SIM-registrasie word wet

Regulasies in Staatskoerant gepubliseer

01 April 2021 | Tegnologie
Augetto Graig

Die regering verplig selfoondiensverskaffers om kliënte se identiteitsbesonderhede en inligting rakende hul kommunikasiegewoontes te stoor, nadat regulasies vir die toepassing van die Kommunikasiewet nr. 8 van 2009 op 15 Maart 2021 in die Staatskoerant gepubliseer is.

Telekommunikasie-diensverskaffers sal vanaf 15 Junie verplig wees om eers enige kliënt se persoonlike identiteitsinligting op te neem, voordat hulle ’n intekenaar-identifikasiemodule, beter bekend as ’n SIM-kaart, sal kan uitreik.

Die meerderheid kommersieel beskikbare selfone werk nie sonder ’n SIM-kaart nie.

Die woordvoerder vir Telecom Namibia, me. Nomvula Kambinda, sê die staatsonderneming sal teen die sperdatum gereed wees.

“Ons spanne werk dag en nag om te verseker ons voldoen teen die tyd wat die regulasies toegepas moet word,” sê sy.

Volgens die regulasies moet diensverskaffers hierdie inligting vir minstens vyf jaar stoor. Dit sluit in die telefoonnommer van die kliënt, enige ander toepaslike identifikasienommer en enige inligting nodig om ’n spesifieke dienspakket aan ’n spesifieke kliënt te koppel.

Boonop moet rekord gehou word van enige nommers geskakel deur ’n kliënt, of waarvan ’n kliënt geskakel word, asook die bron en bestemming van enige ander kommunikasie saam met die grootte van die data verbruik in daardie kommunikasie.

Die internetprotokol (IP)-adres, wat gebruik word om ’n spesifieke rekenaar uit te ken, moet waar toepaslik aangeteken word. Datum, tyd en duur van enige gesprekke moet aangeteken word, saam met nodige inligting om die kliënt te koppel met veelparty konferensie-oproepe, oproepverwysing of boodskappe gelaat indien oproepe nie beantwoord word nie.

Selfs van die perseel van waar die oproep herlei word en die vorm van die boodskap moet rekord gehou word.

Hierdie inligting mag, volgens die regulasies, deur lede van die Namibiese polisie of beamptes van die Namibië Sentrale Intelligensiediens (NCIS) aangevra word, mits hulle hiervoor goedkeuring van ’n landdros of ’n regter kry.

Die regulasies sit die besonderhede uiteen wat beamptes in so ’n versoek moet verskaf, maar maak ook voorsiening vir dringende toegang tot die inligting indien die beampte glo dat ’n vertraging weens ’n aansoek vir goedkeuring die doel van die toegang tot die inligting sal belemmer.

Die regulasies stel ook die koste van aanvraag tot hierdie inligting teen N$400 per teikenkliënt, N$30 per maand, N$30 per spesifieke versoek en ook N$4 per uitgedrukte blad, of N$12 per CD-skyf, of N$12 as die inligting elektronies oorgedra moet word.

Verder kry diensverskaffers N$250 as die inligting buite werksure verskaf moet word, volgens die regulasies.

[email protected]

Soortgelyk

 

Nog 286 ingeënt, 88 nuwe gevalle, drie sterftes

9 ure gelede | Gesondheid

Die Covid-19-verwante sterftes skuif met drie - al drie in Windhoek - op tot 523, 88 nuwe gevalle is aangemeld en nog 286 mense is...

Blitstoetse vir reisigers word nou aanvaar

13 ure gelede | Toerisme

Negatiewe blitstoetse vir reisigers word nou by grense aanvaar, het die gesondheidsminister, dr. Kalumbi Shangula, vanmiddag aangekondig. “Negatiewe blitstoetse vir inkomende reisigers sal by grensposte...

Tot 100 mag vergader, geen maskers vir kinders onder...

13 ure gelede | Gesondheid

*Die aantal persone wat 'n openbare byeenkoms bywoon, verhoog van 50 tot 100 persone per geleentheid of dit binne- of buitemuurs is. *Organiseerders moet 'n...

Entstowwe van Covax binne drie weke verwag

14 ure gelede | Gesondheid

Die minister van gesondheid en maatskaplike dienste, dr. Kalumbi Shangula, sê volgens Covax sal Namibië in die volgende drie weke die land se beloofde entstowwe...

Unicef: Kinders se lewe het nie verbeter

19 ure gelede | Skole

Namibië is een van baie Afrikalande waar kinders se lewens ten spyte van ekonomiese groei nie verbeter het nie. Dit volgens Unicef se verteenwoordiger in...

Een persoon ontwikkel matige simptome ná Sinopharm-entstof

20 ure gelede | Gesondheid

Die adjunkminister van gesondheid, dr. Esther Muinjangue, sê net een persoon uit die meer as 800 wat met die Sinopharm-entstof teen Covid-19 ingeënt is, het...

Geen borg vir ‘tref-en-trap-lorriedrywer’

1 dag gelede | Misdaad

Francoise Steynberg – Die vragmotorbestuurder wat glo Sondagaand ’n voetganger langs die B2-hoofpad by Okahandja doodgery en weggejaag het, bly in aanhouding. Mnr. Efraim...

Weer vir Woensdag 31 Maart

1 dag gelede | Weer

WEERWAAK: Ooswindtoestande sal oor die kusgebiede voortduur. BINNELAND: Gedeeltelik bewolk en warm tot baie warm in die suidweste en die noordooste, andersins gedeeltelik bewolk en...

Komsberg, juweel in Namibië se landboukroon

1 dag gelede | Byvoegsels

Ronelle Rademeyer – “Ons wil nie die grootste plaas in Namibië wees nie, maar ons streef daarna om die beste plaas te wees en die...