Stokvel steier

Namibiërs sien rooi

22 May 2020 | Bankwese
Denver Kisting – Enkele ure nadat Republikein berig het oor ’n WhatsApp-stokvelskema wat in die Bank of Namibia (BoN) se visier was, het die sentrale bank aangekondig die stokvel is onwettig.

Die BoN sê by monde van sy direkteur: strategiese kommunikasie en finansiëlesektorontwikkeling, dr. Emma Haiyambo, die sentrale bank het ’n onafhanklike ondersoek van stapel gestuur nadat verskeie navrae oor die wettigheid van die skema hulle bereik het.

Sy sê hul bevinding is die R200 WhatsApp Stokvel is ’n piramideskema. Dit is strydig met die Wet op Bankinstellings, lui hul bevinding.

Volgens Haiyambo berus dié bevinding daarop dat deelnemers aangemoedig word om ander deelnemers te werf voor hulle vir die beloofde N$1 200 in aanmerking kan kom.

Hiernaas, sê sy, vorder die skema geen inkomste in deur die verkoop van ’n produk of ’n diens nie. “Die aansluitingsfooi van N$200 wat deur nuwe deelnemers betaalbaar is, is die enigste bron van inkomste vir die R200 WhatsApp Stokvel.”

Daardie aansluitingsfooi word gebruik om deelnemers boaan die skema te vergoed, sê sy. “Dus, sodra die werwing van nuwe lede ophou, sal die deelnemers onderaan die skema nie die beloofde inkomste van N$1200 kry nie.”

Haiyambo waarsku Namibiërs om dadelik deelname aan die skema te staak. Sou hulle nie onmiddellik aan dié versoek gehoor gee nie, sál die BoN stappe doen, maan sy.

Sou iemand voor ’n hof gedaag en skuldig bevind word, staar ’n boete ten bedrae van N$1 miljoen en/of tien jaar gevangenisstraf dié mens in die gesig, het sy Woensdagmiddag benadruk.

Indien lede van die publiek enige verdere navrae het, moet hulle hul tot die BoN wend.

Intussen is die nuus oor die onwettigheid van die stokvel deur talle in die sosiale media met skok en woede begroet.

Een Facebook-gebruiker nooi die owerhede uit om eerder hul visier in te stel op die beweerde grootskaalse plundering van die land se hulpbronne soos met die Fishrot-skandaal, waartydens Namibiese viskwotas ten bedrae van etlike miljoene dollar glo deur politieke grootkoppe gekaap is.

Mnr. Kazembire Zemburuka, die BoN se adjunkdirekteur: korporatiewe kommunikasie, het vroeër vandeesweek gesê ’n stokvel is in die algemeen nie onwettig nie, maar ’n skema om blitsvinnig ryk te word, is wel.

“Tradisioneel is ’n stokvel soos ’n klub waarvolgens ’n groep vriende of mense met ’n gemeenskaplike doelwit en informeel besluit om hul geld saam te gooi ten bate van alle lede van die klub. Dikwels sal lede na ’n bank toe gaan en ’n rekening open of die geld vir kruideniersware gebruik of dit net insamel en (aan die einde van) elke maand onttrek.”

- [email protected]

Soortgelyk

 

Khomas se Vries bevorder

1 uur gelede | Onderwys

Mnr. Gerard Vries, voorheen direkteur van onderwys in die Khomasstreek, is met ingang 1 September as die nuwe adjunk uitvoerende direkteur vir lewenslange onderrig in...

Geweldenaars op vrye voet

13 ure gelede | Misdaad

Denver Kisting – Teen gistermiddag was die man steeds op vrye voet wat glo Saterdagoggend by 'n huis in Havana ingebreek en 'n vrou ten...

Swaar straf wag op Covid-oortreders

13 ure gelede | Regering

Denver Kisting – Dr. Kalumbi Shangula, die mi­nister van gesondheid en maatskaplike dienste, sê geskoei op Namibiërs se gedrag vandat die noodtoestand ten einde geloop...

Weer, Maandag 21 September 2020

13 ure gelede | Weer

BINNELAND: Gedeeltelik bewolk en baie warm in die noordoostelike streke met 'n paar buie in die Zambezi. Elders sonnig en baie warm tot bloedig warm.KUS:...

Toeriste uit Europa land

13 ure gelede | Vervoer

Augetto GraigEurowings se vlug LH5434 het gisteroggend net voor sonop vanuit Frankfurt by die Internasionale Lughawe Hosea Kutako geland. Die Airbus A330-300 met 280 sitplekke...

Itula: 'Outokratiese' aantygings pla nie

13 ure gelede | Politiek

Jemima Beukes – Die leier van die Independent Patriots for Change (IPC), dr. Panduleni Itula, sê kritici en beswaarde lede wat hom as 'n “huigelaar”...

NSFAF subsidieer skootrekenaars, datatoestelle

13 ure gelede | Onderwys

Augetto Graig – Namibiese studente sal binnekort gesubsidieerde skootrekenaars en goedkoop data kan koop om aanlyn afstandsonderrig te vergemaklik. Die Finansiële Hulpfonds vir Namibiese Studente...

Gertze skotvry ná skietvoorval

13 ure gelede | Howe

Ogone Tlhage – Die klag van poging tot moord teen die uitvoerende direkteur van die Namibiese Kwalifikasieowerheid (NQA), mnr. Franz Gertze, is Donderdag in die...

WEN AFSLAG OP 'N VAKANSIE

13 ure gelede | Gebeure

In aanloop tot die ­Namibië ­Toerisme Ekspo gee ­Republikein elke dag tot 6 November een afslag-reisbewys ter waarde van N$1 000 weg.SMS die sleutelwoord “NTE2020”...