Skrif aan die muur vir Goeieman

Kabinet kap hakke in oor RCC

13 June 2018 | Ministeries
Ronelle Rademeyer - Die skrif is aan die muur vir die permanente sekretaris van werke en vervoer, mnr. Willem Goeieman, om wie se kop daar die afgelope jare weens verskeie beweerde tenderongerymdhede ’n storm woed.

Dit volg nadat die kabinetskomitee op algemene beleid en prioriteite aanbeveel het die kabinetsekretaris, mnr. George Simataa, moet dissiplinêre stappe teen hom instel.

Die ondersoek moet enersyds gedoen word na sy optrede en/of betrokkenheid by die omstrede kontrak wat die bankrot Padkontrakteursmaatskappy (RCC) met ’n Chinese maatskappy gesluit het om geregtelike bestuur te systap. Dit is sonder die medewete van mnr. John Mutorwa, minister van werke en vervoer, en sonder die insae van die prokureur-generaal, dr. Albert Kawana, gedoen.

Die komitee het verder aanbeveel Simataa moet Goeieman in samewerking met die kantoor van die prokureur-generaal “ook vir vroeëre voorvalle ondersoek”.

Goeieman was in 2016 onder skoot met die toekenning van die Internasionale Lughawe Hosea Kutako se opgradering- en uitbreidingstender van N$7 miljard aan die Chinese maatskappy Anhui Foreign Economic Construction Group.

Dié aanbeveling deur die kabinetskomitee is laat Maandag deur Mutorwa bekend gemaak.

Hy het gister aan Republikein gesê die RCC se oorblywende twee direksielede, mnr. Fritz Jacobs en me. Elsie Skrywer, het albei vroeg gisteroggend skriftelik hul bedankings ingedien nadat aanbeveel is dat hulle onmiddellik afgedank word.

Hulle was die enigste lede oor op die direksie nadat die visevoorsitter, me. Anna Matebele, en mnre. Elzevir Gelderbloem en Melkizedek Uupindi vroeër reeds bedank het. “Ons moet nou met die proses begin om nuwe lede aan te stel,” het Mutorwa gesê.

Volgens hom gaan die hofstukke nou ook voorberei word om in die hoërhof aansoek te doen dat die RCC onder geregtelike bestuur geplaas word.

Intussen het die kabinetskomitee ook opdrag gegee dat die RCC nuwe finansiële state voorlê sodat die regering kan bepaal of die ministerie van finansies moet voortgaan met die opdrag om die werknemers se salarisse hangende die afhandeling van die hofverrigtinge te betaal, sê Mutorwa.

Die gort was behoorlik gaar toe dit op die lappe kom die RCC het op 9 April stil-stil ’n ooreenkoms vir “finansiering en tegniese ondersteuning” met China se Jiangsu Nantong Sanjian Construction Group aangegaan. Dit is deur die waarnemende hoofbeampte, mnr. Seth Herunga, onderteken.

Daarvolgens sou dié staatsbeheerde Chinese konstruksiemaatskappy N$580 miljoen aan die RCC leen teen ’n koers van 15% rente per jaar, terugbetaalbaar oor ’n tydperk van 5 jaar.

In ruil moes die RCC vir Nantong Sanjian werk verskaf op die multimiljoen Namibiese dollar se padbouprojekte wat tans aan die gang is, werks- en verblyfpermitte vir sy mense reël en ook help om die permitte en lisensies van sy masjinerie te bekom.

Mutorwa het verlede maand in Windhoek bekend gemaak die kontrak is ongeldig en aan joernaliste gesê hy het eers 11 dae nadat dit onderteken is, daarvan bewus geword. “Dit is aangegaan sonder die insette of goedkeuring van my as lynminister. Verder het die prokureur-generaal as die regering se regsadviseur ook nie die geleentheid gehad om regsadvies te verleen nie,” het ’n ontstelde Mutorwa gesê.

Soortgelyk

 

Windhoek se baas in die pad gesteek

1 uur gelede | Plaaslik

Denver Kisting – Windhoek se uitvoerende hoof, mnr. Robert Kahimise, is geskors.Republikein verneem dié skorsing sal vir minstens drie maande geld.Die wending kom te midde...

Swaar reën, oosweer kom dalk môre

2 ure gelede | Omgewing

Swaar reën word vir môre op plekke oor die sentrale noorde, die Kunene-, Erongo-, westelike Otjozondjupa- en Khomasstreek voorspel, terwyl oosweer na verwagting vanaf môre...

'Barbaarse' olifantjag skaad Namibië se beeld

16 ure gelede | Plaaslik

Denver Kisting Namibië is opnuut internasio­naal in die sop nadat 'n video oor 'n wrede olifantjag die ­afgelope week aan die lig gekom het.'n Storm...

Elite hervestig, sê ontevrede aansoekers

16 ure gelede | Plaaslik

Catherine Sasman - Redes vir die ministerie van grondhervorming se besluit om die plase Felseneck (nr. 26) en Okanatjikuma (nr. 26) aan die beslote korporasie...

Utoni hou voet by stuk oor Rus

16 ure gelede | Plaaslik

Ronelle Rademeyer Die minister van grondhervor­ming, mnr. Utoni Nujoma, het Vrydagmiddag aan joernaliste herhaal wat hy die vorige middag aan parlementariërs gesê het, naamlik dat...

Huurbeheer binne drie weke ingestel

16 ure gelede | Plaaslik

Augetto Graig - Die Regstellende Herposisioneringsbeweging (AR) sê hy het daarin geslaag om die regering tot die instel van huurbeheerrade te dwing.In huurordonnansie nommer 13...

Skole, koshuise is ‘kraamsale’

16 ure gelede | Onderwys

Henriette Lamprecht – Die enigste oplossing vir die terugbrenging van morele waardes en om tienerswangerskappe hok te slaan, is die herinstel van Bybelstudie by skole...

Streeksowerhede nou verantwoordelik vir waterverskaffing, sanitasie

16 ure gelede | Ministeries

Die ministerie van landbou, water en bosbou se waterverskaffing- en sanitasiekoördinasie-funksie sal voorts op streeksvlak hanteer word. Die funksies onder meer die identifisering van plekke...

Simataa bekommerd oor kubermisdaad

16 ure gelede | Ministeries

Denver Kisting – Die minister van inligting en kommunikasietegnologie, mnr. Stanley Simataa, sê die prys van tegnologie is aanlyn misdaad.Hy het verlede week in die...