Skietery in kroeg lyk na haataanval
Owerhede in die Amerikaanse deelstaat Kansas het 'n man wat glo op mense in 'n kroeg geskiet het van moord aangekla.
'n Indiese man is dood en twee ander is beseer toe die skieter op hulle losgebrand het. Dié voorval, wat wêreldwyd vrese oor 'n nuwe vlaag van verkramptheid en vooroordele aanblaas, het Woensdagaand in die Austin's Bar and Grill in Olathe plaasgevind. Adam W. Purinton (51) is sowat 'n dag ná die voorval in Missouri in hegtenis geneem.
Volgens 'n ooggetuie het Purinton aan twee van die Indiese mans wat hy geskiet het, gesê “verlaat my land”.
Daarna het hy begin skiet en rassistiese aanmerkings gemaak. Srinivas Kuchibhotla (32) het in die hospitaal aan sy beserings beswyk.
Alok Madasani (32) van Overland Park, Kansas, is Donderdag uit die hospitaal ontslaan. Ian Grillot (24) is ook in die voorval beseer.
Owerhede kan nog nie die motief vir die aanval bevestig nie, maar die familie van die Indiese mans sê hulle vrees die skietery is weens die huidige klimaat van vrees en xenofobie in Amerika.
Die pa van een van die beseerdes wys vinger na die verkiesing van pres. Donald Trump wat gereeld buitelanders as 'n bedreiging vir die Amerikaners beskryf. Die pa pleit by ouers in Indië om nie hul kinders na Amerika toe te stuur nie.
Die owerhede het nie baie besonderhede oor die aanval bekend gemaak nie. Hulle sê nie die skietery was 'n haatmisdaad nie, maar sê hulle ondersoek of dit deur “bevooroordeling” aangevuur is.
Op Donderdag se inligtingsessie het amptenare gewaarsku dat dit nog vroeg in die ondersoek is en hulle wou nie 'n motief vir die skietery gee nie.
“Wat die motief en feite in dié geval betref . . . wil ons seker wees van ons feite teenoor spekulasie,” sê Stephen M. Howe, distriksprokureur.
– Netwerk24
'n Indiese man is dood en twee ander is beseer toe die skieter op hulle losgebrand het. Dié voorval, wat wêreldwyd vrese oor 'n nuwe vlaag van verkramptheid en vooroordele aanblaas, het Woensdagaand in die Austin's Bar and Grill in Olathe plaasgevind. Adam W. Purinton (51) is sowat 'n dag ná die voorval in Missouri in hegtenis geneem.
Volgens 'n ooggetuie het Purinton aan twee van die Indiese mans wat hy geskiet het, gesê “verlaat my land”.
Daarna het hy begin skiet en rassistiese aanmerkings gemaak. Srinivas Kuchibhotla (32) het in die hospitaal aan sy beserings beswyk.
Alok Madasani (32) van Overland Park, Kansas, is Donderdag uit die hospitaal ontslaan. Ian Grillot (24) is ook in die voorval beseer.
Owerhede kan nog nie die motief vir die aanval bevestig nie, maar die familie van die Indiese mans sê hulle vrees die skietery is weens die huidige klimaat van vrees en xenofobie in Amerika.
Die pa van een van die beseerdes wys vinger na die verkiesing van pres. Donald Trump wat gereeld buitelanders as 'n bedreiging vir die Amerikaners beskryf. Die pa pleit by ouers in Indië om nie hul kinders na Amerika toe te stuur nie.
Die owerhede het nie baie besonderhede oor die aanval bekend gemaak nie. Hulle sê nie die skietery was 'n haatmisdaad nie, maar sê hulle ondersoek of dit deur “bevooroordeling” aangevuur is.
Op Donderdag se inligtingsessie het amptenare gewaarsku dat dit nog vroeg in die ondersoek is en hulle wou nie 'n motief vir die skietery gee nie.
“Wat die motief en feite in dié geval betref . . . wil ons seker wees van ons feite teenoor spekulasie,” sê Stephen M. Howe, distriksprokureur.
– Netwerk24
Kommentaar
Republikein
Geen kommentaar is op hierdie artikel gelaat nie