Spuite, pille nie by klinieke

Henriette Lamprecht – Tekorte aan voorbehoedmiddels wat voorbehoedpille en –inspuitings insluit, word tans by openbare gesondheidsgeriewe in die land ondervind.Die direkteur van die ministerie van gesondheid en maatskaplike dienste (MoHSS) se farmaseutiese verskaffingsketting by die sentrale mediese store het in ’n onderhoud met Republikein erken “voorraad is laag”.Volgens mnr. Ryno Badenhorst is wel hiervoor voorsiening gemaak.“Ons het verskillende tipes voorbehoedmiddels en ’n alternatief soos Nordette is wel beskikbaar,” het hy gesê. Volgens Badenhorst verwag die ministerie ook ’n skenking van die Verenigde Nasies se Bevolkingsfonds (UNFPA) van voorbehoedspuite wat “binnekort in ontvangs geneem sal word”. Hy het verwys na ’n altenatiewe voorbehoedspuit waarvan daar ’n vertraging in produksie is weens ’n wêreldwye tekort van die aktiewe bestanddeel. Volgens hom kon die ministerie ook geen bieërs hiervoor kry om daarvoor te tender nie. Badenhorst sê een van die voorbehoedpille wat wyd gebruik word, word ook nie meer vervaardig nie. “Produksie van een van die tablette is gestaak, maar ons het meer as genoeg voorraad van die alternatief Nordette wat ook in gebruik is.”Met verwysing na die skenking deur die UNFPA het Badenhorst gesê dit vereis die goedkeuring van die Namibiese Medisynebeheerraad weens die verandering in produksie deur die vervaardiger.Die skenking word “binne ’n week of twee” verwag en word volgens Badenhorst vanuit Europa na Namibië “ingevlieg”.Hy het ook gesê die ministerie ondersoek die moontlikheid van voorbehoedmiddels wat ingeplant word en wat langtermynbeskerming bied. “Personeel ontvang tans opleiding in dié verband. Ons evalueer die terugvoering van pasiënte en sal dit moontlik nasionaal beskikbaar stel waar personeel beskikbaar is wat die inplantings kan doen.”Volgens Badenhorst word huidige tekorte by sekere hospitale en klinieke hanteer deur op die kort termyn voorraad van ander hospitale en klinieke te gebruik.“Dit is geïsoleerde gevalle. Sommige klinieke met lae voorrade kry voorraad van geriewe wat te veel voorraad het. Dit is tydelik totdat voorraad afgelewer word.”Hy het beklemtoon die situasie sal normaliseer sodra die UNFPA-skenking en bestelde voorraad afgelewer word. Verskeie klagtes van lede van die publiek is ontvang dat hulle hulself noodgedwonge tot private dokters moes wend vir voorbehoedpille of die –spuit wat hulle andersins by ’n staatskliniek of –hospitaal sou kry.

Spuite, pille nie by klinieke

Kommentaar

Republikein 2025-07-01

Meld asseblief aan om kommentaar te lewer

Spuite, pille nie by klinieke

Kommentaar

Republikein 2025-07-01

Meld asseblief aan om kommentaar te lewer

MELD AAN

Advertensie