Stokkiesdraai vir klimaat

Petisie stel eise

13 September 2019 | Omgewing
Namibiërs word uitgenooi om op Vrydag 20 September aan die eerste wêreldwye staking deel te neem om ingryping teen klimaatsverandering aan te moedig.

Die staking staan bekend as Fridays for Future School Strike en dit vind in die hoofstad plaas.

Klimaatsverandering bedreig die mensdom en bemoeilik Namibië se pogings om sy ontwikkelingsdoelwitte soos armoedeverligting te bereik, sê organiseerders van die optog.

“Alle denkende mense in die wêreld besef klimaatsverandering word hoofsaaklik deur menslike aktiwiteit veroorsaak. Die gevolge vir Afrika is onder meer waterskaarste, die degenerasie van grond, ’n verlies aan biodiversiteit, verdere verwoestyning en armoede.”

Die organiseerders meen oplossings vir dié kwessies moet geïmplementeer word.

’n Beroep word op alle leerlinge, studente en werkendes gedoen om, met die toestemming van hul skole en werkgewers, aan die optog deel te neem.

Die optog skop om 11:00 by die ministerie van die omgewing en toerisme in Dr. David Kenneth Kaundastraat in die hoofstad af.

Deelnemers moet hul eie waterbottels en plakkate saambring.

Die roete strek van die ministerie tot by die regering se kantoorpark, die parlementstuine en Ausspannplatz waar ’n petisie aan regeringsverteenwoordigers oorhandig sal word.

In die petisie word vereis dat die Parys Klimaatsverdrag gevolg moet word sodat die planeet se gemiddelde temperatuurstyging onder 1,5 grade Celsius kan bly.



Die reëls vir die staking is geen geweld, skade, rommelstrooi, wins of haat nie.

Eloolo Permaculture Initiative, NYCCC, N.E.W.S, Earthlife Namibia, Namibia Nature Foundation (NNF), Earth Wise Enterprise, Conrad Roedern, DHPS en Windhoek se Waldorf-skool organiseer die optog.

Vir navrae, kontak Helvie by 081 687 2319 of Tuli by 081 733 1748.

Soortgelyk

 

Anton Lubowski-gedenklesing vandag by Universiteit Stellenbosch

10 ure gelede | Mense

Die Suid-Afrikaanse politieke kommentator Max du Preez en regter Albie Sachs is die hoofsprekers by die eerste Anton Lubowski-gedenklesing wat op die 30ste herdenking van...

Twee Chinese moordbeskuldigdes borgtog geweier

1 dag gelede | Howe

Twee Chinese mans wat daarvan aangekla word dat hulle hul voormalige werknemer in April by die Andara-nedersetting in die Kavango-Oosstreek doodgeskiet het, is borgtog geweier....

Handelsknoop knap voor Brexit deurgehaak

1 dag gelede | Plaaslik

Ronelle Rademeyer - Namibiërs wat graag aan ’n Skotse whisky weglê, en Britte wat van Namibiese beeshaas of ander prima beesvleissnitte hou, kan gerus slaap....

Hof toe oor voorskrifte

1 dag gelede | Gesondheid

Henriette Lamprecht - “Om van gewone mense in Namibië te verwag om afhanklik van ‘n doktersvoorskrif vir basiese medisyne te wees, is gelykstaande daaraan om...

Reuse-sege vir Okahandja-plakkers

1 dag gelede | Plaaslik

Yanna Smith – Inwoners van Vergenoeg, ’n onwettige nedersetting by Okahandja, het ná verskeie gemeenskapsvergaderings en -druk ’n reuse-oorwinning behaal.Dié druk, wat hoofsaaklik deur die...

Weer vir 12 September

1 dag gelede | Weer

BINNELAND: Gedeeltelik bewolk en koel tot warm in die Suide met 'n paar buie in die verre Suide, andersins sonnig en koel tot baie warm.KUS:...

Hage se lys ‘vervelig’

1 dag gelede | Politiek

Denver Kisting – Prof. Nico Horn sê pres. Hage Geingob se 10 kandidate om by Swapo in die Nasionale Vergadering (NV) aan te sluit, is...

‘Effense’ afname in hep. E-gevalle

1 dag gelede | Gesondheid

Henriette Lamprecht – Die aantal hepatitis E-gevalle in die land het in die eerste drie weke van Augustus afgeneem. Sedert ‘n uitbreking van die siekte...

Apple cuts prices, ramps up services

1 dag gelede | Tegnologie

Glenn Chapman - Apple unveiled its iPhone 11 models Tuesday with a price cut for the most basic models while also laying out plans for...