Stryd oor Omeya duur voort
Ontevrede huiseienaars is van plan om hul griewe vandeesweek in die openbaar te onthul.
Augetto Graig
Die afslaers wat verlede week sowat 90 erwe, huise en kommersiële eiendomspersele geleë op Omeya, 'n gholflandgoed en woonbuurt suid van Windhoek, moes opveil, het gister gesê hulle is tevrede met die aanbiedinge wat ontvang is.
Aucor Namibia het die veiling behartig.
Aucor het beweringe uit die kamp van ontevrede inwoners ontken dat geen eiendom glo verkoop is nie. By navraag is verneem dat Aucor gelukkig met die verloop van die veiling is, maar Republikein se vrae is vir volledige antwoorde aan die afslaers se kliënt, mnr. Daniel Terblanche, gestuur. Besonderhede oor die veiling se opbrengs word dus nog ingewag.
Terblanche is as direkteur van die Omeya-huiseienaarsvereniging (Ohoa) en die Omeya Gholf- en Residensiële Oase (Ogro) aangestel op versoek deur die grootste skuldeiser, Bank Windhoek, vir geregtelike sakeredding. Dit nadat die vorige direksie van Ohoa die genader het om die onderneming te likwideer.
Terblanche hou voet by stuk dat ontevrede huiseienaars se belange nie benadeel sal word nie. Die groep wil die week hul griewe verder neem.
“Die aanvaarding en toepassing van die herstruktureringsplan sal die skikking van eise teen die ontwikkelaar buiten die deur FNB en Bank Windhoek moontlik maak," het hy aan Republikein verduidelik. "Dit sal die banke se blootstelling verminder en uiteindelik die likwidering van die ontwikkelaar vermy," sê Terblanche. "Die voorkoming van likwidasie van die ontwikkelaar sal huiseienaars bevoordeel.”
Sonder 'n reddingsplan sal die ontwikkelaar, spesifiek die Omeya Infrastruktuurmaatskappy (OIC), volgens Terblanche gelikwideer word, wat 'n impak op die landgoed se skool, kliniek en die verskaffing van dienste sal hê. Die onderhoud van infrastruktuur sal volgens hom dan bedreig word, eiendomswaardes sal verminder en pensioenarisse kan 'n gedeelte van hul beleggings verloor.
Terblanche het ontken dat nuwe huiseienaars groter heffings as bestaande huiseienaars sal betaal. Hy het ook weer gesê bestaande eienaars sal nie gemelk word om skuld te delg nie. “Die bedrag van die heffings betaalbaar deur bestaande huiseienaars sal na die implementering van die herstruktureringsplan dieselfde wees as voor die plan. Soos in die verlede die geval was, sal heffings in die toekoms aan normale, jaarlikse inflasionêre verhogings onderhewig wees,” sê hy.
Volgens Terblanche sal heffings nie net gebruik word om skuld te delg nie. Die ontwikkelaar betaal volgens hom as eienaar van die meeste van die onverbeterde erwe ingevolge bouklousules 'n boete, wat ’n inkomste vir die huiseienaarsvereniging is..
Opbrengste uit die veiling sal volgens Terblanche gebruik word om skuld te delg, vir die voltooiing van Omeya se ontwikkelingsplan en om die sukses van die ontwikkeling as geheel te verseker.
’n Groep van 35 ontevrede huiseienaars het reeds ’n prokureur genader en op 10 November vrae aan Terblanche gestuur wat hy volgens hulle nog nie beantwoord het nie. Van die griewe sluit in 'n moontlik konflik in belange by die vier direkteure, wat op die direksies van beide Ohoa en Ogro dien; of direkteure van Suid-Afrikaanse afkoms oor werkspermitte beskik en die geldigheid van die direkteur se aanstelling.
Die groep beweer 221 uit 384 huiseienaars wat heffings betaal, is ontevrede met die reddingsplan. Gegriefdes wil insae hê in Ohoa se bankrekening en hulle eis onder meer besonderhede oor inkomstes en uitgawes. Hulle bevraagteken tariewe vir elektrisiteit en water, en soek steeds bewyse dat die landgoed self die dienste mag lewer.
- [email protected]
Die afslaers wat verlede week sowat 90 erwe, huise en kommersiële eiendomspersele geleë op Omeya, 'n gholflandgoed en woonbuurt suid van Windhoek, moes opveil, het gister gesê hulle is tevrede met die aanbiedinge wat ontvang is.
Aucor Namibia het die veiling behartig.
Aucor het beweringe uit die kamp van ontevrede inwoners ontken dat geen eiendom glo verkoop is nie. By navraag is verneem dat Aucor gelukkig met die verloop van die veiling is, maar Republikein se vrae is vir volledige antwoorde aan die afslaers se kliënt, mnr. Daniel Terblanche, gestuur. Besonderhede oor die veiling se opbrengs word dus nog ingewag.
Terblanche is as direkteur van die Omeya-huiseienaarsvereniging (Ohoa) en die Omeya Gholf- en Residensiële Oase (Ogro) aangestel op versoek deur die grootste skuldeiser, Bank Windhoek, vir geregtelike sakeredding. Dit nadat die vorige direksie van Ohoa die genader het om die onderneming te likwideer.
Terblanche hou voet by stuk dat ontevrede huiseienaars se belange nie benadeel sal word nie. Die groep wil die week hul griewe verder neem.
“Die aanvaarding en toepassing van die herstruktureringsplan sal die skikking van eise teen die ontwikkelaar buiten die deur FNB en Bank Windhoek moontlik maak," het hy aan Republikein verduidelik. "Dit sal die banke se blootstelling verminder en uiteindelik die likwidering van die ontwikkelaar vermy," sê Terblanche. "Die voorkoming van likwidasie van die ontwikkelaar sal huiseienaars bevoordeel.”
Sonder 'n reddingsplan sal die ontwikkelaar, spesifiek die Omeya Infrastruktuurmaatskappy (OIC), volgens Terblanche gelikwideer word, wat 'n impak op die landgoed se skool, kliniek en die verskaffing van dienste sal hê. Die onderhoud van infrastruktuur sal volgens hom dan bedreig word, eiendomswaardes sal verminder en pensioenarisse kan 'n gedeelte van hul beleggings verloor.
Terblanche het ontken dat nuwe huiseienaars groter heffings as bestaande huiseienaars sal betaal. Hy het ook weer gesê bestaande eienaars sal nie gemelk word om skuld te delg nie. “Die bedrag van die heffings betaalbaar deur bestaande huiseienaars sal na die implementering van die herstruktureringsplan dieselfde wees as voor die plan. Soos in die verlede die geval was, sal heffings in die toekoms aan normale, jaarlikse inflasionêre verhogings onderhewig wees,” sê hy.
Volgens Terblanche sal heffings nie net gebruik word om skuld te delg nie. Die ontwikkelaar betaal volgens hom as eienaar van die meeste van die onverbeterde erwe ingevolge bouklousules 'n boete, wat ’n inkomste vir die huiseienaarsvereniging is..
Opbrengste uit die veiling sal volgens Terblanche gebruik word om skuld te delg, vir die voltooiing van Omeya se ontwikkelingsplan en om die sukses van die ontwikkeling as geheel te verseker.
’n Groep van 35 ontevrede huiseienaars het reeds ’n prokureur genader en op 10 November vrae aan Terblanche gestuur wat hy volgens hulle nog nie beantwoord het nie. Van die griewe sluit in 'n moontlik konflik in belange by die vier direkteure, wat op die direksies van beide Ohoa en Ogro dien; of direkteure van Suid-Afrikaanse afkoms oor werkspermitte beskik en die geldigheid van die direkteur se aanstelling.
Die groep beweer 221 uit 384 huiseienaars wat heffings betaal, is ontevrede met die reddingsplan. Gegriefdes wil insae hê in Ohoa se bankrekening en hulle eis onder meer besonderhede oor inkomstes en uitgawes. Hulle bevraagteken tariewe vir elektrisiteit en water, en soek steeds bewyse dat die landgoed self die dienste mag lewer.
- [email protected]
Kommentaar
Republikein
Geen kommentaar is op hierdie artikel gelaat nie