Sprinkaanplaag: SADC vra steun

Reeks rampe bedreig ganse streek se ­voedselsekuriteit

16 November 2020 | Landbou
Elvira Hattingh - Die Suider-Afrikaanse Ontwikkelingsgemeenskap (SADC) het gister ’n beroep gedoen op steun in die stryd teen Afrika treksprinkane.

Dit volg nadat altesaam tien SADC-lande sedert die begin van die jaar uitbrekings van die pes ervaar het. Dit hou ook ’n ernstige bedreiging vir voedselsekuriteit in die streek in, met die meeste mense wat in ’n dekade voedseltekorte in die gesig staar.

Mosambiek se minister van landbou en landelike ontwikkeling, mnr. Celso Ismael Correia, het gister gesê die terksprinkaan-ramp volg op talle ander oorgrenssiektes en -peste, wat insluit die onlangse uitbreking van die herfskommandowurm, vrugtevlieë, dodelike mielie-afsterwingsiekte (MLND), Panama-siekte onder piesangs, asook dieresiektes soos bek-en-klouseer en voëlgriep.

Die lande wat deur treksprinkane geraak is, is Namibië, Suid-Afrika, Botswana, Malawi, Mosambiek, Tanzanië, Eswatini, Zambië, Angola en Zimbabwe.

Beide bruin- en rooi treksprinkane het eers in Februarie en Maart en toe weer in Augustus in Namibië se mees noordelike streke toegeslaan.

Volgens Namibië se ministerie van landbou, water en grondhervorming het dit onlangs 400 200 ha binnegedring en 5 000 ha se weiding in die Zambezistreek verwoes.

RAMP-OP-RAMP

“Die uitbreking van die Afrika-treksprinkane kom terwyl SADC probeer om van talle natuurrampe te herstel, wat insluit ’n langdurige en hardnekkige El Niño-droogte, asook die impak van talle siklone waaronder Idai, Belna en Kenneth, asook die Covid-19-pandemie. . .” het Correia gesê en bygevoeg dit gaan na verwagting armoede en swak voedselsekuriteit vererger.

“Vóór die Covid-19-uitbreking het die streek reeds ’n gebrek aan voedselsekuriteit in die gesig gestaar, met sowat 41,2 miljoen mense wat na raming voedseltekorte ervaar het. Dit is die meeste aantal mense met ’n kosgebrek in die streek in ’n dekade,” het hy gesê.

Volgens ‘n streekanalise vir kwesbaarheid wat onlangs vrygestel is, het dié getal reeds na 51,33 miljoen toegeneem, sê Correia, met rampe soos sprinkane en die Covid-19-pandemie wat die streek se kwesbaarheid vererger.

Hy sê volgens die 24ste Suider-Afrikaanse Forum vir Streekklimaatvooruitsigte (SARCOF-24) – wat vanjaar virtueel gehou is, kan oorgrote dele van die streek normale tot bonormale reën verwag.

Hy meen egter dit kan bykomende rampe veroorsaak as stortreën tot kitsvloede lei, wat ’n verdere impak op voedselsekuriteit en mense se lewensbestaan kan hê.

Vir die bestryding van treksprinkane in die SADC-streek, is daar reeds steun van die Voedsel- en Landbou-organisasie (FAO), asook die Internasionale Organisasie vir die beheer van die Rooisprinkaan ontvang. - [email protected]

Soortgelyk

 

Nege sterftes, 307 nuwe gevalle

9 ure gelede | Gesondheid

Nege nuwe Covid-19-verwante sterftes het die getal vir Namibië sedert die uitbreking van die Covid-19-pandemie in Maart verlede tot 328 opgestoot. Dit sluit vier in...

Hof sal later sê of Shoprite bevel geminag het

11 ure gelede | Howe

Regter Collins Parker sal op 15 Februarie 2021 uitspraak lewer in die teenaansoek deur die Namibiese Unie vir Voedsel- en Verwante Werkers (Nafau) teen Shoprite...

Eloïse bring dalk storms

16 ure gelede | Weer

Elvira Hattingh - Die tropiese depressie, of dit wat oorgebly het van wat aanvanklik sikloon Eloïse was, kan vanaf môre vir kwaai storms in Namibië...

Swakoppoortdam loop oor

1 dag gelede | Weer

Die Swakoppoortdam, een van die drie damme wat ook vir Windhoek van water voorsien, het gister begin oorloop. Volgens die NamWater se damverslag van gister...

Voorvaderlike eise: Alle grond benut

1 dag gelede |

Mathias Haufiku en Ogone TlhageDaar is tans geen oop grond in Namibië beskikbaar nie aangesien alles benut word. Die Kommissie van Ondersoek na Voorvaderlike Grondregte...

Woestynrivier laat lóóp

1 dag gelede | Weer

Mnr. Joseph Kafunda het Sondag die Kuisebrivier in volle vloed by die Kuiseb-brug op die C14-pad afgeneem. Sy foto’s is op die Facebook-blad, Reën in...

Noorde: Té nat én té droog

1 dag gelede | Weer

Elvira Hattingh – Terwyl boere in Namibië se Mieliedriehoek reeds drie weke lank wag dat die reën hulle net ’n paar dae kans moet gee...

Making the art of painting look easy

1 dag gelede | Mense

Enzo AmueleBorn in the early ’90s, the cool and calm Nambowa Malua has been drawing since he was a child and has made art look...

Shoprite steeds in die hof

1 dag gelede | Arbeid

Augetto Graig en Elvira HattinghDie staking by Shoprite is ná meer as ’n maand verby, maar die hofgeveg wat daaruit gespruit het, woed opnuut vanoggend...