Sakevertroue nou laagste sedert apartheid – SAKKN

13 September 2019 | Ekonomie
Nellie Brand-Jonker – Nog ’n maatstaf wat aandui hoe swak sakevertroue in die land tans is, het in Augustus tot sy laagste vlak in langer as drie dekades gedaal.

Die indeks van sakevertroue van die Suid-Afrikaanse Kamer van Koophandel en Nywerheid (SAKKN), wat elke maand uitgereik word, was in Augustus amper so laag as wat dit laas in April 1985 was.

Die indeks het van 92 punte in Julie vanjaar tot 89,1 punte in Augustus gedaal.

Bloomberg berig dit is die laagste sedert desinvestering in die land weens die apartheidsbeleid plaasgevind het. Dit was die jaar toe die Verenigde Nasies (VN) se veiligheidsraad sy lede gevra het om verdere verreikende ekonomiese sanksies teen Suid-Afrika in te stel.

Netwerk24 het vroeër Woensdag berig oor nog ’n indeks oor sakevertroue wat tot sy laagste vlak in 20 jaar getuimel het. Dié indeks van RMB en die Buro vir Ekonomiese Ondersoek (BEO) word op grond van ’n peiling saamgestel waaraan 1 800 sakelui deelgeneem het.

Die SAKKN se indeks van sakevertroue word saamgestel uit 13 aanwysers wat ’n aanduiding gee van die heersende sakeklimaat. Dit is kragverskaffing, vervaardiging, uitvoer, invoer, motorverkope, kleinhandelverkope, konstruksie, inflasie, aandeelpryse, lenings in die private sektor, finansieringskoste, edelmetaal se pryse, en die wisselkoers.

Sewe van dié sub-indekse het op ’n maandgrondslag agteruitgegaan en ses is swakker as ’n jaar gelede.

Uitvoer, die swakker rand en ’n daling in aandeelpryse op die JSE was van die faktore wat veral maand tot maand negatief vertoon het.

“Hoewel die ekonomie ’n resessie in die tweede kwartaal vrygespring het, is dit nog nie tyd om te ontspan nie. Dit is omdat groei in die tweede kwartaal deur eksterne faktore aangedryf is, en dit nie in reaksie was op spesifieke stappe deur die regering en die sakebedryf nie.

“Die probleme wat lei tot lae groei, duur voort en moet dringend aandag kry.

“Die ekonomie het die implementering van beleid dringend nodig om die ekonomie aan die gang te kry en werk te skep,” het Alan Mukoki, uitvoerende hoof, en Richard Downing, ekonoom van die SAKKN, gesê.

“Die huidige stand van die fiskale gebreke, maatskaplike ongelykheid en werkloosheid vereis ’n dringende verandering oor hoe die impak daarvan beskou word. Dit is nie meer net ekonomiese terme wat bestudeer moet word nie. Dit is waarskynlik die gevolg van gewelddadige misdaad, plundering en die xenofobiese aanvalle wat tans in die nuus is.” – Netwerk24

Soortgelyk

 

Meegesleurde Okahandja-vrou steeds soek

1 uur gelede |

Elvira Hattingh - Die 42-jarige vrou wat gisteroggend deur die water meegesleur is toe sy en twee ander mense die Okahandjarivier te voet wou oorsteek,...

Hardap kry 19 Mm³ water sedert Maandag

1 uur gelede | Omgewing

Elvira Hattingh - Sedert die afgelope Maandag het die Hardapdam ’n reusehoeveelheid water bygekry, naamlik 19,523 Mm³ (miljoen kubieke meter). Die dam is nou 27,2%...

Nóg twee kietsies kry nekbande

3 ure gelede | Omgewing

Nóg twee swartpootwildekatte is in die vroeë oggendure met nekbande toegerus. Prof. Morgan Hauptfleisch en sy span van die Black-Footed Cat Working Group is tans...

Okahandja-kleinhoewe oorstroom weer

14 ure gelede | Weer

Elvira Hattingh - Terwyl die polisie gistermiddag bevestig het ‘n vrou is nog soek nadat die Okahandjarivier haar vroeg gisteroggend meegesleur het, was ‘n kleinhoewe-eienaar...

Geingob stil oor kleiner kabinet

14 ure gelede | Regering

Denver Kisting – Ten spyte van die groot gewag daaroor in sy Oujaarsrede weet Namibiërs nog nie hoe groot pres. Hage Geingob se verkleinde kabinet...

Eerste swartpootwildekat kry nekband

14 ure gelede | Omgewing

Francoise Steynberg - Daar is geskiedenis gemaak toe Namibië se eerste swartpootwildekat vandeesweek met 'n nekband toegerus is. "Om die klein katjies op te spoor,...

Weer vir 27 Februarie 2020

14 ure gelede | Weer

WEERWAAK: Verspreide donderbuie sal oor die noordelike streke en Omaheke- en Khomasstreek voortduur waar kitsvloede verwag word. Die nodige voorsorgmaatreëls moet getref word. BINNELAND: Gedeeltelik...

Drie stroop glo renoster in Etosha

14 ure gelede | Misdaad

Francoise Steynberg - Nege verdagtes is verlede week in verband met renosterstropery of -horingsmokkelary in hegtenis geneem. Vanaf 17 tot 23 Februarie is beslag op...

Droogte: Baie boere wurg nog

14 ure gelede | Landbou

Ronelle Rademeyer - Foto’s van vol riviere, opgaardamme waarvan die vlakke styg en panne water langs die pad en in die veld het die afgelope...