SAUK ‘kan van lug verdwyn’ weens geldnood
Hanlie Stadler – Vir die tweede keer in soveel maande word die vrees geopper dat die Suid-Afrikaanse Uitsaaikorporasie (SAUK) se radio- en TV-stasies van die lug gaan verdwyn.
Die openbare uitsaaier het by die tesourie aansoek gedoen om ’n waarborg sodat hy R3,2 miljard by banke kan leen om sy deure oop te hou, het die Sunday Times Sondag berig. Die waarborg is egter nog nie toegestaan nie.
Bongumusa Makhathini, voorsitter van die SAUK se direksie, het aan Sunday Times gesê die uitsaaier skuld miljoene rande aan die Johannesburg-metro vir dienste, die seinverspreider Sentech en die betaaltelevisiediens MultiChoice.
In die paar dae voor die verkiesing op 8 Mei, het die SAUK ook gesê hy sukkel om sy rekeninge te betaal. Daar was sprake dat personeel nie betaal sou word nie.
Volgens die berig in Sunday Times het die SAUK weens sy geldnood nie sy infrastruktuur onderhou nie, wat die risiko verhoog dat die uitsaaier heeltemal van die lug sal verdwyn.
Bedrog en wanbestuur by die SAUK kom op die oomblik op die lappe by die Zondo-kommissie van ondersoek na staatskaping. ’n Interne oudit en ’n ondersoek deur die Valke is ook op die oomblik na die SAUK se boeke aan die gang.
Op 7 Junie is Thami Zikode, die SAUK se hoofouditbestuurder, deur vier mans agtervolg toe hy die uitsaaier se kantoor in Auckland Park verlaat het. Hy het een van die aanvallers geskiet. Dit word alom beskryf as ’n sluipmoordpoging.
Nagenoeg 180 mense word betrek by beweerde wangedrag. Van die ongerymdhede sluit in etlike gevalle waar bestuurders sommerso bevorder is of ’n bonus betaal is al het hulle dit nie verdien nie.
Die SAUK se probleme kom terwyl die Suid-Afrikaanse Lugdiens (SAL) en Eskom albei op die oomblik steier. Die SAL moet voor einde Julie R4 miljard kry om skuld en rekeninge te betaal, terwyl Eskom se skuldlas op R440 miljard geraam word.
Te midde van dié probleme saai die SAUK nie Banyana Banyana, die nasionale vrouesokkerspan, se wedstryde in die Wêreldbekersokkertoernooi vir vroue uit nie. Hulle speel Maandagaand teen Duitsland in waarskynlik hul laaste wedstryd in die toernooi.
Vuyo Mthembu, woordvoerder, het onlangs aan Netwerk24 gesê die noodsaaklikheid om bykomende finansiering te bekom, is nou in ’n “kritieke fase”.
Die SAUK het drie algemene televisiekanale en 18 nasionale en streekradiostasies, asook die nuuskanaal SABC News.
Volgens Mthembu het die SAUK se bestuurspan in die laaste paar maande heelparty veranderinge aangebring wat gehelp het om meer inkomste te genereer.
Sy uitgawes oorskry egter steeds sy inkomste baie ver, sê Mthembu.
Mthembu het bevestig tugverhore teen beweerde oortreders vind tans plaas. – Netwerk24
Die openbare uitsaaier het by die tesourie aansoek gedoen om ’n waarborg sodat hy R3,2 miljard by banke kan leen om sy deure oop te hou, het die Sunday Times Sondag berig. Die waarborg is egter nog nie toegestaan nie.
Bongumusa Makhathini, voorsitter van die SAUK se direksie, het aan Sunday Times gesê die uitsaaier skuld miljoene rande aan die Johannesburg-metro vir dienste, die seinverspreider Sentech en die betaaltelevisiediens MultiChoice.
In die paar dae voor die verkiesing op 8 Mei, het die SAUK ook gesê hy sukkel om sy rekeninge te betaal. Daar was sprake dat personeel nie betaal sou word nie.
Volgens die berig in Sunday Times het die SAUK weens sy geldnood nie sy infrastruktuur onderhou nie, wat die risiko verhoog dat die uitsaaier heeltemal van die lug sal verdwyn.
Bedrog en wanbestuur by die SAUK kom op die oomblik op die lappe by die Zondo-kommissie van ondersoek na staatskaping. ’n Interne oudit en ’n ondersoek deur die Valke is ook op die oomblik na die SAUK se boeke aan die gang.
Op 7 Junie is Thami Zikode, die SAUK se hoofouditbestuurder, deur vier mans agtervolg toe hy die uitsaaier se kantoor in Auckland Park verlaat het. Hy het een van die aanvallers geskiet. Dit word alom beskryf as ’n sluipmoordpoging.
Nagenoeg 180 mense word betrek by beweerde wangedrag. Van die ongerymdhede sluit in etlike gevalle waar bestuurders sommerso bevorder is of ’n bonus betaal is al het hulle dit nie verdien nie.
Die SAUK se probleme kom terwyl die Suid-Afrikaanse Lugdiens (SAL) en Eskom albei op die oomblik steier. Die SAL moet voor einde Julie R4 miljard kry om skuld en rekeninge te betaal, terwyl Eskom se skuldlas op R440 miljard geraam word.
Te midde van dié probleme saai die SAUK nie Banyana Banyana, die nasionale vrouesokkerspan, se wedstryde in die Wêreldbekersokkertoernooi vir vroue uit nie. Hulle speel Maandagaand teen Duitsland in waarskynlik hul laaste wedstryd in die toernooi.
Vuyo Mthembu, woordvoerder, het onlangs aan Netwerk24 gesê die noodsaaklikheid om bykomende finansiering te bekom, is nou in ’n “kritieke fase”.
Die SAUK het drie algemene televisiekanale en 18 nasionale en streekradiostasies, asook die nuuskanaal SABC News.
Volgens Mthembu het die SAUK se bestuurspan in die laaste paar maande heelparty veranderinge aangebring wat gehelp het om meer inkomste te genereer.
Sy uitgawes oorskry egter steeds sy inkomste baie ver, sê Mthembu.
Mthembu het bevestig tugverhore teen beweerde oortreders vind tans plaas. – Netwerk24
Kommentaar
Republikein
Geen kommentaar is op hierdie artikel gelaat nie