Skikkingsooreenkoms vir Omeya

Partye besluit op geregtelike bestuur

11 December 2020 | Howe
Elvira Hattingh - Bank Windhoek en Omeya se ontwikkelaar het ’n skikkingooreenkoms bereik om laasgenoemde onder geregtelike bestuur te plaas, eerder as om dit te likwideer.

Die ontwikkelaarsmaatskappy is Omeya Gholf- en Residensiële Oase (Ogro).

Die betrokke partye het die hoërhofregter Thomas Masuku Woensdagoggend dienooreenkomstig ingelig en ook ’n konsephofbevel ingedien. ’n Voorstel is gemaak dat mnr. Alwyn van Straten van Executrust deur die hof aangestel word om die bestuur oor te neem.

Die saak sal op 4 Februarie weer in die hoërhof draai, waartydens die skikkingsooreenkoms ’n finale bevel van die hof gemaak sal word, sou belanghebbendes nie enige besware daarteen opper nie.

KAN GERED WORD

Dit volg nadat Bank Windhoek Maandag (7 Des) aangedui het dit sou Ogro se likwidasie-aansoek in die hof teenstaan. Die bank wil hê die onderneming moet eerder onder geregtelike bestuur geplaas word, aangesien sy kontantvloei-probleme op ander maniere beredder kan word.

Ogro het aanvanklik ’n dringende aansoek in die hoërhof in Windhoek ingedien om gelikwideer te word, nadat die ineenstorting van die eiendomsmark dit na bewering kommersieel insolvent gelaat het.

Mnr. André van der Walt, een van vier lede op Ogro se direksie, het in ’n beëdigde verklaring bevestig dat Ogro se bates steeds meer as sy laste is. Van der Walt Investment Trust, waarvan Van der Walt ook een van die trustees is, is die alleen-aandeelhouer in Ogro.

Ogro is in die rooi by twee van sy grootste skuldeisers, naamlik Bank Windhoek asook First National Bank, vir wie dit onderskeidelik sowat N$133 miljoen en N$12 miljoen skuld.

Die onderneming sê dit kan nie sy maandelikse terugbetalings van onderskeidelik N$900 000 en N$75 000 aan dié banke nakom nie. Daarbenewens moet dit nog ’n maandelikse geldelike bystand van sowat N$660 000 aan sy verskeie filiale verleen.

In ’n beëdigde verklaring wat Maandag (7 Des) deur Bank Windhoek se mnr. Anton de Wit by die hof ingedien is, word beweer Ogro kan steeds suksesvol wees, indien dit ’n geleentheid gegun word.

De Wit sê die verkoop van die Gholf-akademie aan die Omeya-huiseienaarsvereniging, sal reeds aan Ogro die nodige kontantvloei voorsien om sy werksaamhede vol te hou. Boonop het die huiseienaarsvereniging glo ook reeds ’n aanbod vir die akademie gemaak. - [email protected]

Soortgelyk

 

Gesondheidswerkers, leerlinge en onderwysers deel van 343 nuwe gevalle

3 ure gelede | Gesondheid

Sewe Covid-19-verwante sterftes is vandag aangekondig en wel vier in Windhoek, twee in Swakopmund en een in Grootfontein. Die sterftes in Windhoek sluit 'n 63-jarige...

Moller, Hatuikulipi se belange onder vergrootglas

19 ure gelede | Misdaad

Hoofredaksie – Een van die transaksies wat deur die Teenkorrupsie-kommissie (ACC) as deel van die Fishrot-ondersoek gefynkam word, is 'n bedrag van N$8 miljoen wat...

Rekening van N$151 000 bly toe 'jakkals' gly

19 ure gelede | Misdaad

Francoise Steynberg – 'n Vermeende glyjakkals wat vir 'n maand saam met sy gesin in 'n gastehuis op Swakopmund gebly en glo nie betaal het...

Mans vas oor vervalsing van Covid-19-toetsuitslae

19 ure gelede | Misdaad

Kristien KrugerTwee Zimbabwiese mans is Saterdag omstreeks 12:00 op Katima Mulilo in hegtenis geneem vir die besit was vervalste Covid-19 laboratoriumtoetsverslae van PathCare Namibië.Die mans...

Reënweer bring groot skade

19 ure gelede | Weer

Kristien Kruger – Terwyl Namibië die derde week van swaar neerslae binnegaan, is groot skade reeds aan paaie, landerye en ander infrastruktuur aangerig. Windhoekers is...

Weer vir 11 Januarie 2021

19 ure gelede | Weer

BINNELAND: Gedeeltelik bewolk en baie warm in die Noordweste, verre Weste en dele van die //Kharasstreek. Elders sal dit bewolk en warm tot baie...

Regering slaan toe op klaringsagente

19 ure gelede | Regering

Phillepus Uusiku – Die regering is in die finale fase van die instelling van strenger maatreëls vir die lisensiëring van klaringsagente.Die instellings beoog om die...

Nafau wen in hof teen Shoprite

19 ure gelede | Arbeid

Kristien Kruger en Adolf Kaure – Stakende Shoprite-werknemers was Vrydagmiddag verjuig toe die hoërhof in Windhoek beslis het dat ’n interdik teen die Shoprite-winkelgroep uitgereik...

Op die spoor van Hardapdam se opvangsgebiede

19 ure gelede | Infrastruktuur

Kallie Pauw (gasskrywer)Die onlangse wonderlike reën in groot dele van Namibië en verslae daaroor en foto's van vol riviere en dansende boere het mense (soos...