Slinkse profeet betaal toe nie terug

21 August 2020 | Howe
Leandrea Louw op Walvisbaai

’n Sogenaamde profeet van Walvisbaai en ’n medepligtige is tans op Walvisbaai toegesluit nadat hulle glo tussen Augustus en September verlede jaar vyf niksvermoedende vroue ten bedrae van ’n geskatte N$800 000 bedrieg het.

Al twee beskuldigdes, mnre. Kaetanus (Dr Atomic Bomb) Shilimela en Luckas (Shocks) Showa, beide 30 jaar oud, het verlede week voor landdros Vicky Nickolaidis verskyn. Die saak is tot 27 Oktober uitgestel terwyl die ondersoek voortduur.

Die duo is borgtog geweier en die borgtogverhoor is vir 19 Augustus geskeduleer.

’n Ander slagoffer, wat verkies om anoniem te bly, het vertel hoe die sogenaamde profeet haar uit ’n bedrag van N$100 000 geswendel het.

“’n Vriend van die familie het my aan die profeet voorgestel. Ek het in daardie stadium nie aan ’n kerk behoort nie. Hy het dadelik begin besigheid praat. Hy het vertel hy besit ’n maatskappy waarin ek kan aandele koop en my belegging binne ’n paar weke kan terugkry.”

Volgens die slagoffer was sy deel van ’n groep van ses vroue wat die profeet en sy handlanger op ’n daaglikse grondslag ontmoet het.

“Ons sou gesels, saam bid en oor die besigheid praat. Ons is gevra om geld te gee vir vliegtuigkaartjies vir die aandeelhouers in die Kongo en ander lande sodat hulle ’n oog oor die besigheid kon hou. Ons het met plesier die geld gegee omdat hy ons ’n opbrengs op ons belegging belowe het en omdat hy ’n man van God was. Ons het hom vertrou. Ek het hom vertrou.”

Met tye het die slagoffer ook haar voertuig aan die profeet geleen omdat sy geglo het hy was besig met God se werk.

Nie een van die slagoffers het enige dokumente onderteken of bewyse ontvang dat hulle aandeelhouers van die sogenaamde maatskappy was nie.

Elke keer wat hulle die profeet oor hul beleggings uitgevra het, sou hy met ’n verskoning vorendag kom.

“Ná ’n paar maande het ek besef daar gaan niks van hierdie ‘belegging’ kom nie en ek het my prokureur genader. Teen dié tyd het ek al N$100 000 verloor. Ek het hierdie geld uit my spaarrekening onttrek en gedink dit sal ’n goeie geleentheid vir my wees om te belê.”

’n Eisbrief is gevolglik op die profeet bedien wat meld hy moet die slagoffer N$20 000 per maand terugbetaal. “Hy het my vir ongeveer drie maande tussen N$5 000 en N$10 000 terugbetaal en toe opgehou. Sy verskoning was dat Covid-19 hom sonder ’n inkomste gelaat het, aangesien kerkbyeenkomste nie meer kon plaasvind nie. In totaal het hy ongeveer N$30 000 terugbetaal.”

Die slagoffer sê sy het vrede gemaak met die feit dat sy haar geld verloor het.

“Ek het oor situasies soos dié gelees en nooit gedink ek sou die slagoffer wees nie. Hoe kon ek so dom wees? Ek het besef ek het nog steeds ’n dak oor my kop, ’n werk en ’n motor om mee te ry. My hart gaan uit na een van die werklose vroue wat die grootste deel van haar erfenis verloor het. Wat moet sy nou doen?”

‘KONSULTASIES’

Die profeet vra glo N$500 vir individuele konsultasiesessies en gebed.

“Ek het sy kerkdienste een of twee keer bygewoon. As ek nou terugdink, het iets altyd vreemd gevoel. Die mense rondom my sou flou word nadat hy hartstogtelik gebid het. Ek sou net staar en dink, hoekom voel ek nie dieselfde nie? Maar ek het ’n uiters waardevolle les geleer. My hart gaan uit na die ander vroue vir wie hy bedrieg het.”

Die inspekteur van die gemeenskapsake, insp. Illeni Shapumba, het ander wat hul hulpbronne op verdagte maniere of as gevolg van “profete” verloor het, aangemoedig om die polisie te kontak.

“Sodra sake aangemeld word, sal ons begin ondersoek instel. As niemand dit rapporteer nie, spoor jy hierdie profete aan. Hulle is net mense wat ’n ander manier gevind het om mense te besteel. Profete is nie advokate of mense wat namens die volk met God kan praat nie. Profete moet ophou om die publiek te verwar.”

- [email protected]

Soortgelyk

 

Min kans vir vlieg na SA

1 uur gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

1 uur gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

1 uur gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

1 uur gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

1 uur gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

1 uur gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

1 uur gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

1 uur gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

1 uur gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...