Storie op 'n muur vertel
Tanja Bause
Petrus Amuthenu en Frans Uunona is tans besig om op die grensmure van Carinpark noord van Windhoek op die hoofpad na Okahandja 'n groot muurskildery te teken.
Die skilderwerk is 'n storie wat deur verskeie style en tegnieke vertel word. Die agtergrond is duine en kameeldoringbome wat in twee skakerings van bruin op die wit muur geverf is. Bo-oor dit is die storie met 'n graffiti weeftegniek in hoofsaaklik swart en grys gespuit.
“Die storie is van 'n gemsbok wat deur 'n jagluiperd gejaag word. Die gemsbok verdwyn en deur die volgende paar tonele sien jy wat hy sien, soos toerisme, industrieë en stede. Die gemsbok duik gereeld weer op en verdwyn weer. Tot hy op die ou einde 'n familie onder 'n boom vind en veilig tussen hulle verdwyn. Hoewel dit nie heeltemal die einde van die storie is nie,” het Amuthenu gesê.
Belangstellendes kan die media en sosiale platforms dophou om die einde te hoor van die storie wat 'n Namibiese besigheid insluit.
OPLEIDING
Uunona het van kleins af by sy nedersetting in die noorde van die land in die sand geteken. Dit was egter toe 'n vrou by sy ma kom kuier het dat sy liefde vir kuns werklik gevestig is.
“Ek het saam met die vrou na haar huis gegaan en die huis vol kunswerke en handwerke gesien. Ek het so tuis gevoel en wou glad nie huis toe gaan nie. Toe ek skool toe is, het ek na kunsklasse gesmag, maar dit was nie aangebied nie en ná skool het ek vir 'n driejaarkursus in kuns by die kollege van die kunste (Cota) ingeskryf,” het hy gesê.
Amuthenu het ook al vanaf 'n jong ouderdom in kuns en skilder belanggestel. Hy het ook by Cota 'n kursus in kuns gedoen.
“Ek sien myself as 'n veelsydige kunstenaar. Ek gebruik verskillende materiale in verskillende kunste soos graffiti, beeldhou, linosnee en selfs tatoeëerwerk,” het hy gesê.
“Ek is baie bly dat ek saam met Petrus aan die weeftegniek kan werk. Dit is iets wat nie een van ons twee tevore gedoen het nie,” het Uunona gesê.
– [email protected]
Petrus Amuthenu en Frans Uunona is tans besig om op die grensmure van Carinpark noord van Windhoek op die hoofpad na Okahandja 'n groot muurskildery te teken.
Die skilderwerk is 'n storie wat deur verskeie style en tegnieke vertel word. Die agtergrond is duine en kameeldoringbome wat in twee skakerings van bruin op die wit muur geverf is. Bo-oor dit is die storie met 'n graffiti weeftegniek in hoofsaaklik swart en grys gespuit.
“Die storie is van 'n gemsbok wat deur 'n jagluiperd gejaag word. Die gemsbok verdwyn en deur die volgende paar tonele sien jy wat hy sien, soos toerisme, industrieë en stede. Die gemsbok duik gereeld weer op en verdwyn weer. Tot hy op die ou einde 'n familie onder 'n boom vind en veilig tussen hulle verdwyn. Hoewel dit nie heeltemal die einde van die storie is nie,” het Amuthenu gesê.
Belangstellendes kan die media en sosiale platforms dophou om die einde te hoor van die storie wat 'n Namibiese besigheid insluit.
OPLEIDING
Uunona het van kleins af by sy nedersetting in die noorde van die land in die sand geteken. Dit was egter toe 'n vrou by sy ma kom kuier het dat sy liefde vir kuns werklik gevestig is.
“Ek het saam met die vrou na haar huis gegaan en die huis vol kunswerke en handwerke gesien. Ek het so tuis gevoel en wou glad nie huis toe gaan nie. Toe ek skool toe is, het ek na kunsklasse gesmag, maar dit was nie aangebied nie en ná skool het ek vir 'n driejaarkursus in kuns by die kollege van die kunste (Cota) ingeskryf,” het hy gesê.
Amuthenu het ook al vanaf 'n jong ouderdom in kuns en skilder belanggestel. Hy het ook by Cota 'n kursus in kuns gedoen.
“Ek sien myself as 'n veelsydige kunstenaar. Ek gebruik verskillende materiale in verskillende kunste soos graffiti, beeldhou, linosnee en selfs tatoeëerwerk,” het hy gesê.
“Ek is baie bly dat ek saam met Petrus aan die weeftegniek kan werk. Dit is iets wat nie een van ons twee tevore gedoen het nie,” het Uunona gesê.
– [email protected]
Kommentaar
Republikein
Geen kommentaar is op hierdie artikel gelaat nie