Soek só 'n geskikte venue

Hier is ’n paar vrae om te vra wanneer julle na potensiële onthaalareas gaan soek:

• Hoeveel kos dit om te huur en wat sluit die prys presies in?

• Hoeveel mense kan die lokaal kan huisves – vir ’n ete, buffet of hors d’oevre onthaal?

• Gaan die onthaalarea gedeel word met ’n ander troue se onthaal? Hoe word die fasiliteite verdeel? Hoe word privaatheid verseker?

• Vir hoeveel uur is die lokaal bespreek? Is daar koste aan oortyd verbonde? Wanneer tree dit in werking?

• Is daar enige beperkings op wanneer die area beskikbaar is? Is daar ’n afslag vir sekere tydstippe of dae van die week?

• Is daar ’n klavier/ander musiekinstrument op die perseel? Is daar ekstra kostes aan die gebruik daarvan verbonde?

• Is daar reëls ten opsigte van die tipe musiek, aantal musici, ens?

• Is daar spesifieke reëlings ten opsigte van versiering, blomme, fotografie?

• Is daar lugversorging?

• Is daar ’n spysenier beskikbaar of mag jy vir jou eie sorg? Wat is die vereistes ten opsigte van drank?

• Is daar genoegsame kombuisfasiliteite?

• Kan die lokaal ook vir die huwelikseremonie gebruik word?

• Is daar ’n dansvloer? Is dans toegelaat? Waar is die dansbaan?

• Is daar bykomende kostes verbonde aan ander dienste soos sekuriteit en motorwagte?

• Kan hulle die bespreking skriftelik bevestig waarin alle besonderhede saamgevat is?

• Wat is die deposito en vergoedingsvereistes?

• Is daar genoeg parkeerplek vir gaste? Moet gaste bykomende betalings maak?

• Is daar ’n mikrofoon beskikbaar?

• Wie sal tydens die onthaal aan die hoof van sake wees?

• Stel die venue tafels, stoele en meer beskikbaar?