‘Spreekkamer’ op kykNET fokus op holistiese gesondheid
“Deur ’n paar persoonlike veranderinge te maak, kan jy jou welstand beheer.”
So sê Suzaan Steyn, aanbieder van Spreekkamer, ’n nuwe gesondheidsprogram wat op holistiese gesondheid fokus.
Dit begin Dinsdag op kykNET en Bibi Slippers is die inhoudsregisseur.
Dit vervang die finansiële reeks Winslyn. Die aanbieder, Divan Botha, het Dinsdagaand aangekondig dit is die laaste episode, maar dit sal wel in die toekoms nog uitgesaai word.
Spreekkamer word regstreeks uitgesaai en die nuus beïnvloed in ’n mate die program se inhoud.
Dit bevat ook ’n segment waarin kykers se vrae oor “van sinus tot hartaanvalle” beantwoord word.
“Gesondheid is ’n bodemlose put,” sê Steyn.
“’n Mens dink alles is al daaroor gesê, totdat jy begin om navorsing te doen. Ons praat, byvoorbeeld, oor die agt punte wat eintlik jou welstand bepaal – waaroor jy beheer het.
“Ons bespreek boeke wat sekere gesondheidskwessies dek. Iets soos die rol van die placebo-effek op jou gesondheid. Watter effek het me time (en ons het dit die afgelope jaar ervaar) fisiek op jou liggaam?
“Ons wil graag die kykers betrek. Hulle kan deelneem en terugvoering gee.”
Steyn, wat verlede jaar die gewilde KN Pandemie op kykNET en voorheen programme soos Gesondheid sonder grense en Verhoudings met grense op RSG aangebied het, het lank gelede – voor die Covid-19-pandemie – ’n paar veranderinge in haar lewe gemaak.
“Ek het besef daar is sekere dinge, soos wat jy eet, oefening en jou slaappatroon, wat jou emosionele en fisieke welstand bepaal. Daar is sekere dinge wat ek eenvoudig net uitgesny het.
“Die pandemie het ’n mens gedwing om na jou eie landskap te kyk, en wat en wie belangrik is in jou lewe. Dit was ’n tyd waarin jy stil geword het en moes besluit hoe jy sinvol kan besig bly.”
Kenners soos dokters, sielkundiges en spesialiste verskyn weekliks op die program om sowel hoofstroom- as alternatiewe behandelings te bespreek, en daar is onder meer gesprekke met mense wat ernstige siektes oorleef het.
• Spreekkamer word Dinsdae om 22:00 op kykNET (DStv-kanaal 144) uitgesaai. - Netwerk24
So sê Suzaan Steyn, aanbieder van Spreekkamer, ’n nuwe gesondheidsprogram wat op holistiese gesondheid fokus.
Dit begin Dinsdag op kykNET en Bibi Slippers is die inhoudsregisseur.
Dit vervang die finansiële reeks Winslyn. Die aanbieder, Divan Botha, het Dinsdagaand aangekondig dit is die laaste episode, maar dit sal wel in die toekoms nog uitgesaai word.
Spreekkamer word regstreeks uitgesaai en die nuus beïnvloed in ’n mate die program se inhoud.
Dit bevat ook ’n segment waarin kykers se vrae oor “van sinus tot hartaanvalle” beantwoord word.
“Gesondheid is ’n bodemlose put,” sê Steyn.
“’n Mens dink alles is al daaroor gesê, totdat jy begin om navorsing te doen. Ons praat, byvoorbeeld, oor die agt punte wat eintlik jou welstand bepaal – waaroor jy beheer het.
“Ons bespreek boeke wat sekere gesondheidskwessies dek. Iets soos die rol van die placebo-effek op jou gesondheid. Watter effek het me time (en ons het dit die afgelope jaar ervaar) fisiek op jou liggaam?
“Ons wil graag die kykers betrek. Hulle kan deelneem en terugvoering gee.”
Steyn, wat verlede jaar die gewilde KN Pandemie op kykNET en voorheen programme soos Gesondheid sonder grense en Verhoudings met grense op RSG aangebied het, het lank gelede – voor die Covid-19-pandemie – ’n paar veranderinge in haar lewe gemaak.
“Ek het besef daar is sekere dinge, soos wat jy eet, oefening en jou slaappatroon, wat jou emosionele en fisieke welstand bepaal. Daar is sekere dinge wat ek eenvoudig net uitgesny het.
“Die pandemie het ’n mens gedwing om na jou eie landskap te kyk, en wat en wie belangrik is in jou lewe. Dit was ’n tyd waarin jy stil geword het en moes besluit hoe jy sinvol kan besig bly.”
Kenners soos dokters, sielkundiges en spesialiste verskyn weekliks op die program om sowel hoofstroom- as alternatiewe behandelings te bespreek, en daar is onder meer gesprekke met mense wat ernstige siektes oorleef het.
• Spreekkamer word Dinsdae om 22:00 op kykNET (DStv-kanaal 144) uitgesaai. - Netwerk24
Kommentaar
Republikein
Geen kommentaar is op hierdie artikel gelaat nie