Schlettwein sê oor TIPEEG, FOCAC
Die minister van finansies sê openbare leiers moenie die publiek vir hul eie gewin mislei nie.
Denver Kisting – In die eerste plek is Namibië se ekonomie besig om aan te pas by ’n nuwe pad van groei nadat dit een van die onstuimigste tydperke deurstaan het.
Derhalwe maak dit sin dat inwoners uit alle oorde met voorstelle en verwagtinge vorendag sal kom oor hoe die ekonomie kan herstel en groei.
Só het mnr. Calle Schlettwein, die minister van finansies, gistermiddag in die Nasionale Vergadering (NV) gesê.
Volgens hom is belangrike bydraes ontvang oor hoe die huishoudelike ekonomiese produktiwiteit uitgebrei kan word en hoe ’n meer insluitende groei en diversifisering – deur toegevoegde waarde – en nywerheidsontwikkeling teweeg gebring kan word.
Dié vloei van idees en planne is in voeling met die deelnemende en oop benadering, waarmee die nasionale begroting en openbare beleid saamgestel en hersien word, het hy tydens ’n ministeriële verklaring in die NV gesê.
Maar, het hy gemaan, dit is belangrik dat hierdie uitsprake, veral uit die mond van openbare leiers, feitelik en objektief moet wees en nie opportunisties van aard nie.
Die teendeel sal neerkom op misleiding van die publiek, sê hy.
Schlettwein se verklaring kom ná ’n openbare standpunt deur die amptelike opposisieleier, mnr. McHenry Venaani, oor die ekonomiese impak van die teikengerigte ingrypingsprogram vir indiensneming en ekonomiese groei (TIPEEG).
Venaani, die president van die Popular Democratic Movement (PDM), het luidens berigte dié program afgeskiet as ’n mislukking.
Onder meer het hy na wat berig is, gesê TIPEEG is een van die redes hoekom die land se ekonomie tans doodbloei, die regering moet waaksaam wees oor nuwe projekte wat deur die buiteland befonds word en TIPEEG-doelwitte is nie gehaal nie.
Sou Venaani weet van gesteelde TIPEEG-geld, het hy ’n verantwoordelikheid om dié misdaad aan te meld, sê Schlettwein.
Boonop, sê die minister, hét TIPEEG vrugte afgewerp.
Onder meer was die deursnee ekonomiese groei tussen 2010 en 2014 nagenoeg 5,6%.
“Dié gemiddelde is wesenlik hoër as die langtermyngemiddelde groeikoers van 3,9% sedert 1991. Die jaarlikse reële groeikoers wat tydens die TIPEEG-tydperk behaal is, is een van die hoogstes wat tot dusver bereik is.”
Volgens Schlettwein het ongelykheid ingevolge die Gini-maatstaf ook afgeneem tydens dié tydperk.
N$14,7 miljard is aanvanklik aan TIPEEG toegeken, waarvan N$13 miljard bestee is. Dít verteenwoordig 88%, terwyl die res terug is na die staatskas, het Schlettwein gesê.
Hy het voorts benadruk China het tydens die onlangse beraad oor samewerking tussen dié land en Afrika onderneem om US$60 miljard beskikbaar te stel om projekte in landbou, infrastruktuurontwikkeling, nywerheidsdrakrag, energie en natuurlike hulpbronne, toerisme en handel te finansier.
’n Derde van dié geld gaan lenings wees, ’n kwart sal skenkings en rentevrye- en laerente lenings behels, terwyl die res beleggings en ontwikkelingsfinansiering gaan beslaan, het Schlettwein voorts gesê.
Derhalwe maak dit sin dat inwoners uit alle oorde met voorstelle en verwagtinge vorendag sal kom oor hoe die ekonomie kan herstel en groei.
Só het mnr. Calle Schlettwein, die minister van finansies, gistermiddag in die Nasionale Vergadering (NV) gesê.
Volgens hom is belangrike bydraes ontvang oor hoe die huishoudelike ekonomiese produktiwiteit uitgebrei kan word en hoe ’n meer insluitende groei en diversifisering – deur toegevoegde waarde – en nywerheidsontwikkeling teweeg gebring kan word.
Dié vloei van idees en planne is in voeling met die deelnemende en oop benadering, waarmee die nasionale begroting en openbare beleid saamgestel en hersien word, het hy tydens ’n ministeriële verklaring in die NV gesê.
Maar, het hy gemaan, dit is belangrik dat hierdie uitsprake, veral uit die mond van openbare leiers, feitelik en objektief moet wees en nie opportunisties van aard nie.
Die teendeel sal neerkom op misleiding van die publiek, sê hy.
Schlettwein se verklaring kom ná ’n openbare standpunt deur die amptelike opposisieleier, mnr. McHenry Venaani, oor die ekonomiese impak van die teikengerigte ingrypingsprogram vir indiensneming en ekonomiese groei (TIPEEG).
Venaani, die president van die Popular Democratic Movement (PDM), het luidens berigte dié program afgeskiet as ’n mislukking.
Onder meer het hy na wat berig is, gesê TIPEEG is een van die redes hoekom die land se ekonomie tans doodbloei, die regering moet waaksaam wees oor nuwe projekte wat deur die buiteland befonds word en TIPEEG-doelwitte is nie gehaal nie.
Sou Venaani weet van gesteelde TIPEEG-geld, het hy ’n verantwoordelikheid om dié misdaad aan te meld, sê Schlettwein.
Boonop, sê die minister, hét TIPEEG vrugte afgewerp.
Onder meer was die deursnee ekonomiese groei tussen 2010 en 2014 nagenoeg 5,6%.
“Dié gemiddelde is wesenlik hoër as die langtermyngemiddelde groeikoers van 3,9% sedert 1991. Die jaarlikse reële groeikoers wat tydens die TIPEEG-tydperk behaal is, is een van die hoogstes wat tot dusver bereik is.”
Volgens Schlettwein het ongelykheid ingevolge die Gini-maatstaf ook afgeneem tydens dié tydperk.
N$14,7 miljard is aanvanklik aan TIPEEG toegeken, waarvan N$13 miljard bestee is. Dít verteenwoordig 88%, terwyl die res terug is na die staatskas, het Schlettwein gesê.
Hy het voorts benadruk China het tydens die onlangse beraad oor samewerking tussen dié land en Afrika onderneem om US$60 miljard beskikbaar te stel om projekte in landbou, infrastruktuurontwikkeling, nywerheidsdrakrag, energie en natuurlike hulpbronne, toerisme en handel te finansier.
’n Derde van dié geld gaan lenings wees, ’n kwart sal skenkings en rentevrye- en laerente lenings behels, terwyl die res beleggings en ontwikkelingsfinansiering gaan beslaan, het Schlettwein voorts gesê.
Kommentaar
Republikein
Geen kommentaar is op hierdie artikel gelaat nie