Spanne takel RSA en Zim by Hardapdam

13 September 2018 | Sport
Die tweede been van die jaarlikse Streek 5 oewerhengeltoernooi word aanstaande week by Hardap­dam naby Mariental beslis, waaraan Suid-Afrika en Zimbabwe ook gaan deelneem.

Die toetsreeks bestaan uit drie dae se hengel in die Streek 5 kompetisie (Dinsdag 18 tot Donderdag 20 September), waarna die bestes van die bestes op die volgende dag vir hulle “Drienasie”-kleure meeding.

Elke dag se toets duur agt ure. Daar is vyf visspesies wat vir die hengelaars punte tel (karp, geelvis, baber, moddervis en kurper) en die kwota is 20 per spesie.

Al die spanne meld komende Vrydag by Hardapdam aan, met Saterdag en Sondag as oefendae en Maandag 'n rusdag ter voorbereiding op die kompetisie.

Oewerhengelaars bevorder die “vang en vrylaat” van vis.

Tydens die kompetisie word die vis met sorg hanteer en ook deurentyd met 'n skepnet geland waar die vis onthoek word en in die hengelaar se hou-net, wat in die water staan, geplaas word. Aan elke einde van 'n kompetisie word die visse geweeg en weer in die dam vrygelaat.

Damvlakke is laer as verlede jaar dié tyd en hindernisse in die water kan 'n hengelaar soms moedeloos laat, maar vir die hengelaars sal 'n deeglike wedstrydplan met kennis en vernuf die deurslag gee.

Hengelaars kom van oral in Namibië, vernaam die streke Hardap, //Kharas, Khomas, Otjozondjupa en Oshikoto.

Namibië word deur sy nasionale senior mans-, Federasie Meesters- en nasionale vrouespan verteenwoordig.

Die nasionale senior mans is onder bestuur van André Barlow en Morné Prenn. Die Senior Mans kompeteer die jaar weer teen die groen en goud van die Protea Seniors.

Hierdie twee spanne is gedugte teenstanders en dit sal 'n stryd tot aan die einde afgee.

Die span is: Leon Diedericks, Ronnie Meyer, Jaco Kruger, Wentzel Barnard, Willem Heunis, Dawid Oberholzer en Wiehan Kohler.

Die Federasie Meesters se spanbestuurder is Johan Agenbag. Die Meesters kom te staan teen die SASACC Senior Meesters van Suid-Afrika.

Die span bestaan uit JD van Wyk, Loandro Steenkamp, Leon Bothma, Ian Copley, Andries Blaauw, Jake Taljaard en Jorrie Jordaan.

Namibië se nasionale vrouespan se bestuurder is die welbekende vete­raanhengelaar, Paul Steyn. Dit is die tweede opeenvolgende jaar dat hy die span gaan lei.

Hulle ding mee teen die groen en goud van die Protea vroue, asook teen Zimbabwe se vrouespan.

Die vrouespan is Lani Meyer, Nadia Steenkamp, Betsie Bergh, Petro van Zyl en Carol Stinton.

Die koste vir so 'n toer is hoog en die hengelaars maak staat op borge om hul droom te bewaarheid om aan ­internasionale toere te kan deelneem. Sonder finansiële hulp is dit nie altyd moontlik nie en daarom bedank elke bogenoemde span met sy individuele hengelaars graag hul borge vir alle ondersteuning.

Na afloop van die toere sal elke borg afsonderlik vir hul bydrae bedank word.

Soortgelyk

 

Geslagsgeweld bron van kommer op Rehoboth

6 ure gelede | Misdaad

Geslagsgebaseerde geweld (GBV) is ‘n groot bron van kommer vir inwoners van Rehoboth, met afhanklikheid wat volgens die Namibiese polisie die grootste bydraende faktor in...

Geingob op pad na Ethiopië

6 ure gelede | Regering

Denver Kisting – Pres. Hage Geingob vertrek môre na Ethiopië vir samesprekings oor die situasie in die Demokratiese Republiek van Kongo (DRK).Gemoedere loop steeds hoog...

Vermeende veediewe se turf sit

18 ure gelede | Misdaad

Elvira Hattingh Die Rehoboth Veemisdaadorganisasie (RLCO) het saam met die polisie verlede week 'n reusedeurbraak gemaak in 'n veediefstalsaak toe hulle nie net die waarskynlike...

Rehoboth-skietstilstand opgehef

18 ure gelede | Plaaslik

Denver Kisting – Die Windhoekse hoërhof het gister die Namibiese weermag (NDF) tot 16:00 gegee om van die perseel van die Rehoboth-skietklub pad te gee.Dít...

Oudsoldate se lêers 'verdwyn' uit pakhuis

18 ure gelede | Ministeries

Augetto Graig Tot 60 personeellêers met inligting van Namibiërs wat voor onafhanklikwording vir die Suid- Afrikaanse weermag (SADF) en destydse Suidwes-Afrikaanse Gebiedsmag (SWATF) geveg het,...

Weer vir 15 Januarie 2019

18 ure gelede | Weer

BINNELAND: Sonnig en baie warm in die Suide. Elders sal dit gedeeltelik bewolk en baie warm tot bloedig warm wees met enkele donderbuie in...

Man in vangwa gegooi, ure aangehou

18 ure gelede | Misdaad

Francoise Steynberg - 'n Egpaar van Swakopmund wat verlede Dinsdagoggend op die strand gaan stap het, het 'n nagmerrie-ondervinding met die polisie gehad.Mnr. Michael en...

Raaiselsterre verskyn en verdwyn by Koës

18 ure gelede | Plaaslik

Elvira Hattingh - Koës-inwoners was die afgelope Saterdag verstom toe ‘n reeks van tussen ses en nege “sterre” omstreeks 20:30 in ‘n reguit lyn in...

Seekoei soek lafenis in swembad

18 ure gelede | Omgewing

Francoise Steynberg - Help, daar's 'n seekoei in my swembad! Dit was een van twee vreemde versoeke die afgelope week aan die bekende wildveearts van...