Sandman skop vakansieseisoen af

Driekamp

03 December 2021 | Sport
Die FNB Sandman-driekampbyeenkoms vind Sondagoggend vir die 34ste keer by die Mole in Swakopmund plaas.

FNB borg die gewilde kompetisie al die afgelope 14 jaar met OTB Sport wat vanjaar opnuut die jaarlikse instelling organiseer.

Deelnemers (individue en spanne) kan vir vier verskillende afstande inskryf: Ultra: 1,9 kilometer swem, 90 km fietsry en 21,1 km hardloop; Standaard: 1 km, 40 km en 10 km; Sprint: 400 meter, 20 km en 3 km; Mini: 150 m, 6 km en 3 km.

OTB Sport sê: “Daar is sterk mededinging by vanjaar se byeenkoms en ons verwag 'n opwindende wedloop in die onderskeie afstande. Sonder die ruim borgskap van FNB sou dit baie moeilik gewees het om die Sandman vir so lank aan te bied.

“Ons is ingenome om weer 'n kompetisie aan te bied wat plaaslike inwoners sowel as buitelanders geniet en hulle elke Desember laat terugkeer.”

By die Ultra (elite mans) is Konrad Marais die gunsteling en die verdedigende kampioen, maar hy kan sterk mededinging van Herbert Peters verwag. Peters neem vanjaar die eerste keer in die ultra-afstand deel.

Horst Neuman is die gunsteling by die veterane. Neuman is 'n sterk fietsryer en kan beide Marais en Peters strawwe teenstand bied.

'n Oorwinning deur David Gardner van Zimbabwe in die meesters-afdeling is nie uitgesluit nie. Indien Gardner Sondag weer wen, sal dit sy sesde meesterstitel wees.

Die elite mans behoort die ultra-afstand tussen 4 ure 20 minute en 4 ure 50 minute te voltooi. Die weerstoestande sal ’n groot rol speel; veral die wind met die 90 km fietsry.

Benita Kasch het die elite vroue-afdeling van die ultra in 2018 en 2019 gewen en is ‘n gunsteling om weer so te maak. Anri Krugel is ook goed op peil en kan Kasch opdraende gee. Gerda Horn, wat onlangs die meestersafdeling by die Mariental-driekamp gewen het, sal na verwagting opnuut 'n oorwinning in die ouderdomsgroep behaal.

STANDAARD

‘n Opwindende wedloop word tussen die 20-jarige Divan du Plooy en JG van der Westhuizen (19) voorspel. Du Plooy het die 2020-byeenkoms in 1:58:10 gewen en kan Sondag moontlik sy tyd verbeter.

In beide die sprint- en mini-kompetisies sal die mededinging tussen die 15-jariges sterk wees.

“Ons by OTB Sport bedank African Marketing wat die watertafels, produkte en personeel vir etlike jare borg asook Berocca, OSH-Med en E.M.A wat help met mediese ondersteuning en reaksie,” het die organiseerder gesê.

Soortgelyk

 

La Niña skop dalk nóú in

8 ure gelede | Weer

Elvira Hattingh – Terwyl die weerkantoor ‘n weerwaak vir vandag vir wydverspreide donderbuie oor die westelike helfte van die binneland uitgereik het, meen ‘n weerkenner...

Selfdegeslaghuwelike ly neerlaag … vir nou

8 ure gelede | Howe

Jana-Mari Smith – Drie hoërhofregters het hulle gister sterk ten gunste van die wetlike erkenning van selfdegeslaghuwelike in Namibië uitgespreek, maar het nietemin die aansoeke...

Elisenheimrivier sleep motors weg

8 ure gelede | Weer

Augetto Graig – Die Elisenheimrivier het Woensdagaand motorvoertuie saamgesleep toe dit verby die Farmers Kitchen restaurant by Gastefarm Elisenheim oorstroom het. Me. Rentia van der...

Hardap loop gou vol

8 ure gelede | Weer

Elvira Hattingh – Die Hardapdam sou na verwagting laat gisteraand 70% van sy kapasiteit bereik, wat beteken dié suidedam se sluise sou oopgetrek moes word....

kykNET se ‘Wat Dit Vat’: Hier’s die kunstenaars

8 ure gelede | Byvoegsels

Dit was pret, dit was plesier en dit was ’n malligheid op note. Toe die briljante musikant en musiekvervaardiger Loki Rothman gesê het hy gaan...

Fees van klassieke musiek ten bate van kanker

8 ure gelede | Byvoegsels

Een van die mees begaafde pianiste in Namibië, Johann van der Merwe, bied môre (22 Januarie) 'n uitvoering aan om geld in te samel om...

Working with high standards of technology

8 ure gelede | Mense

Wetumwene Shikage Not expecting to find a smooth and easy way of work, Romario Arnat describes his working experience as an eye-opener as to how...

Taking steady growing curves

8 ure gelede | Mense

Wetumwene Shikage Timothy Olivier’s passion and dedication has been a key driver in his success not only within Old Mutual, but throughout his...

Die weer Vrydag 21 Januarie 2022

8 ure gelede | Weer

BINNELAND: Gedeeltelik bewolk en baie warm in die noordooste met ’n paar buie in die Kavango, Otjozondjupa se ooste en die Omahekestreek; andersins gedeeltelik bewolk...