Speel-speel slimmer

Tanja Bause - Op ’n stoep in Windhoek is nege kinders besig om die wêreld van dinosourusse met al hul sintuie te verken. Dié groepie kinders is by die Tiny Tots & Tall Tales-kleuterskool wat op 'n vroeë kinderontwikkeling-leerplan van Nieu Seeland gebaseer is. “Die leerplan is tans die beste in die wêreld. Ek het met my terugkeer na Namibië ’n kleuterskool vir my seun gesoek wat die plan gebruik. Daar was nie so iets in die land nie, en toe besluit ek om self met die skooltjie te begin," sê me. Elsje Fowler, stigter van Tiny Tots & Tall Tales. In Namibiese kleuterskole is daar gemiddeld een onderwyser vir 18 kinders, maar by hulle is dit een onderwyser vir drie kinders, sê sy.Die skool is op ’n holistiese benadering tot kinderontwikkeling gebaseer, en die kinders leer iets oor alles van musiek en pottebakkery tot swem en gimnastiek. Hulle word ook tyd gegun vir morsige speeltye op die stoep, en vandeesweek se tema is dinosourusse. Verskillende "ondersoekstasies" word op die stoep opgestel waar die kinders meer oor dié gediertes kan leer. Die skooltjie spog ook met hoender- en haashokke waar die kinders diere kan voer en eiers kan uithaal. “Ons gee baie aandag aan die kind se sensoriese ontwikkeling. Kinders op dié ouderdom is soos sponse en het baie aandag nodig,” het Fowler gesê. Die skool het tans 10 kinders en vier onderwyseresse.“Twee van ons onderwyseresse is besig met hul diploma's in kinderopleiding, wat deur die skool gefinansier word. Nog 'n onderwyseres studeer na-ure vir ’n sielkunde-graad, terwyl die ander jarelange ondervinding in die bedryf het."Fowler het die hoop uitgespreek dat ander kleuterskole ook die leerplan sal begin gebruik. “Jou hart moet by die kinders wees, dit is nie 'n besigheid nie. Sodra dit ’n besigheid word, neem mense meer en meer kinders in, wat die kind en die kwaliteit van onderrig benadeel."

Speel-speel slimmer

Kommentaar

Republikein 2026-06-30

Meld asseblief aan om kommentaar te lewer

Speel-speel slimmer

Kommentaar

Republikein 2026-06-30

Meld asseblief aan om kommentaar te lewer

Intekening vereis om toegang tot inhoud te kry. ×

MELD AAN

Advertensie

Intekening vereis om toegang tot inhoud te kry.