Shifeta: Olifante sterf dalk weens stres

Ileni Nandjato op Ondangwa - Die minister van die omgewing, bosbou en toerisme, mnr. Pohamba Shifeta, sê mense wat nie natuurlike hulpbronne wil oes nie kan moontlik die rede vir die raaiseldood van honderde olifante die afgelope maande in die Kavango-Zambezi-oorgrensbewaringsgebied (Kaza) wees.Meer as 300 olifantkarkasse is sedert Mei in die Okavango-delta gevind. Shifeta het gesê weefselmonsters is van die dooie olifante geneem, maar laboratoriums kon nie die oorsaak van hul dood vasstel nie. Shifeta wat Vrydag op Ondangwa die projek, Namibia Integrated Landscape Approach for Enhancing Livelihood and Environmental Governance to Eradicate Poverty (NILALEG), van stapel gestuur het, sê hy vermoed die diere ervaar stres weens oorbevolking in die gebied. Shifeta het gesê slegs in die Kaza-gebied is daar meer as 200 000 olifante. Namibië, Angola, Botswana, Zambië en Zimbabwe is lidlande van Kaza.“Honderde olifante vrek in Botswana in die Kaza-gebied. Dit is ‘n feit dié gebied het ‘n bevolking van olifante tien keer meer as sy drakrag. “Die olifante het alles vernietig omdat die mededinging tussen hulle so hoog is. Hierdie olifante is moontlik sterwend weens stres, want die monsters wat geneem is kon nie die oorsaak van hul dood vasstel nie. Stres maak meer diere dood as siektes en daarom is daar geen bevindings nie,” het Shifeta gesê.Volgens Shifeta is mededinging tussen olifante in die omgewing baie hoog en sommige boomspesies het verdwyn wat daartoe lei dat olifante hongersnood ervaar. OPLOSSINGShifeta het gesê omdat die oes van olifante nie toegelaat word nie, moet deeglike navorsing gedoen word om ‘n oplossing te vind. “Daar is diegene wat oningelig is wat nie ons eie hulpbronne wil oes nie. Ons sê ons het ’n probleem met oorbevolking van sommige wildspesies en die drakrag kan nie gehandhaaf word nie,” het Shifeta beklemtoon.“Diegene wat wild navors, moet deeglike navorsing doen om ‘n oplossing te vind.”By die Wildlewe Ekonomiese Beraad wat in Victoria Falls gehou is, het Namibië by Botswana, Zambië en Zimbabwe aangesluit om op die verkoop van hul ivoorvoorrade aan te dring.Hulle versoek is verwerp ondanks hul verweer dat ivoorhandel toegelaat moet word op grond daarvan dat wettige handel onwettige markte sal uitskakel en die inkomste vir wildbeskerming aangewend kan word. - ileni@namibiansun.com

Shifeta: Olifante sterf dalk weens stres

Kommentaar

Republikein 2025-07-07

Meld asseblief aan om kommentaar te lewer

Shifeta: Olifante sterf dalk weens stres

Kommentaar

Republikein 2025-07-07

Meld asseblief aan om kommentaar te lewer

MELD AAN

Advertensie