Sochi-trippie: Verleentheid groei

'Geen vlugplan'

13 October 2017 | Vervoer
Catherine Sasman - Die Air Namibia Airbus A330-vlug wat Dinsdagaand direk na Sochi in Rusland vertrek het met sowat 200 jong Namibiërs op, het die wenkbroue laat lig nog vóór die vlug vanaf die Internasionale Lughawe Hosea Kutako (HKIA) buite Windhoek kon opstyg.

Air Namibia het aangekondig die vlug, wat spesiaal deur die Nasionale Jeugraad (NYC) vir 2107 se Wêreldfees vir Jeugdiges en Studente vir die jeugdige Namibiërs gereël is, het Woensdag omstreeks 08:40 op Sochi geland.

Mense in die binnekringe sê reëlings vir dié vlug was glo uit die spaanspoor ’n geskarrel omdat die vlug byna gekanselleer is weens ‘n vlugplan wat skort en swak beplanning.

Ter elfder ure is besluit om tóg met die vlug voort te gaan om die jeugdiges by die jeugfees in Rusland te kry.

Dié halsoorkop besluit sou beteken kajuitpersoneel moes vir 26 ure aan diens wees, wat strydig met die maksimumtydperk van 18 ure is.

‘n Bron van die Namibië Kajuitbemanningsvakbond (NCCU) het beklemtoon dit beteken kajuitpersoneel is gedwing om meer as agt ure per skof te werk.

Die Russiese gashere was glo ontevrede daaroor dat meer Namibiese afgevaardigdes opgedaag het as wat verwag is.

Die Russiese ambassade het 193 uitnodigings aan die NYC gestuur, maar 200 visums is uitgereik en die NYC het vroeër aangedui 179 afgevaardigdes sou gaan.

Boonop het hanteerders op Sochi-lughawe glo met die aflaai van bagasie die vliegtuig se vragdeur beskadig. Die vliegtuig was toe vir ses ure buite werking terwyl die deur herstel is.

Volgens bronne het dit veroorsaak dat die vliegtuig nie op skedule in Frankfurt in Duitsland geland het nie.

DIS NIE WAAR NIE, Sê AIR NAMIBIA

Air Namibia ontken al hierdie beweringe.

Geen vlug kan sonder ‘n vlugplan voortgaan nie, sê hulle.

“Daarom is die vlugplanne ingedien en goedgekeur voordat die vlug van Windhoek af kon vertrek. Hierdie aantyging is in totaliteit irrelevant,” het Air Namibia se woordvoerder, mnr. Paulus Nakawa, gesê.

Air Namibia het ook ontken dat die kajuitpersoneel vir bykans 26 ure sonder ophou gewerk het.

Volgens hulle het die vlug omstreeks 20:53 vanaf die HKIA vertrek en om 06:41 op Sochi geland, wat beteken personeel het ongeveer 10 ure sonder ophou gewerk.

Air Namibia sê daar was 10 bemanningslede, drie in die kajuit en twee ekstra wat die vliegtuig vanaf Sochi na Frankfurt gevlieg het.

“Dit was die optimale bemanning wat met internasionale lugvaartstandaarde strook,” sê Air Namibia.

Die lugredery het ook ontken dat die vliegtuig se vragdeur beskadig is.

“Aangesien hierdie ‘n handelstransaksie was, het die Russe vir ons ‘n slot geskep omdat dit nie ons normale bedryfsroete is nie. Toe alle goedkeuring verkry is, het ons na Frankfurt vertrek. Let asseblief daarop dat die kajuitpersoneel nie toe aan diens was nie.”

Soortgelyk

 

Studie-debakel vir Namibiërs in Zambië

2 dae gelede | Gesondheid

Die ministerie van gesondheid en maatskaplike dienste is deur die Namibiese hoë kommissariaat in Zambië gewaarsku dat twee universiteite in dié buurland waar 91 Namibiese...

Meatco heroorweeg BTW-besluit

2 dae gelede | Landbou

Nuus van Meatco se herinstelling van die betaling van 15% BTW (belasting op toegevoegde waarde) op alle beestransaksies by die abattoir, is deur die NLU...

Slaggate teen einde Julie herstel

2 dae gelede | Infrastruktuur

Die munisipaliteit van Windhoek verwag dat alle slaggate van die hoofstad se paaie teen einde Julie herstel sal wees. Die woordvoerder van die munisipaliteit, me....

Onderwyseres ‘ontvoer’ skoolmeisie glo vir seks

2 dae gelede | Howe

Henriette Lamprecht – ’n Onderwyseres van ’n hoërskool in die Suide het gister in die hof verskyn op aanklagte dat sy glo ’n skoolmeisie ontvoer...

Sokkerkoors loop hoog!

2 dae gelede | In beeld

Die opening van 2018 se Wêreldbekersokkertoernooi het gister by die Luzhniki-stadion in Moskou plaasgevind. Nagenoeg 80 000 sokkerliefhebbers het die seremonie bygewoon en die immerbekende...

Vakbond, regering stamp kop oor huishulpe

2 dae gelede | Arbeid

Augetto Graig – Die permanente sekretaris in die ministerie van arbeid, nywerheidsbetrekkinge en werkskepping, mnr. Bro-Matthew Shinguadja, sê daar steek geen waarheid in die Namibiese...

Vaarwel aan Daantjie Louw

2 dae gelede | Mense

Tielman van Lill - “Stil, broers, daar gaan ‘n man verby, hy groet, en dis verlaas . . . ”Só is die woorde van die...

Netumbo by slenters betrek

2 dae gelede | Ministeries

Denver Kisting – Slenters doen tans die ronde waarby die adjunk- eerste minister en die minister van internasionale betrekkinge en samewerking, me. Netumbo Nandi-Ndaitwah, betrek...

Weer vir 15 Junie 2018

2 dae gelede | Weer

WEERWAAK: ‘n Koue front en buie word in die ||Kharasstreek en suidelik kus verwag.BINNELAND: Gedeeltelik bewolk en koud tot matig in die Suide met enkele...