Soek die kind bínne die kind

14 October 2019 | Rubrieke
'n Kind, veral 'n tiener, is soos daai Russiese poppies.

Amper soos 'n turksvy binne 'n turksvy binne 'n turksvy: 'n Mens moet eers laag ná laag afskil en sterk staan teen die dorings in jou vingers – maak nie saak hoe versigtig jy is nie – voor jy by 'n tiener se hart uitkom.

En kry jy uiteindelik 'n tiener se hart, is dit soos die laaste poppie binne die Russiese legkaart: Baie klein en delikaat.

Kosbaar pragtig in die palm van jou hand. Weerloos. Want met 'n enkele bal van jou vuis kan jy dit in 'n duisende stukkies breek.

Met die dolle gejaag na oorlewing in die hedendaagse lewe laat ouers hul kinders se harte vir die grootste deel van elke dag in die palm van onderwysers se hande.

Nie net tydens skoolure nie, maar ook daarná. Want 'n kind pak onderwysers se houding saam in sy skooltas en bring dit huis toe. Waar dit hom óf kan inspireer óf by hom spook.

Onderwysers word deesdae links en regs uitgekryt. En in baie gevalle is dié kritiek nie ongevraagd nie. Luister jy na ouers, skoolhoofde en kinders is daar baie Afbek Annies en Jannies in Namibië se skole: Onderwysers wat tou opgooi, wat nie meer omgee nie, wat nooit die passie vir dié roeping gehad het nie.

Want dit ís 'n roeping.

Maar daar is tog nog juwele. Onderwysers wat ons rudiamantkinders elke dag met liefde in edelstene slyp. Want ouers is té besig en moet noodgedwonge Mammon najaag om kosblikke vol te hou.

Die Russiese poppies word ook babushkas genoem. Babushka menende ouma in Russies.

En dis presies wat hierdie onderwysers is: Oumas en oupas. Wat streng is en gesag afdwing, by kinders én ouers. Wat met liefde skaaf waar geskaaf moet word. Waar kinders (én ouers) veilig voel.

En vir hulle word veels té min dankie gesê. Hulle verdwyn in die moeras van Namibiese ouers se frustrasie met die stelsel en word deel van stereotipering van onderwysers wat onbevoeg is.

Vir julle wil ek sê: Daar is niks lekkerder as 'n kind wat huis toe kom en vertel van 'n onderwyser wat hom kleinkry nie. Terwyl jy self nie eers aldag jou kind verstaan nie.

Daar niks wat 'n kussing saans sagter laat voel as die wete dat jou kind se onderwysers dwarsdéúr hom sien nie.

Nie bang soos jy vir die nuwe geite nie. Want jare se ervaring en opregte liefde vir die jeug het dié onderwysers geleer dis net 'n fase: Net nóg 'n stuk turksvy wat afgeskil moet word, want binne lê 'n lieflike vrug.

'n Vrug wat nie rypgedruk moet word nie, maar gekoester en natgelei moet word.

Baie, baie seëninge vir julle, babushkas en dedushkas (oupas)!

Soortgelyk

 

AgriBusDev-baas geskors

1st of June 18:23 | Regering

Mnr. Petrus Uugwanga, die landbousake-ontwikkelingsagentskap (AgriBusDev) se besturende direkteur, is met onmiddelike effek geskors. Die voorsitter van die AgriBusDev-raad, me. Sophia Kasheeta, het pas ‘n...

Twee 'renosterstropers' verskyn in Gobabis-hof

1 uur gelede | Howe

Twee vermeende renosterstropers het vandag in die landdroshof op Gobabis verskyn.Mnre. Alberto Mbwale en Joseph Matheus het op klagte van die onwettige jag van spesiaal...

Pastoor Babi steeds agter tralies

5 ure gelede | Howe

Pastoor Jackson Babi (30) van die House of Joy Ministries en sy medebeskuldigde, mnr. Friza Dumeni (25), bly steeds agter tralies.Landdros Linus Samunzela het vanoggend...

25ste Covid-19-geval bevestig

7 ure gelede | Gesondheid

'n Vroulike gesondheidswerker (32) is Namibië se jongste Covid-19-geval. Dit bring die aantal bevestigde Covid-19-gevalle in Namibië op 25 te staan. Volgens die minister van...

Hof hoor president is 'mislei' oor arbeidsregulasies

17 ure gelede | Howe

Ronelle Rademeyer - Pres. Hage Geingob is “verkeerd geadviseer” met die opstel van die gewraakte arbeidsregulasies waarvan die grondwetlikheid Vrydag in die hoërhof deur Namibiese...

Namibiërs in haglike omstandighede onder SA-kwarantyn

17 ure gelede | Gesondheid

Twee vroue van Windhoek en die een se 16-jarige dogter meen die vervalle staatshospitaal by Nababeep naby Springbok in die Noord-Kaap waar hulle in kwarantyn...

'Profeet' Babi se borgaansoek vandag

17 ure gelede | Misdaad

Francoise Steynberg – Die bekende, charismatiese en selferkende profeet van die House of Joy Ministries, pastoor Jackson Babi (30), en sy medebeskuldigde, mnr. Friza Dumeni,...

Twee bemanningslede positief vir Covid-19

17 ure gelede | Gesondheid

Henriette Lamprecht & Leandrea Louw – Walvisbaai huisves tans drie aktiewe gevalle van Covid-19 ná ‘n 51-jarige man Saterdag positief vir die virussiekte getoets het....

Fishrot-manne skarrel vir borgtog

17 ure gelede | Misdaad

Augetto Graig – Die Windhoek-landdroshof het Vrydag met verskeie Fishrot-sake gewemel, met borgtogaansoeke wat met aansoeke vir die verlenging van tyd vir verdere ondersoek, meegeding...