Strandwolwe kry nekbande

Verskeie uitdagings

10 January 2020 | Omgewing
Die navorsingsprogram oor strandwolwe, die Brown Hyena Research Programme (BHRP), het strategieë vir die bewaring van bruinhiënas begin ontwikkel.

Volgens die program se stigter en bestuurder, dr. Ingrid Wiesel, is N$250 000 verlede jaar op hul daaglikse werksaamhede bestee.

Die projek het ten doel om wetenskaplike navorsing oor strandwolwe en ander karnivore in hul natuurlike habitat te doen om die langtermynbewaring en -oorlewing van vrylopende strandwolwe te verseker.

Volgens Wiesel het Namibië ’n bevolking van minder as 3 000 strandwolwe, ook bekend as strandjutte, waarvan die meeste in die Suide en langs die kuslyn gevind word.

Toe die projek van stapel gestuur is, was daar 1 500 vrylopende strandwolwe in dié gebiede.

Wiesel het gesê hoewel die projek uitstekend vorder, ervaar die navorsingspan verskeie uitdagings.

“Dit sluit uiterste weerstoestande in, so ons moet baie buigsaam wees wanneer dit by die beplanning van veldwerk kom,” sê sy.

“Die kusklimaat dra ook by tot uitdagings met toerusting, veral met die opstel van kameras.”

Vanjaar sal twee wyfies by Atlasbaai en E-Bay na verwagting met satellietnekbande toegerus word, asook twee diere by Bakersbaai, sê Wiesel.

“Ons moet ook baie van ons kameras vervang. Die kameras word al langer as 10 jaar gebruik en dit raak moeilik om hulle te diens,” sê sy.

Wiesel sê navorsing oor strandwolwe en die bewaring van die unieke strandwolfbevolkings in die Namibwoestyn het in 1995 begin en sedertdien in ’n langtermynbewaringsporjek ontwikkel.

Die BHRP is in 1997 as klein navorsingsprojek begin. In 2002 is ’n nieregeringsorganisasie en in 2009 ’n trustfonds gestig.

Die projek word geborg deur Namdeb Diamond Corporation, Kansas City Zoo, ESRI Technology Conservation, Go Green, the Namibian Environment and Wildlife Society en Varta Namibia. - Nampa

Soortgelyk

 

Kawana gee besonderhede oor viskwotas

6 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

18 ure gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

18 ure gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

18 ure gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

18 ure gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

18 ure gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

18 ure gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

18 ure gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

18 ure gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...