Stad wil skole se water en krag sny

Onderwys beloof noodbetaling van N$15 miljoen

07 November 2018 | Onderwys
Hoofredaksie



'n Beampte van die Windhoekse munisipaliteit het gisteroggend by een van Windhoek se spogstaatskole opgedaag met die opdrag om die water- en kragtoevoer summier weens wanbetaling deur die regering af te sny.

Die feit dat kinders besig was om eksamen te skryf, moes in onderhandelinge namens die skool in­gespan word.

Die munisipaliteit se woordvoerder, me. Lydia Amutenya, het aan Republikein bevestig die plaaslike owerheid het begin uitvoering gee aan 'n besluit om die water en elektrisiteit van skole in Windhoek te sny, maar sy wou geen besonderhede verskaf oor watter skole geraak word en hoeveel die skuld beloop nie.

Die munisipaliteit se optrede het volgens 'n ingeligte bron daartoe gelei dat die ministerie van onderwys, kuns en kultuur onderneem het om so gou as moontlik N$15 miljoen oor te betaal op sy agterstallige rekening. Dit is nie duidelik hoeveel geld in totaal deur die ministerie aan die munisipaliteit verskuldig is nie.

Blykbaar het die munisipaliteit al dikwels soortgelyke beloftes van betaling ontvang - sonder dat beloftes nagekom is. Die munisipaliteit gaan nou glo eers wag en indien nodig verder toeslaan.

Ouers by die betrokke skool was gister bekommerd of hul kinders hul rekenaareksamen sou kon voltooi. Sommige was bereid om 'n noodgeldinsameling te hou om die water en ligte aan te hou totdat die eksamens afgehandel is.

Sonder water en krag kan skole in chaos gedompel word. Skole met koshuise sal nog erger geraak word as ander.

Onder die bedeling van “gratis onderwys” word rekeninge direk na die streekdirektoraat gestuur wat verantwoordelik vir betalings is.

Republikein het in Februarie berig die Windhoek-munisipaliteit het vir die vorige boekjaar 'n tekort van N$420 miljoen getoon, hoofsaaklik as gevolg van sowat N$634 miljoen wat aan die munisipaliteit verskuldig was. Groot sondaars was ministeries, wat die hoofstad altesaam N$80 miljoen geskuld het, asook verskeie staatsondernemings, wat N$18,5 miljoen verskuldig was.

Republikein het verskeie oproepe na die ministerie van onderwys gemaak, waar die waarnemende permanente sekretaris, me. Veno Kauaria, onderneem het om op die koerant se vrae te reageer. Geen reaksie is teen druktyd ontvang nie.

Die minister, me. Katrina Hanse-­Himarwa, en mnr. Gerard Vries, direkteur van onderwys vir die Khomasstreek, kon ook nie vir kommentaar bereik word nie, terwyl niemand anders by die munisipaliteit bereid was om die koerant se vrae te beantwoord nie.

Soortgelyk

 

NSFAF sluit ooreenkoms met Bank Windhoek

8 ure gelede | Onderwys

Die Finansiële Hulpfonds vir Namibiese Studente (NSFAF) en Bank Windhoek het vandag ʼn ooreenkoms aangegaan vir ʼn nuwe stelsel waardeur geld aan kwalifiserende studente gestuur...

Chinees Dinsdag in hof ná werker se skietdood

8 ure gelede | Misdaad

Die man wat gister na bewering deur sy Chinese werknemer in die Andara-nedersetting doodgeskiet is, is as mnr. Andreas Hausiku (32) geïdentifiseer.Hausiku was ‘n inwoner...

Twintig jaar tronkstraf vir verkragter

9 ure gelede | Howe

‘n 34-jarige man van Otjiwarongo is gister 20 jaar tronkstraf opgelê nadat hy skuldig bevind is aan die verkragting van ‘n minderjarige. Die dogter was...

Taking charge

20 ure gelede | Mense

Mariselle Stofberg Anthea van Heerden decided to take a leap of faith to start her own company in Windhoek.She is the managing director and...

Moontlike deurbraak

20 ure gelede | Misdaad

Denver KistingDie man wat gisteroggend weens Maandag se bloedbad op Arandis aangekeer is, het glo vir etlike ure geweier om met die polisie saam te...

Só staan sake in die Namibiese huis

20 ure gelede | Regering

Denver KistingPres. Hage Geingob het gistermiddag gesê sy boodskap van “welvaart vir almal” moenie verkeerd verstaan word nie.Volgens hom was die bedoeling nooit om oordaad...

Kabajani blossoms at GIPF

20 ure gelede | Mense

Michelline Nawatises Annette Likeleli Kabajani is a holder of a bachelor’s degree from the University of Namibia (Unam). She has also attained several management and...

Baking a name for herself!

20 ure gelede | Mense

Ester Kamati At the age of 28, Alma Tangi Nakanduungileh is climbing the entrepreneurial ladder and adding sweetness to her clients’ lives. A qualified...

A passion to unlock potential

20 ure gelede | Mense

Ester KamatiJustina Mulokoshi is a chartered accountant (CA) at PwC who has big dreams and is constantly on the lookout for new ways to improve...