Seekoeie val weer vas in modderpoel

05 September 2020 | Omgewing
Francoise Steynberg - Seekoeie het weer in ‘n modderpoel vasgeval in die Linyanti-gebied in die Zambezistreek.


Volgens Livingstone’s Camp sit 44 seekoeie al vir maande vas in ‘n klein modderpoel en ‘n kalfie is reeds dood.

Die seekoeie kan nie uitkom en die rivier bereik nie. Die water wat normaalweg die kanaal voed, het opgedroog en klein modderpoele het gevorm, volgens Livingstone’s Camp.

Hulle ondersteun die Wuparo-bewaringsgebied om water in die poel te pomp om die seekoeie te laat oorleef.

“Dit het tot dusver baie goed gewerk, maar geld is nodig om die koste van die petrol of sonkragpanele vir die pomp te dek. Dit is broodnodig dat die watervlak gehandhaaf word tot dit weer reën.”

Die vrees bestaan dat nóg seekoeie kan vrek.

Volgens die woordvoerder van die ministerie van die omgewing, bosbou en toerisme, mnr. Romeo Muyunda, is die ministerie bewus van die kwessie, “maar nie dat dit so so agteruitgegaan het dat dit nou in ‘n kritieke situasie ontaard het nie”.

Hy sê die ministerie het vroeër vanjaar reeds sonpanele aan die bewaringsgebied oorhandig om water in die poel te pomp.

“Dit het nou eers onder ons aandag gekom dat die situasie so agteruitgegaan het dat dit nou kritiek is. Ons personeel is opdrag gegee om onmiddellik vas te stel wat die huidige situasie is.”

Muyunda sê die personeel sal voorstelle vir die pad vorentoe op die tafel lê.

“Ons bly verbind aan die oorlewing van hierdie seekoeie. Ons sal nou saam met rolspelers werk om ‘n langtermynoplossing vir hierdie herhaaldelike kwessie te kry,” het Muyunda gesê.

In Augustus verlede jaar het seekoeie ook in modderlpoele in die streke van Kavango-Oos en Zambezi weens die lae riviervlakke vasgeval.

-[email protected]

Foto Livinstone's Camp

Soortgelyk

 

Min kans vir vlieg na SA

3 ure gelede | Toerisme

Ronelle Rademeyer - Hoewel Suid-Afrika Donderdag sy grense vir besoekers uit goedgekeurde lande, waaronder Namibië, heropen, moet Namibiërs vir eers verlief neem met die feit...

Remaining powerful through education

3 ure gelede | Mense

Ester Kamati With a key interest in space science and the history of science, watching videos on these topics is Hosea Hashili’s favourite pastime. Hasili...

Weer, Dinsdag 29 September 2020

3 ure gelede | Weer

BINNELAND: Sonnig en warm tot baie warm, maar baie warm in die Noorde. Enkele wolke sal na verwagting oor die Zambezistreek voorkom.KUS: Gedeeltelik bewolk en...

Vroeggebore tweeling sterk goed aan

3 ure gelede | Gesondheid

Henriette Lamprecht - Twee maande nadat hulle te vroeg op 27 weke in die Lady Pohamba Private Hospitaal in Windhoek gebore is, kan die ouers...

Nuwe Fenata-voorsitter vanuit ontluikende toerismebedryf

3 ure gelede | Toerisme

Francoise Steynberg - Geskiedenis is gemaak toe die nuwe voorsitter van die Namibiese Toerismevereniging (Fenata), me. Netumbo Nashandi, vir die eerste keer uit die geledere...

Onopgeloste verdwynings, moorde stapel op

3 ure gelede | Misdaad

Ellanie Smit – Terwyl die familie van die 22-jarige me. Shannon Darlikie Wasserfall met die trauma van haar verdwyning ses maande gelede worstel, dreig die...

One ­Africa TV ­partners with NMH

3 ure gelede | Onderwys

Distributed through Namibia Media Holdings' (NMH) youth brand, My Zone, the newly added grade zero to seven lessons form part of a ­collaboration with the...

A look at National Readathon, Heritage Week

3 ure gelede | Onderwys

Enzo AmueleThe National Readathon and Heritage Week, which were launched by the minister of education, arts and culture Ester Nghipondoka, took place last week.The Readathon...

Dagboek vir die landbouer

3 ure gelede | Landbou

Agra ProVision se kursusseAgra ProVision bied van 5 tot 8 Oktober 'n kursus oor plaasbestuur in Windhoek aan en daarna van 6 tot 8 Oktober...