Strikdasaand op Mariental vir broeders

04 December 2018 | Gebeure
Boet Matthews - Katolieke sit behoorlik skouer aan die wiel om gereed te wees vir die strikdasaand wat op 14 Desember op Mariental plaasvind.

Gemeentelede van die Immaculate Conception-kerk is gereed vir die hou van ‘n strikdasaand van formaat om sodoende te bewys hulle hoef nie terug te staan vir enige byeenkoms wat na hul kant toe kom nie.

Verlede jaar is die eerste strikdasaand op Rehoboth gehou en dit was 'n reusesukses. Hierdie jaar is dit Mariental se beurt, wat oortyd werk om die aand beter en nóg groter te maak.

Die hooforganiseerder, br. Heinrich Diergaardt, het by navraag gesê: “Ons wil 100% gereed wees, want ons oblate priesters ploeg 150% terug in die gemeenskap. Dit is ‘n eerste vir Mariental, maar glo my, ons mobiliseer die gemeente om positief te wees en hul hande diep in die sakke te steek.

“Die geld wat by die strikdasaand ingesamel word, is vir die opleiding van broeders wat in die buiteland wyser word oor die woord van God. Die broeders kom uit die Namibiese gemeenskap, en omdat hulle nie selfsugtige besluite neem nie, wil ons graag ‘n bydrae lewer.

“Ons het tans vyf studente in Ivoorkus en twee op Eersterus, Pretoria. Hulle moet gereeld ondersteun word sodat hul drome van priesterskap verwesenlik mag word. Daarom vra ek die mense van Mariental om dié strikdasaand ten volle te ondersteun. Die aand is nie net vir Marientallers nie; ons nooi mense uit alle oorde uit om die aand saam met ons te kom vier. Tot dusver, moet ek sê, is die belangsteling enorm.”

Die voorsitter van die finansiële komitee van die Immaculate Conception-kerk, me. Catherine Christiaans, beter bekend as Possie, het by navraag gesê: “Ek glo ons gaan dit ‘n winsgewende aand maak, want hier op Mariental vat ons hande om ‘n sukses te maak van dit wat in ons skoot val.

“Ek glo die veiling is die hoogtepunt van die aand, want as ons ‘n paar Namibiese dollar ryker word, dan is dit ‘n reusehupstoot vir priesters, broeders, studente en in die algemeen vir diegene in die oblate van die heilige Frans van Sales. Ons is regtig opgewonde oor die geleentheid om die tweede strikdasaand aan te bied.”

Die portret van die heilige Frans van Sales word onder meer op 14 Desember opgeveil.

Soortgelyk

 

Regering staan bakhand vir 2% van Namibiërs se jáárlikse...

1 dag gelede | Regering

Denver Kisting – Die verwarring oor of die regering Namibiërs vra om 2% van een maand of een jaar se basiese salaris te skenk, is...

Making employees feel at home at Plastic Packaging

1 dag gelede | Mense

JONELL MALAN Human resource management is a function in organisations designed to maximise employee performance in the service of an employer’s strategic objectives. One empowers...

Duisende registreer vir e-taks

1 dag gelede | Ministeries

Elvira Hattingh - Altesaam 192 225 belastingopgawes is teen Dinsdag via die ministerie van finansies se nuwe aanlyn belastingdiens, die geïntegreerde belastingadministrasiestelsel (Itas), ontvang.Mnr. Tonateni...

Apollo 11-euforie só onthou

1 dag gelede | Tegnologie

Ronelle Rademeyer - Namibië se eie ruimteman, dr. Japie van Zyl, sê ’n getekende foto van die drie Apollo 11-ruimtevaarders, Neil Armstrong, Buzz Aldrin en...

Kalender 12 Julie

1 dag gelede | Kuns en vermaak

Nou aan die gang» Bottomless Coffee Band is ’n instrumentele, alternatiewe duo wat bestaan uit die getroude paartjie Lourens en Esté Rabé van Kaapstad, Suid-Afrika....

Weer vir 19 Julie 2019

1 dag gelede | Weer

BINNELAND: Sonnig en warm tot baie warm in die Noorde.KUS: Sonnig en matig tot warm.GETYE BY WALVISBAAI: H 04:47 L 10:41...

Nuwe begin vir vier wildehonde

1 dag gelede | Omgewing

Francoise Steynberg - Ná die tragiese skietvoorval in Februarie waarin drie wildehonde van die N/a’an ku sê-stigting en -wildreservaat glo deur personeel van die...

Just a click away

1 dag gelede | Gesondheid

Michelline Nawatises Organic Box is an online grocery shop specialising in selling organic vegetables, meat and dairy products, farm produce, and speciality homemade products.It was...

Rundu surveys new extensions

1 dag gelede | Plaaslik

The Rundu town council plans to survey two new extensions in the Tuhingireni informal settlement for N$ 1 million, according to the head of town...