Museum, me. Nadine Phiri, sal interessante insig bied oor die huidige Covid-19-pandemie en dit vergelyk met Spaanse griep, die vergete pandemie van 1918.

Besoekers sal hoor van inspirerende verhale uit die Swakopmund-gemeenskap wat tydens die Stories of Hope-projek versamel is.

Op dieselfde dag sal die hoof maat­skaplike werker van die Erongo­streek, me. Audrie Gaes, 'n voorlegging oor stigmatisering tydens Covid-19 aanbied, wat ook regstreeks op Facebook uitgesaai sal word.

Op 24 September word 'n volhoubare groentetuin-werkskool by die COSDEF Arts and Crafts Centre aangebied. Die deelnemers sal leer hoe om groentebeddings te bou, saad van hul eie plante voor te berei en te stoor asook baie nuttige wenke ontvang vir die verbouing van groente in die woestynklimaat van Swakopmund.

Op 25 September word 'n Namibiese film-aand op die Swakopmund Wetenskaplike Vereniging se Facebook-blad aangebied. Die Namibiese Filmkommissie stel twee dokumentêre rolprente beskikbaar – “Once we were hunters” en “Mbunza of the Kavango”. Eersgenoemde fokus op die lewensbestaan van die San-gemeenskap – hoe hulle hulself in Namibië gevestig het en hoe hulle deur modernisering geraak word.

“Mbunza of the Kavango” fokus op die erfenis en kultuur van die Mbunza-gemeenskap. Dit word vertel uit die perspektief van 'n Mbunza-seun wat bekommerd is oor hul erfenis wat wegkwyn.

Op 26 September word die “Why I love my culture”-video op Facebook vertoon.

Alle aktiwiteite is onderhewig aan die huidige Covid-19-regulasies. Registrasie is 'n vereiste om die geleent­hede by te woon. Kontak me. Irina Ivanova by [email protected] of skakel tel 064 402 695 om te registreer.

Die programskedule is beskikbaar op Facebook (Scientific Society Swakopmund).

Soortgelyk

 

Min kans vir vlieg na SA

1 uur gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

1 uur gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

1 uur gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

1 uur gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

1 uur gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

1 uur gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

1 uur gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

1 uur gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

1 uur gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...