SMS'e vir 11 Oktober 2019

11 October 2019 | Menings
Ek praat al geruime tyd oor die huidige omstandighede, korrupsie en dies meer in ons land. Ek besef toe die probleem lyk so: Ja, die ouens in die koloniale tyd het ook gevat, maar met 'n verskil. Ons het gewerk, kinders was getugtig in skole en dinge het vorentoe beweeg. Hulle het die koei eers gevoer en dan gemelk en gelos dat dit weer wei en voortplant, maar onse Swapo-ouens melk die koei kurkdroog en asof dit nie genoeg is nie, vat comrades sommer die hele bees sonder om te dink aan die toekoms. Ja, ek weet nie so mooi nie.



Ek wonder maar net. 29 jaar en geen verandering op Kappsfarm nie. Water, wat belangrik is, moet gesoela word om 'n bestaan te maak. Die inwoners word net verkiesingstyd geken en is daarna vergete op die planeet aarde.



Beloftes word nou probeer red. Stinkwater se menere kry toilette. Bravo, maar net by sekeres. Senior burgers uitgelaat, of is dit net die witbroodjies wat kry of hoe staan sake?



Ek stem saam met die berig oor landbou moet minder op reën staatmaak.



Trump se 70% bewonderaars moet dan 70% mans van die brannas en Coke brigade wees, want malkoei werk nie!



Swakopmund-polisiemotor POL 8220. Jy bestuur 'n onpadwaardige voertuig wat se briekligte en agterligte nie werk nie. Laat maak die goed reg, ons betaal daarvoor! – Swakopmunder



Hercie Bason. Dalk is jy reg oor een ding. Daar was nie in daardie tyd soveel moord, doodslag, verkragtings ens. om oor te berig nie. Hulle noem dit in vandag se terme vryheid van spraak. As dit 'n probleem is om van al die nuus te lees, koop 'n ander koerant.



Kommerwekkend neem ek waar dat mense oor die algemeen (hopelik oningelig) iemand wat die woord van God verkondig deur die bank dominee (ds.) noem. Daar is 'n groot verskil tussen 'n dominee, pastoor, priester, vader of pater. In dieselfde konteks is daar ook 'n groot verskil tussen 'n dokter medies, doktor geleerdheid en dokta' van wat ookal. – SAP&H



Ek het sommer geweet hiervan sal niks kom nie. Soos met al die voriges. – JJ



Ek is 'n vlieënier en ons vlieg twee keer vanaf Eros Airport af per dag. Soms moet ons permitte by Airport Security uitneem, maar kom by die kantoor, dan is dit toe. Ons vra rond, dan word ons gesê daar is niemand nie, want management spaar op oortyd. Nee tog NAC, hulle management is nooit op kantoor nie en weet ook nie wat daar aangaan nie. Stel mense aan om die oortyd te vermy en sodat ons nie delays het nie.



'n Baie ongewone gebeurtenis het vandag (gister) plaasgevind. Swakop se verkeersafdeling vang vir spoed. Kon my oë nie glo nie. Hoop net hulle instrumente is gekalibreer.



My bank van wie ek al 57 jaar + 'n kliënt is . . . Ek het nou al jare 'n spesiale spaarrekening en kon net kontant oor die toonbank onttrek. Laasweek kom ek agter dat my saldo omtrent N$4 000 minder is as wat ek verwag het en vra 'n staat aan, vanaf 1 September. Ek merk op dat my rekening op 19 September met N$3 200 ­gedebiteer is, vir onttrekkings fooie, en daarna met N$100 per onttrekking. Die bank het besluit om die heffing vanaf 1 Julie te implementeer sonder om my daarvan in kennis te stel. Baie professioneel! Die ­bestuurder is nie beskikbaar nie en ek gaan sien 'n juweel van 'n dame. Sy meen dat ek 'n verkeerde tipe rekening het as pensioenaris en reël dat ek 'n ATM-rekening open. Ek skarrel nou om deposito's en ­debietorder betyds te kry. N$4 000 is baie geld vir 'n pensioenaris. Ek gaan beslis die saak aanroer, dit grens aan bedrog en ek kan nie slaap nie. Hoeveel ander kliënte word ingeloop wat dit nog nie agtergekom het nie? Ek wag in spanning vir die beloofde oproep. – Johan van Heerden

Soortgelyk

 

Kawana gee besonderhede oor viskwotas

16 ure gelede | Visserye

Nuwe aansoekers sal 56,2% van viskwotas ontvang en bestaande regtehouers die balans van 43,8%.Dr. Albert Kawana, wat as nuwe minister van visserye en mariene hulpbronne...

Namibië het nou 23 bevestigde Covid-19-gevalle

1 dag gelede | Gesondheid

Namibië se jongste bevestigde geval van Covid-19 (nr. 23) is 'n 38-jarige Namibiese vrou wat op 23 Mei vanaf Dar es Salaam, Tanzanië na Namibië...

The cream of the crop

1 dag gelede | Mense

Ester KamatiMonica Gwala (Niilenge), the owner of Mo-nize Farmstead Fresh Produce, is the only entrepreneur amongst six siblings, specifically in the field of agriculture –...

Namibië oper, Walvis toe

1 dag gelede | Regering

Denver Kisting – Die staatshoof, pres. Hage Geingob, sê fase 3 wat Dinsdag in werking tree, gaan van Namibiërs vereis om groter verantwoordelikheid vir hul...

Baie meer as miljard vir Air Nam nodig

1 dag gelede | Regering

Ronelle Rademeyer – Die N$984,6 miljoen wat in die nuwe boekjaar uit die belastingbetaler se sak na die nasionale redery gaan vloei, sal net “die...

Weer vir 29 Mei 2020

1 dag gelede | Weer

BINNELAND: Koud in die oggend, andersins sonnig en matig tot warm, maar warm tot baie warm in die Noorde.KUS: Sonnig en matig tot warm. GETYE...

Ouwêreldse vermaak by 'nuwe' inryteater

1 dag gelede | Kuns en vermaak

Yandi du PlessisDalk is jy al keelvol vir Netflix of ShowMax, of bloot net uitgekuier om by die huis te sit. Dalk verlang jy na...

Vier 'renosterstropers' verskyn in camera

1 dag gelede | Misdaad

Francoise Steynberg – Vier van die agt verdagtes wat vandeesweek in verband met renosterstropery en -horingsmokkelary vasgetrek is, het gister in camera in die streekshof...

San gebruik spaargeld vir wateraanleg

1 dag gelede | Omgewing

Die San-gemeenskap in die N‡a Jaqna-bewaringsgebied se water­infrastruktuur is al vir jare 'n uitdaging. Water is 'n skaarste in Namibië en inwoners van dié bewarings­gebied...